|
|
 |
| (GMT+08:00)
2005-10-27 20:58:44
|
 |
|
ສື່ມວນຊົນສິງກະໂປຊີ້ອອກວ່າ ຜູ້ນຳຍີ່ປຸ່ນໄປນະມັດສະກັນວັດຢາຊືຄູນີບໍ່ແມ່ນວຽກງານພາຍໃນເດັດຂາດ
cri
ຕາມຂ່າວສານຊິນຮວາ: ວັນທີ 27 ຕຸລາ, ໜັງສືພິມລຽນເຮີຈາວປ້າວສິງກະໂປໄດ້ພິມບົດນຳທີ່ພາດຫົວເລື່ອງວ່າ: ການໄປນະມັດສະກັນດວງວິນຍານອາຊະຍະກອນສົງຄາມບໍ່ແມ່ນວຽກງານພາຍໃນລ້ວນໆ, ຕຳໜິທ່ານໂຄອີຈູນີ ຈູນີຊິໂລ ນາຍົກລັດຖະມົນຕີຍີ່ປຸ່ນໄປນະມັດສະກັນວັດຢາຊຶຄູນີຫຼາຍເທື່ອ, ແລະຊີ້ອອກວ່າ, ເວົ້າສຳລັບປະຊາຊົນພາກພື້ນອາຊີປາຊິຟິກທີ່ເຄີຍຖືກຍີ່ປຸ່ນຮຸກຮານນັ້ນແລ້ວ, ຜູ້ນຳຍີ່ປຸ່ນໄປນະມັດສະກັນວັດຢາຊຶຄູນີມັນບໍ່ແມ່ນວຽກງານພາຍໃນຢ່າງເດັດຂາດ, ການເອົາວຽກງານພາຍໃນເປັນຄັນຕາລະບັດແມ່ນຊົງຕົວຢູ່ບໍ່ໄດ້.
ບົດນຳຊີ້ອອກວ່າ, ຢູ່ໃນວັດຢາຊຶຄູນີໄດ້ວາງປ້າຍບູຊາອາຊະຍະກອນສົງຄາມຊັ້ນ ກ 14 ປ້າຍແລະອາຊະຍະກອນສົງຄາມຊັ້ນ ຂ ຊັ້ນ ຄ ພັນກວ່າປ້າຍ, ພວກອາຊະຍະກອນສົງຄາມເຫຼົ່ານີ້ລ້ວນແຕ່ແມ່ນຖືກສານອາຊະຍະກອນສາກົນຫຼືສານປະເທດປະສົບເຄາະຮ້າຍຕັດສິນລົງໂທດຢ່າງເປີດເຜີຍ ຫຼັງສົງຄາມໂລກຄັ້ງທີ 2. ນອກນີ້, ຢູ່ໃນວັດດັ່ງກ່າວ, ຍັງມີປ້າຍບູຊາພວກທະຫານຍີ່ປຸ່ນ 2 ລ້ານກວ່າປ້າຍ, ຄົນພວກນີ້ສ່ວນຫຼາຍກໍ່ແມ່ນຜູ້ຮຸກຮານທີ່ຢຽບຢ່ຳປະຊາຊົນບັນດາປະເທດອາຊີປາຊິຟິກໃນຍາມພວກເຂົາຍັງມີຊີວິດຢູ່.
ບົດນຳກ່າວເນັ້ນວ່າ, ຖ້າຜູ້ນຳຍີ່ປຸ່ນດື້ດ້ານຫົວແຂງຢາກເວົ້າຍ້ອມອາຊະຍະກອນສົງຄາມແລ້ວ, ປະເທດອາຊີທີ່ໃກ້ຄຽງກໍແມ່ນຜູ້ຖືກທຳຮ້າຍໂດຍກົງ, ພວກເຂົາເຈົ້າຄັດຄ້ານຢ່າງຮຸນແຮງແມ່ນສິດທີ່ຖືກຕ້ອງຕາມທຳນອງຄອງທຳຂອງພວກເຂົາເຈົ້າ. ສິງກະໂປຫວັງຢ່າງຈິງໃຈໃຫ້ຜູ້ນຳແລະວົງການການເມືອງຍີ່ປຸ່ນເຂົ້າໃຈຮູ້ເຫດຜົນນີ້, ຢ່າເຮັດເລື່ອງທີ່ບາດໃຈປະຊາຊົນບັນດາປະເທດຕໍ່ໄປ.
|
|
|
