|
|
 |
| (GMT+08:00)
2005-10-28 15:40:12
|
 |
|
ເປັນຫຍັງຍານອະວະກາດຈຶ່ງເປັນຮູບຄືໃນທຸກວັນນີ້
cri
Author: li
 ຍານອະວະກາດເສີນໂຈ່ວເລກ 6 ຂອງຈີນຫຼັງຈາກບິນອ້ອມໜ່ວຍໂລກ 5 ມື້ແລ້ວໄດ້ກັບຄືນສູ່ໜ້າດິນຢ່າງສະດວກໃນວັນທີ 17 ຕຸລາ,ການບິນອະວະກາດບັນທຸກຄົນຄັ້ງທີສອງຂອງຈີນໄດ້ສຳເລັດຜົນຢ່າງເຕັມເມັດເຕັມໜ່ວຍ. ເພື່ອນຜູ້ຟັງຫຼາຍທ່ານທີ່ໄດ້ເບິ່ງຂ່າວໃນໂທລະພາບໄດ້ຂຽນຈົດໝາຍມາວ່າ,ພວກເຂົາເຈົ້າໄດ້ເບິ່ງຂ່າວຍານອະວະກາດເສີນໂຈ່ວເລກ 6 ກັບຄືນ,ແລະເວົ້າວ່າ,ເບິ່ງຮູບຂອງຍານອະວະກາດຄືວ່າແປກໆ. ທີ່ຈິງແລ້ວ,ຍານອະວະກາດເປັນຮູບແນວນີ້ບໍ່ແມ່ນເພື່ອສ້າງຜົນຄວາມຝັນດ້ານວິທະຍາສາດ,ຫາກແມ່ນມີຫຼັກວິທະຍາສາດ.
ເປັນຫຍັງຍານອະວະກາດເປັນຮູບຄືລະຄັງໃຫຍ່,ເປັນຫຍັງບໍ່ເຮັດເປັນກ້ອນດຽວ? ຍານອະວະກາດທີ່ທ່ານເກີລູນ ນັກບິນອະວະກາດຜູ້ທຳອິດຂອງອາເມລິກາຂີ່ນັ້ນແມ່ນຍານອະວະກາດແບບຫ້ອງດຽວ,ຍານອະວະກາດທີ່ທ່ານກາກາລິນນັກບິນອະວະກາດຂອງອະດີດສະຫະພາບໂຊວຽດຂີ່ນັ້ນແມ່ນຍານອະວະກາດແບບສອງຫ້ອງ. ເລື່ອງຈິງໃນພາຍຫຼັງພິສູດໃຫ້ເຫັນວ່າ,ມີແຕ່ອົງປະກອບສາມຫ້ອງຄືຫ້ອງຊຸກດັນ,ຫ້ອງໂຄຈອນແລະຫ້ອງກັບຄືນຈຶ່ງຂ້ອນຂ້າງເໝາະສົມ.
ນີ້ແມ່ນຍ້ອນວ່າໃນເວລາຍານອະວະກາດກັບຄືນນັ້ນໄດ້ຫຼຸດຕ່ຳລົງດ້ວຍຄວາມໄວ 7,9 ກິໂລແມັດຕໍ່ວິນາທີ,ອຸນຫະພູມສູງທີ່ເກີດຂຶ້ນຍ້ອນຖູກັບອາກາດເຮັດໃຫ້ຍານອະວະກາດແລະນັກບິນອະວະກາດປະເຊີນກັບການທົດສອບຢ່າງຂ້ຽວຂາດ. ເລື່ອງຈິງອັນຂ້ຽວຂາດນີ້ໄດ້ເຮັດໃຫ້ນັກວິທະຍາສາດຕ້ອງເລືອກເອົາອຸປະກອນເຄື່ອງວັດແທກທີ່ຕ້ອງການນັ້ນກັບຄືນໜ້າດິນ,ສິ່ງທີ່ບໍ່ຕ້ອງການກໍຈົ່ງໄວ້ຢູ່ໂຄຈອນເພື່ອເຮັດວຽກຕໍ່ຫຼືຖິ້ມເລີຍ. ເມື່ອເປັນແນວນີ້ ກໍເຮັດໃຫ້ນ້ຳໜັກຂອງຍານອະວະກາດເບົາລົງໃນເວລາກັບຄືນ,ຄວາມຫຍຸ້ງຍາກດ້ານເຕັກນິກຕ່ຳລົງຢ່າງຫຼວງຫຼາຍ.
ໃນເວລາຍານອະວະກາດບິນນັ້ນຕ້ອງການພະລັງແມ່ແຮງ,ສະນັ້ນຈຶ່ງຕ້ອງມີຫ້ອງຊຸກດັນ; ນັກບິນອະວະກາດຕ້ອງການສະຖານທີ່ເຮັດວຽກແລະດຳລົງຊີວິດໃນອະວະກາດ,ສະນັ້ນຈຶ່ງຕ້ອງມີຫ້ອງໂຄຈອນ,ຫ້ອງນີ້ຍັງສາມາດຈົ່ງໄວ້ຢູ່ໃນອະວະກາດເພື່ອດຳເນີນການທົດລອງວິທະຍາສາດຕໍ່ໄປໄດ້. ຍານອະວະກາດແບ່ງເປັນຫຼາຍຫ້ອງໄດ້ເພີ່ມຄວາມໄວ້ໃຈໄດ້ແລະລະດັບຄວາມປອດໄພ,ຖ້າຫ້ອງໜຶ່ງຕິດຂັດແລ້ວ,ຫ້ອງອື່ນຍັງເຮັດວຽກໄດ້.
ໃນເວລາຫ້ອງກັບຄືນກັບຄືນໜ້າດິນນັ້ນ ຈະເຂົ້າສູ່ຊັ້ນອາກາດຄືນໃໝ່ພາຍໃຕ້ບົດບາດຂອງນ້ຳໜັກ,ກະແສອາກາດປ່ຽນແປງເລື້ອຍໆຈະເຮັດໃຫ້ຫ້ອງກັບຄືນທີ່ບິນຢ່າງວ່ອງໄວນັ້ນຮັກສາທ່າຄົງທີ່ຍາກ,ສະນັ້ນ ຕ້ອງສ້າງຫ້ອງກັບຄືນໃຫ້ເປັນຮູບຕຸກກະຕາລົ້ມລຸກ,ກົ້ນໃຫຍ່ຫົວນ້ອຍ,ຈຶ່ງບໍ່ຢ້ານກະແສອາກາດລົບກວນ.
ຍ້ອນວ່າຫ້ອງກັບຄືນເຂົ້າສູ່ຊັ້ນອາກາດຈະຖູກັບອາກາດຢ່າງຮ້າຍແຮງ,ຈະເຮັດໃຫ້ຜິວໜ້າຂອງຫ້ອງເກີດມີອຸນຫະພູມສູງຫຼາຍພັນອົງສາ,ຖ້າແກ້ໄຂບັນຫາກັນຄວາມຮ້ອນບໍ່ໄດ້,ຍານອະວະກາດກໍຈະຄືດາວສະເດັດ,ຍັງບໍ່ທັນຕົກຢູ່ໜ້າດິນ ກໍເຜົາເປັນຂີ້ເຖົ່າແລ້ວ. ຢູ່ຜິວໜ້າຫ້ອງກັບຄືນມີຊັ້ນກັນຄວາມຮ້ອນ,ເຮັດດ້ວຍອຸປະກອນພິເສດ,ຫຼັກມູນຂອງການກັນຄວາມຮ້ອນແມ່ນຜ່ານຈາກການເຜົາອຸປະກອນແລ້ວນຳເອົາຄວາມຮ້ອນໄປ,ເມື່ອນັກວິທະຍາສາດທົດລອງແລ້ວປະກົດເຫັນວ່າ,ຮູບຄືລະຄັງໃຫຍ່ຈະຊ່ອຍບັນລຸເປົ້າໝາຍກັນຄວາມຮ້ອນໂດຍທຽບຖານ. ສະນັ້ນ,ຫ້ອງກັບຄືນກໍໄດ້ເຮັດເປັນຮູບຄືໃນຊູ່ມື້ນີ້.
ດາວທຽມຈະເຮັດເປັນຮູບຫຍັງກໍໄດ້,ແຕ່ຍານອະວະກາດບັນທຸກຄົນພັດບໍ່ໄດ້. ຫ້ອງໂຄຈອນແລະຫ້ອງກັບຄືນຕ້ອງອັດແຈບ,ເພາະວ່າຢູ່ຂ້າງໃນມີອອກຊິດແລະແຮງດັນທີ່ນັກບິນອະວະກາດຕ້ອງການໃນການຢູ່ລອດ.
ຢູ່ໜ້າດິນ,ມີແຮງດັນອາກາດ 1 ພາ,ມະນຸດເຮົາໄດ້ຊິນເຄີຍກັບແຮງດັນ ອາກາດນີ້ແລ້ວ,ແຕ່ວ່າໃນສິ່ງແວດລ້ອມສູນຍາກາດໃນອະວະກາດ,ບໍ່ມີແຮງດັນອາກາດ,ແຮງດັນອາກາດພາໃນຫ້ອງອັດແຈບກັບພາຍນອກແມ່ນຜິດໂຕນກັນ. ຄວາມຜິດໂຕນກັນດັ່ງກ່າວສາມາດໜີບລົດຍົນຈົນແບນ. ຮູບກົມຫຼືຄ້າຍຄືກົມມີຄວາມສາມາດຫາບແບກແຮງດັນຫຼາຍກວ່າໝູ່,ສະນັ້ນ ຫ້ອງໂຄຈອນຈຶ່ງບໍ່ແມ່ນຮູບສີ່ຫຼ່ຽມ,ຫາກແມ່ນຮູບເສົາກົມ.
|
|
|
