|
ຝ່າຍຈີນຍິນດີພ້ອມກັບຝ່າຍຫວຽດນາມທຳຄວາມພະຍາຍາມຊຸກຍູ້ການພົວພັນຈີນຫວຽດນາມຂະຫຍາຍຕົວຢ່າງບໍ່ຢຸດຢັ້ງ
cri
ຕາມຂ່າວcri,ວັນທີ28ຕຸລາຢູ່ປັກກິ່ງ,ທ່ານເຈີ່ງຊິ້ງຮົງ ຮອງປະທານປະເທດຈີນໄດ້ພົບປະທ່ານຟາມວັນຊາ ລັດຖະມົນຕີກະຊວງປ້ອງກັນປະເທດຫວຽດນາມທີ່ມາຢ້ຽມຢາມຈີນ.ທ່ານເຈິ່ງຊິ້ງຮົງກ່າວວ່າ,ຝ່າຍຈີນຍິນດີພ້ອມກັບຝ່າຍຫວຽດນາມທຳຄວາມພະຍາຍາມ,ຊຳລະບັນຫາໃນການພົວພັນສອງປະເທດຢ່າງເໝາະສົມ,ຊຸກຍູ້ການພົວພັນຈີນຫວຽດນາມໃຫ້ຂະຫຍາຍຕົວຢ່າງບໍ່ຢຸດຢັ້ງ.
ທ່ານເຈິ່ງຊິ້ງຮົງກ່າວວ່າ,ການພົວພັນຈີນຫວຽດນາມໃນສະເພາະໜ້ານີ້ໄດ້ຮັກສາທ່ວງທ່າພັດທະນາອັນດີງາມ,ການພົວພັນໄມຕິຈິດຮ່ວມມືຖານບ້ານໃກ້ເຮືອນຄຽງລະຫວ່າງຈີນຫວຽດນາມພວມຂະຫຍາຍຕົວລົງສູ່ລວງກວ້າງແລະລວງເລິກຢ່າງບໍ່ຢຸດຢັ້ງ.
ທ່ານຟາມວັນຊາກ່າວວ່າ,ຝ່າຍຫວຽດນາມເອົາໃຈໃສ່ຢ່າງສູງນຳການພົວພັນສອງລັດສອງກອງທັບຫວຽດຈີນ,ທ່ານຫວັງວ່າ,ການຢ້ຽມຢາມຄັ້ງນີ້ສາມາດປະກອບສ່ວນເຂົ້າໃນການປັບປຸງແລະຂະຫຍາຍການພົວພັນສອງລັດສອງກອງທັບຕື່ມອີກ.
|
|
