|
ສື່ມວນຊົນສິງກະໂປເຫັນວ່າ,ຍີ່ປຸ່ນປະຕິເສດບໍ່ຮັບຮູ້ບັນຫາອາຊະຍາກອນສົງຄາມແມ່ນດັດແກ້ປະຫວັດສາດ
cri
ຕາມຂ່າວCRI,ໜັງສືພິມລຽນເຮີຈ້າວປ້າວຂອງສິງກະໂປສະບັບວັນທີ29ຕຸລາໄດ້ພິມບົດນຳທີ່ພາດຫົວເລື່ອງວ່າ"ການຕັດສິນຕໍ່ອາຊະຍາກອນສົງຄາມແມ່ນປະຕິເສດບໍ່ໄດ້,ເຫັນວ່າຍີ່ປຸ່ນປະຕິເສດບໍ່ຮັບຮູ້ບັນຫາອາຊະຍາກອນສົງຄາມບໍ່ພຽງແຕ່ແມ່ນດັດແກ້ປະຫວັດສາດເທົ່ານັ້ນ,ແລະກໍແມ່ນການທ້າທາຍຢ່າງໜັກໜ່ວງຕໍ່ຄວາມຊອບກົດໝາຍຂອງສານສາກົນຕາເວັນອອກໄກ.
ບົດນຳຂຽນວ່າ,ໃນເອກະສານຕອບຄຳກະທູ້ຖາມຂອງລັດຖະສະພາໃນຫວ່າງມໍ່ໆນີ້,ຄະນະລັດຖະບານຍີ່ປຸ່ນໄດ້ໂຄ່ນລົ້ມການຕັດສິນອາຊະຍາກອນສົງຄາມຂອງສານສາກົນຕາເວັນອອກໄກຫຼັງສົງຄາມ,ກ່າວຢ່າງແຈ່ມແຈ້ງວ່າ,ພາຍໃນປະເທດຍີ່ປຸ່ນບໍ່ມີອາຊະຍາກອນສົງຄາມໃດໆ,ຖ້ອຍຄວາມແນວນີ້ໄດ້ບາດໃຈປະຊາຊົນສິງກະໂປແລະປະເທດອື່ນໆໃນອາຊີທີ່ເຄີຍຖືກກອງທະຫານຍີ່ປຸ່ນຢຽດຫຍາມ.
ບົດນຳເຫັນວ່າ,ບໍ່ຮັບຮອງການຕັດສິນຂອງສານສາກົນທີ່ມີຕໍ່ພວກລັດທິລັດຖະທະຫານຍີ່ປຸ່ນ,ມັນບໍ່ຕ່າງຫຍັງກັບການປະຕິເສດບໍ່ຮັບຮູ້ກົນໄກການເມືອງແລະຄວາມໝັ້ນຄົງສາກົນຕ່າງໆທີ່ສ້າງຕັ້ງຂຶ້ນແລະປະຕິບັດພາຍຫຼັງສົງຄາມໂລກຄັ້ງທີສອງສິ້ນສຸດລົງ.ລັດຖະບານຍີ່ປຸ່ນເຈດຕະນາໂຄ່ນລົ້ມການຕັດສິນຂອງສານອາຊະຍາກອນສົງຄາມສາກົນ,ການກະທຳດັ່ງກ່າວບໍ່ພຽງແຕ່ແມ່ນບັນຫາທາງການທູດເທົ່ານັ້ນ,ຍິ່ງບໍ່ແມ່ນວຽກງານພາຍໃນຂອງຍີ່ປຸ່ນ,ຫາກແມ່ນບັນຫາຫຼັກການສຳຄັນທີ່ກ່ຽວພັນເຖິງລະບຽບສາກົນໃນປັດຈຸບັນ.
|
|
