|
ໃຫ້ຈີນຮູ້ຈັກລາວ,ໃຫ້ລາຍໄດ້ຮັບຜົນປະໂຫຍດຫຼາຍກວ່າເກົ່າ--ຫວນຄືນສະພາບການວາງສະແດງຂອງລາວໃນງານເອັກສໂປຈີນ-ອາຊຽນຄັ້ງທີສອງ(ພາບ)
cri
Author: zhangshuo
|
ທີ່ນີ້ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ້ຟັງທີ່ໂຄລົບ.ງານເອັກສໂປຈີນ-ອາຊຽນຄັ້ງທີສອງທີ່ຈັດຂຶ້ນຢູ່ເມືອງນານນີງ ເທດສະບານເຂດກວາງຊີຂອງຈີນໄດ້ອັດລົງໃນວັນທີ22ຕຸລາຢ່າງສຳເລັດຜົນ.ໃນລາຍການເພື່ອນມິດຜູ້ຟັງພາກນີ້, ພວກເຮົາຈະຫວນຄືນສະພາບການເຂົ້າຮ່ວມການວາງສະແດງຂອງສປປລາວໃນງານເອັກສໂປຄັ້ງນີ້.
ການວາງສະແດງຂອງງານເອັກສໂປຈີນ-ອາຊຽນຄັ້ງນີ້ຕົ້ນຕໍແບ່ງອອກເປັນສອງພາກ,ພາກໜຶ່ງແມ່ນເຂດວາງສະແດງເມືອງທີ່ມີສະເໜຂອງປະເທດຕ່າງໆ,ອີກພາກໜຶ່ງແມ່ນເຂດວາງສະແດງຕາມຂະແໜງການ.
ເມື່ອຍ່າງເຂົ້າເຂດວາງສະແດງເມືອງສະເໜຂອງບັນດາປະເທດ,ກໍຈະເຫັນເຂດວາງສະແດງຂອງລາວທີ່ມີທາດຫຼວງເຮັດດ້ວຍໄມ້ເປັນສັນຍະລັກນັ້ນຕັ້ງຢູ່ໃຈກາງເຂດວາງສະແດງ,ເໝືອນດັ່ງປະເທດລາວຕັ້ງຢູ່ໃຈກາງຂອງແຫຼມອິນດູຈີນ.ເມືອງສະເໜທີ່ປະເທດລາວສະເໜີເທື່ອນີ້ແມ່ນຫຼວງພະບາງ ເມືອງທ່ອງທ່ຽວທີ່ມີຊື່ສຽງ. ທ່ານນາງແສງໂສດາ ວັນທານຸວົງ ຫົວໜ້າພະແນກຖະແຫຼງຂ່າວແລະໂຄສະນາຂອງອົງການທ່ອງທ່ຽວແຫ່ງຊາດລາວໄດ້ນຸ່ງສິ້ນທີ່ສວຍງາມ ທັງຍີ້ມທັງໄດ້ຕ້ອນຮັບການເຂົ້າສຳພາດຂອງນັກຂ່າວ.ທ່ານນາງໄດ້ແນະນຳສະພາບຕົ້ນຕໍຂອງເຂດວາງສະແດງເມືອງແຫ່ງສະເໜຂອງລາວ.(ປ່ອຍອັດສຽງ)
ພາຍໃຕ້ທາດຫຼວງທີ່ສູງສະຫງ່າ,ສາລາທີ່ເຮັດດ້ວຍໄມ້ຫຼັງໜຶ່ງທີ່ມີເອກະລັກພິເສດຂອງລາວໄດ້ດຶງດູດຜູ້ຊົມຢ່າງຫຼວງຫຼາຍ,ຢູ່ໜ້າມຸມຖ່າຍຮູບທີ່ສວຍງາມ,ຜູ້ຊົມທັງຫຼາຍໄດ້ຍາດກັນຖ່າຍຮູບ,ຈົນເຮັດໃຫ້ຮູບທີ່ນັກຂ່າວຖ່າຍນັ້ນກໍໄດ້ຕິດຮູບຂອງຜູ້ຊົມໄປນຳ.ຢູ່ໃນສາລາໄດ້ວາງພາດຊະນະຕ່າງໆທີ່ໃຊ້ໃນພິທີບາສີອັນເປັນຮີດຄອງປະເພນີຂອງລາວ,ນາງແສງໂສດາ ວັນທານຸວົງບອກໃຫ້ຮູ້ວ່າ:(ປ່ອຍອັດສຽງ)
ນອກຈາກການແນະນຳລາຍການທ່ອງທ່ຽວແລວ,ການດຶງດູດນັກທຸລະກິດຈີນແລະປະເທດອື່ນໆໄປລົງທຶນຢູ່ລາວ,ຍິ່ງແມ່ນຈຸດປະສົງສຳຄັນທີ່ລາວເຂົ້າຮ່ວມງານວາງສະແດງເທື່ອນີ້.ຜ່ານຈາກການວາງສະແດງເປັນເວລາສາມມື້,ສາມາດເວົ້າໄດ້ວ່າ,ຈຸດປະສົງດັ່ງກ່າວໄດ້ບັນລຸຜົນເປັນຈິງແລ້ວ,ທ່ານອຸຕະແກ້ວ ແກ້ວດວງສິນ ທີ່ປຶກສາດ້ານກົດໝາຍຂອງຄະນະກຳມະການແຜນການແລະການລົງທຶນຂອງລາວ,ເປັນຜູ້ທີ່ຂຸ້ນນຳວຽກຫຼາຍກວ່າໝູ່ໃນເຂດວາງສະແດງຂອງລາວໃນຫຼາຍມື້ມານີ້,ພໍ່ຄ້າຈີນມາຖາມເລື່ອງການລົງທຶນຢູ່ລາວນຳທ່ານຢ່າງບໍ່ຂາດສາຍ.ຜູ້ອາສາສະໝັກຂຸ້ນວຽກຫຼາຍຈົນເຮັດບໍ່ຫຼ້ອນ,ຈົນນັກຂ່າວວິທະຍຸພວກເຮົາທີ່ໄປເອົາຂ່າວກໍໄດ້ກາຍເປັນຜູ້ແປພາສາຕາມຄວາມຮຽກຮ້ອງອັນແຮ່ງກ້າຂອງພໍ່ຄ້າຈີນ.ທ່ານລຽງຊວນຊຸ້ນ ວິສາວະກອນໃຫຍ່ຂອງບໍລິສັດວັດສະດຸກໍ່ສ້າງແຫ່ງໜຶ່ງຂອງປັກກິ່ງໄດ້ໃຫ້ສຳພາດຕໍ່ນັກຂ່າວວ່າ: (ປ່ອຍອັດສຽງ)"ເທື່ອນີ້,ພວກຂ້າພະເຈົ້າຈາກປັກກິ່ງມານານນີງໂດຍຈຳເພາະ,ກໍແມ່ນເພື່ອຊອກຮູ້ສະພາບຕະຫຼາດຂອງບັນດາປະເທດອາຊຽນ."
ຢູ່ຫໍວາງສະແດງວິຊາສະເພາະ,ມີ10ກວ່າບໍລິສັດຂອງລາວມາວາງສະແດງ,ຕົ້ນຕໍແມ່ນໂຄສະນາແນະນຳຜະລິດຕະພັນຫັດຖະກຳແລະເຄື່ອງເຟີນີເຈີທີ່ເຮັດດ້ວຍໄມ້ຂອງລາວ.ທ່ານຄຳຈັນ ສີພັນທອງຈາກບໍລິສັດຜະລິດຕະພັນໄມ້ແຫ່ງໜຶ່ງຂອງວຽງຈັນບອກນັກຂ່າວ່າ: (ປ່ອຍອັດສຽງ)
ໃນເວລານັກຂ່າວໄດ້ສິ້ນສຸດການສຳພາດ,ຢູ່ໜ້າຮ້ານວາງສະແດງຂອງລາວຍັງມີຜູ້ຊົມຢ່າງຫຼວງຫຼາຍ.ເມື່ອເຫັນສະພາບການດັ່ງກ່າວ,ພວກຂ້າພະເຈົ້າເຊື່ອໝັ້ນວ່າ, ໃນງານເອັກສໂປຄັ້ງນີ້,ລາວຍ່ອມໄດ້ຮັບຜົນອຸດົມສົມບູນ,ແລະຫວັງໃຫ້ມີນັກທຸລະ ກິດລາວຍິ່ງຫຼາຍກວ່າເກົ່າມາເຂົ້າຮ່ວມງານເອັກສໂປຈີນ-ອາຊຽນຄັ້ງທີສາມທີ່ຈະຈັດຂຶ້ນໃນປີໜ້າ.
ທ່ານຜູ້ຟັງທີ່ໂຄລົບ,ສະພາບການວາງສະແດງຂອງລາວໃນງານເອັກສໂປຈີນ-ອາ ຊຽນຄັ້ງນີ້ຂໍສະເໜີພຽງທໍ່ນີ້,ຂອບໃຈທ່ານທີ່ໄດ້ຮັບຟັງ,ສະບາຍດີ.
|
|
