ຕາມຂ່າວcri:ວັນທີ31 ຕຸລາ,ທ່ານຮູຈີນທ່າວ ເລຂາທິການໃຫຍ່ສູນກາງພັກກອມມູນິດຈີນ,ປະທານປະເທດຈີນເດີນທາງໄປຮອດຫ່າໂນ່ຍເລີ່ມຢ້ຽມຢາມຫວຽດນາມສັນຖະວະໄມຕີຢ່າງເປັນທາງກາງເປັນເວລາ3ມື້.ທ່ານຮູຈີນທ່າວກ່າວຄຳປາໄສທີ່ເປັນລາຍລັກອັກສອນຢູ່ເດີ່ນບິນ,ສະແດງຄວາມເຊື່ອວ່າການຢ້ຽມຢາມເທື່ອນີ້ຄົງຈະເພີ່ມທະວີຄວາມໄວເນື້ອເຊື່ອໃຈເຊິ່ງກັນແລະກັນຢ່າງມີໄມຕີຈິດລະຫວ່າງສອງພັກ,ສອງລັດແລະປະຊາຊົນສອງຊາດຈີນຫວຽດ,ຊຸກຍູ້ການຮ່ວມມືທີ່ຕ່າງຝ່າຍຕ່າງມີຜົນແລະການພັດທະນາຮ່ວມກັນຂອງສອງປະເທດ.
ທ່ານຮູຈີນໂທ່ວກ່າວວ່າ, ສອງປະເທດຈີນຫວຽດມີຜູຜາແມ່ນ້ຳຕິດຈອດກັນ,ໄມຕີຈິດລະຫວ່າງຈີນຫວຽດຝັງຮາກໃນຫົວໃຈຂອງປະຊາຊົນສອງຊາດດຢ່າງເລິກເຊິ່ງ.ພາຍໃຕ້ການຊີ້ນຳຂອງທິດທາງທີ່ມີສະຖຽງລະພາບ ຍາວນານ,ຫັນຫນ້າໄປສູ່ອະນາຄົດ,ເປັນປະເທດໃກ້ຄຽງທີ່ດີຕໍ່ກັນແລະຮ່ວມມືຮອບດ້ານ,ສອງຝ່າຍຕັດສິນໃຈເປັນເພື່ອນບ້ານດີ,ເພື່ອນມິດດີ,ສະຫາຍດີແລະຫມູ່ຄູດີ.ປີນີ້ແມ່ນຈີນກັບຫວຽດນາມສ້າງສາຍສຳພັນການທູດຄົບຮອບ55ປີ,ຫວັງໃຫ້ສອງຝ່າຍຖືນີ້ເປັນໂອກາດ,ຍົກການພົວພັນຈີນຫວຽດສູງຮອດລະດັບໃຫມ່.
|