|
ຕາມຂ່າວສານຊິນຮວາ: ນັກຂ່າວໄດ້ຊາບຈາກງານສຳມະນາພັດທະນາຢາສຳເລັດຮູບຂອງຊົນເຜົ່າສ່ວນໜ້ອຍຂອງຈີນທີ່ຈັດຂຶ້ນຢູ່ເມືອງກຸ້ຍຢາງແຂວງກຸ້ຍໂຈ່ວ ທີ່ຕັ້ງຢູ່ພາກຕາເວັນອອກສຽງໃຕ້ຂອງຈີນໃນຫວ່າງມໍ່ໆນີ້ວ່າ, ຢາສຳເລັດຮູບຂອງຊົນເຜົ່າສ່ວນໜ້ອຍຈີນງວດໜຶ່ງ ເຊັ່ນ ຢາເຜົ່າຕິເບດ ຢາເຜົ່າມົງໂກນ ຢາເຜົ່າເວິຍອູເອີແລະຢາເຜົ່າມົ້ງເປັນຕົ້ນໄດ້ມີຊື່ສຽງດົ່ງດັງໃນທົ່ວປະເທດ, ແລະສົ່ງອອກໄປຂາຍຢູ່ເອີລົບແລະສະຫະລັດອາເມລິກາ, ນີ້ສະແດງໃຫ້ເຫັນວ່າ ຢາສຳເລັດຮູບຊົນເຜົ່າສ່ວນໜ້ອຍຂອງຈີນເລີ່ມກ້າວໄປສູ່ໂລກແລ້ວ.
ຕາມແນະນຳວ່າ, ຈີນສຸດທີ່ເອົາໃຈໃສ່ນຳວຽກງານພັດທະນາອຸດສາຫະກຳຜະລິດຢາສຳເລັດຮູບຂອງຊົນເຜົ່າສ່ວນໜ້ອຍໂດຍຕະຫຼອດ, ຕັ້ງໜ້າສະໜັບສະໜູນວຽກງານຂຸດຄົ້ນແລະຄົ້ນຄວ້າຢາສຳເລັດຮູບດັ້ງເດີມຂອງຊົນເຜົ່າສ່ວນໜ້ອຍ, ແລະວາງນະໂຍບາຍບູລິມະສິດຫຼາຍຂໍ້ສຳລັບວິສາຫະກິດຜະລິດຢາສຳເລັດຮູບຊົນເຜົ່າສ່ວນໜ້ອຍ.
ຢຸກຢາຊົນເຜົ່າສ່ວນໜ້ອຍມີສີສັນພິເສດໃນດ້ານປິ່ນປົວພະຍາດທີ່ເຫັນໜ້ອຍບາງຢ່າງ, ມີຜົນສັກສິດແລະບົດຮຽນທີ່ມີເອກະລັກໃນການປິ່ນປົວພະຍາດເປ້ຍລ່ອຍ ພະຍາດເລືອດອັ່ງສະໝອງ ກະເພາະອາຫານເປື່ອຍແລະພະຍາດທີ່ເຫັນໜ້ອຍຊະນິດອື່ນໆ.
|
