|
ຢູ່ເຂດຊິນຈຽງທີ່ຕັ້ງຢູ່ພາກຕາເວັນຕົກສຽງເໜືອຂອງຈີນ,ມີຊົນເຜົ່າໜຶ່ງທີ່ຊ່າງຟ້ອນຊ່າງລຳຕັ້ງພູມລຳເນົາຢູ່,ກໍຄືເຜົ່າເວີຍຫວູເອີ.ປີນີ້,ແມ່ນເຂດຊິນຈຽງເຜົ່າເວີຍຫວູເອີຂອງຈີນສ້າງຕັ້ງຂຶ້ນຄົບຮອບ50ປິ.ໃນລາຍການພາກນີ້,ພວກເຮົາຂໍແນະນຳເພງພື້ນເມືອງເຜົ່າເວີຍຫວູເອີທີ່ມີສີສັນພິເສດຂອງຊົນເຜົ່າປະມວນໜຶ່ງສູ່ທ່ານຟັງ.
ກ່ອນອື່ນເຊີນຟັງເພງ "ອ່າລ່າມູ້ຮ້ານ" ເພງພື້ນເມືອງເຜົ່າເວີຍຫວູເອີ.ອ່າລ່າມູ້ຮ້ານແມ່ນຊື່ຂອງນາງສາວເຜົ່າເວີຍຫວູເອີຜູ້ໜຶ່ງ.ເພງນີ້ໄດ້ສັນລະເສີນນາງອ່າລ່າມູ້ຮ້ານ ຜູ້ສາວທີ່ງາມປານດອກໄມ້ແລະສະແດງຄວາມຮັກແພງຕໍ່ນາງດ້ວຍທຳນອງເພງທີ່ມ່ວນຊື່ນແລະຄວາມເວົ້າທີ່ຊວນຫົວ.(ປ່ອຍເພງ ອ່າລ່າມູ້ຮ້ານ)
ເຜົ່າເວີຍຫວູເອີມີຮີດຄອງວັດທະນະທຳດົນຕີອັນຍາວນານ,ເພງພື້ນເມືອງຂອງເຜົ່າເວີຍຫວູເອີມີເນື້ອໃນອຸດົມສົມບູນແລະຫຼາຍຮູບຫຼາຍແບບ,ຈັງຫວະມ່ວນຊື່ນແລະມີກິ່ນອາຍຊີວິດອັນເຂັ້ມຂຸ້ນ.ຕໍ່ໄປ,ເຊີນຟັງເພງ "ຄາຊືເກີເອີທີ່ສວຍງາມ" ເພງພື້ນເມືອງເຜົ່າເວີຍຫວູເອີ.
ຄາຊືເກີເອີແມ່ນຊື່ເຕັມຂອງເມືອງຄາຊື,ເມືອງນີ້ຕັ້ງຢູ່ພາກຕາເວັນຕົກຂອງເຂດຊິນຈຽງ,ແມ່ນຕົວເມືອງທີ່ມີຈຸດພິເສດເຜົ່າເວີຍຫວູເອີຫຼາຍກວ່າໝູ່.ສອງພັນກວ່າປີກ່ອນ,ເມືອງຄາຊື ກໍແມ່ນເມືອງການຄ້າສາກົນທີ່ມີຊື່ສຽງ,ຄະນະການຄ້າທີ່ມາຈາກກຸງໂລມ ແປັກຊີແລະອິນເດຍໄດ້ມາເຕົ້າໂຮມກັນຢູ່ແຫ່ງນີ້,ດຳເນີນການຄ້າຂາຍ.ເພງ "ຄາຊືເກີເອີທີ່ສວຍງາມ" ເພງ ນີ້ໄດ້ສະແດງໃຫ້ເຫັນປະຊາຊົນເຜົ່າເວີຍຫວູເອີຮັກແພງບ້ານເກີດ. ເພງນີ້ຮ້ອງເປັນພາສາ ເວີຍຫວູເອີ,ມີຄວາມໝາຍວ່າ: "ໝາກພິລາຂອງຄາຊືເກີເອີມີຂື່ລືຊາ,ໝາກໄມ້ທີ່ຫອມຫວານເກີດເຕັມສວນ,ທ້ອງຟ້າຄາຊືເກີເອີປອດໂປ່ງ ຄືລະດູໃບໄມ້ປົ່ງ, ລູກຫຼານຜູ້ດຸໝັ່ນ,ກ້າວໄປໜ້າຢ່າງບໍ່ຢຸດຢັ້ງ."
ທ່ານວາງລໍ້ປິ່ນ ນັກດົນຕີທີ່ໄດ້ຊຶ່ເປັນລາຊາເພງພາກຕາເວັນຕົກ,ໄດ້ປະກອບສ່ວນອັນດີ ເດັ່ນໃນການເຜີຍແຜ່ແລະພັດທະນາເພງພື້ນເມືອງພາກຕາເວັນຕົກຂອງປະເທດຊາດ. ທ່ານເຄີຍໄປຮອດເກືອບໝົດທຸກແຫ່ງພາກຕາເວັນຕົກສຽງເໜືອຂອງຈີນ,ໄດ້ເກັບໂຮມ ດັດແປງແລະແປເພງພື້ນເມືອງ700ກວ່າເພງຂອງ10ກວ່າຊົນເຜົ່າ,ແລະໄດ້ແຕ່ງເພງພື້ນເມືອງອັນດີເລີດທີ່ມີຈຸດພິເສດຂອງພາກຕາເວັນຕົກຢ່າງເຂັ້ມຂຸ້ນເປັນຈຳນນວນຫຼວງຫຼາຍ,ເຮັດໃຫ້ເພງພື້ນເມືອງພາກຕາເວັນຕົກຂອງຈີນບໍ່ພຽງແຕ່ແຜ່ໃນທົ່ວປະເທດຈີນທໍ່ນັ້ນ,ຍັງເຜີຍແຜ່ໄປທົ່ວໂລກອີກດ້ວຍ.ໃນຊຸມປີ30,ທ່ານວາງລໍ້ປິ່ນກໍໄດ້ນຳເອົາເພງພື້ນເມືອງເຂດຊິນຈຽງເຂົ້າມາເຂດໃນຈີນ.ທ່ານມີຄວາມຮັກຫອມຖູຫຼູຟ່ານທີ່ສຸດ,ເຄີຍໄປສຳຜັດຊີວິດຕົວຈິງຢູ່ເມືອງຖູຫຼູຟ່ານຫຼາຍເທື່ອ,ເພງ "ນາງສາວຂອງເມືອງຕ້າປານ" ເພງພື້ນເມືອງເຂດຊິນ ຈຽງທີ່ທ່ານຮຽບຮຽງໃໝ່ນັ້ນໄດ້ຮັບຄວາມນິຍົມຊົມຊອບຫຼາຍ.ໃນເພງນີ້ມີເນື້ອຮ້ອງວ່າ: "ທາງປູຫີນຂອງເມືອງຕ້າປານທັງແຂງທັງຮາບພຽງ,ໝາກໂມທັງໃຫຍ່ທັງຫວານ,ນາງສາວເມືອງຕ້າປານມີຜົມເປຍຍາວໆ,ຕາໂລ້ໆ,ຈັ່ງແມ່ນງາມ."
ໃນເພງພື້ນເມືອງເຜົ່າເວີຍຫວູເອີອັນມະຫາສານ,ມີເພງຮັກຫຼາຍກວ່າເພິ່ນ.ເພງເຫຼົ່ານີ້ໄດ້ສະແດງໃຫ້ເຫັນຍິງຊາຍເຜົ່າເວີຍຫວູເອີມີຄວາມຊື່ສັດຕໍ່ຄວາມຮັກຫາອັນປຽບບໍ່ໄດ້ແລະການສະແຫວງຫາຄວາມຮັກຢ່າງຟົດຟື້ນ.ຕໍ່ໄປ,ເຊີນຟັງເພງ "ຢູ່ເທິງທ້ອງຟ້າຂອງເຈົ້າມີດວງຈັນບໍ່" ເຊິ່ງເປັນເພງຮັກທີ່ມີຊື່ສຽງເພງໜຶ່ງຂອງເຜົ່າເວີຍຫວູເອີ.ເພງນີ້ມີທຳນອງອ່ອນໂຍນອອນຊອນ,ໄດ້ສະແດງຄູ່ຮັກສອງຄົນໂອ້ລົມກັນຢ່າງສະ ໜິດສະໜົມ.
ຊາຍເຜົ່າເວີຍຫວູເອີມີນິໄສມັກມ່ວນແລະໃຈກວ້າງ,ມີອາລົມຈິດຟົດຟື້ນເບີກບານ,ມັກສະແດງຄວາມຮັກລະຫວ່າງບ່າວສາວດ້ວຍວິທີສົມມຸດ,ເນື້ອເພງເວົ້າແບບກົງໄປກົງມາ,ມີອາ ລົມຈິດອັນຟົດຟື້ນ,ມີສະເໜສິລະປະອັນພິເສດ.ເພງ "ໄອຊີ່ນ້າຈ່ຽງ" ທີ່ທ່ານຈະໄດ້ຟັງຕໍ່ໄປກໍແມ່ນເພງຮັກປະເພດນີ້,ເພງນີ້ໄດ້ສະແດງຄວາມຮັກສຸດໃຈຂອງອ້າຍບ່າວທີ່ມີຕໍ່ນາງສາວໄອຊີ່ນ້າຈ່ຽງ.
ເພງນີ້ຮ້ອງດ້ວຍພາສາເວີຍຫວູເອີ,ມີຄວາມໝາຍວ່າ: "ຂ້ອຍມາຮອດແຄມນ້ຳບໍ່,ນ້ຳບໍ່ທີ່ໃສສະອາດໄຫຼລິດໆ,ໄອຊີ່ນ້າຈ່ຽງ,ໃບໜ້າແດງຮຸນໆ,ເໝືອນດັ່ງດອກໝາກໂປມທີ່ເບັ່ງບານ. ຂ້ອຍຍ່າງຢູ່ໃຕ້ແສງເດືອນທີ່ແຈ້ງສະຫວ່າງ,ໄອຊີ່ນ້າຈ່ຽງ,ສາຍໃຈທີ່ສວຍງາມຂອງຂ້ອຍ,ເຮັດໃຫ້ໃຈຂ້ອຍຟົດຟື້ນ."
|
