|
ຕາມຂ່າວສານຊິນຮວາ: ວັນທີ 30 ຕຸລາ ກອງປະຊຸມຮ່ວມຄົ້ນຄວ້າການຮ່ວມມືອາຊີຕາເວັນອອກໄດ້ຈັດຂຶ້ນຢູ່ທີ່ປັກກິ່ງ, ຜູ່ຊ່ຽວຊານ ນັກປາດທີ່ເຮັດວຽກຄົ້ນຄວ້າອາຊີຕາເວັນອອກ 50 ທ່ານຂອງອາຊຽນ ຈີນ ຍີ່ປຸ່ນແລະສ.ເກົາຫຼີໄດ້ເຂົ້າຮ່ວມກອງປະຊຸມ.
ກອງປະຊຸມໄດ້ແລກປ່ຽນຄວາມເຫັນກ່ຽວກັບສະພາບຄວາມຄືບໜ້າທີ່ເສດຖະກິດອາຊີຕາເວັນອອກເຊື່ອມໂຍງເຂົ້າກັນ ແລະບັນຫາຕົ້ນຕໍໃນການກໍ່ສ້າງປະຊາຄົມອາຊີຕາເວັນອອກເປັນຕົ້ນ. ຜູ່ຊ່ຽວຊານແລະນັກປາດຂອງຈີນແລະຕ່າງປະເທດທີ່ຮ່ວມປະຊຸມໄດ້ຢືນຢັນຢ່າງເຕັມສ່ວນຕໍ່ຄວາມຄືບໜ້າອັນຕັ້ງໜ້າທີ່ການຮ່ວມມືອາຊີຕາເວັນອອກໄດ້ຮັບໃນຂົງເຂດການຄ້າ ການເງິນແລະການທະນາຄານ , ເຫັນວ່າ ໃນຂະບວນວິວັດທີ່ການຮ່ວມມືອາຊີຕາເວັນອອກກ້າວໄປສູ່ປະຊາຄົມອາຊີຕາເວັນອອກນັ້ນ, ຄວນສືບຕໍ່ຖືເອົາ 10 ບວກ 3 ເປັນຊ່ອງທາງຕົ້ນຕໍ, ເສີມຂະຫຍາຍບົດບາດກົນໄກຮ່ວມມືອື່ນໆຂອງພາກພື້ນແຫ່ງນີ້, ພະຍາຍາມເຮັດໃຫ້ອາຊີຕາເວັນອອກກັບພາກພື້ນອື່ນໆໃນໂລກພັດທະນາແລະຈະເລີນຮຸ່ງເຮືອງພ້ອມກັນ.
|
