|
ກອງປະຊຸມຄັ້ງທີ6ຂອງຄະນະກຳມະການຮ່ວມມືດ້ານການສຶກສາ,ວັດທະນະທຳ,ສາທາລະນະສຸກ,ກິລາຂອງຈີນແລະຣັດເຊຍຈັດຂຶ້ນຢູ່ປັກກິ່ງ
cri
ຕາມຂ່າວCRI, ກອງປະຊຸມຄັ້ງທີ6ຂອງຄະນະກຳມະການຮ່ວມມື້ດ້ານການສຶກສາ,ວັດທະນະທຳ,ສາທາລະນະສຸກ,ກິລາຂອງຈີນແລະຣັດເຊຍໄດ້ຈັດຂຶ້ນຢູ່ປັກກິ່ງໃນວັນທີ31ຕຸລາ.
ທ່ານນາງເສິນຈື້ລີ ປະທານຝ່າຍຈີນຂອງຄະນະກຳມະການດັ່ງກ່າວ,ທີ່ປຶກສາແຫ່ງລັດຈີນຊີ້ອອກວ່າ,ໃນດ້ານເຮັດໃຫ້ປະຊາຊົນສອງຊາດເຂົ້າໃຈກັນຫຼາຍກວ່າເກົ່າ,ປັບປຸງພື້ນຖານສັງຄົມແຫ່ງການພົວພັນຄູ່ຂາປະສານງານຍຸດທະສາດຈີນຣັດເຊຍເປັນຕົ້ນ,ບົດບາດສຳຄັນຂອງຄະນະກຳມະການຈະປະກົດອອກມາເທື່ອລະກ້າວ.ທ່ານຊູຄົຟ ປະທານຝ່າຍຣັດເຊຍ,ຮອງນາຍົກລັດຖະມົນຕີຣັດເຊຍກ່າວວ່າ,ຫວັງໃຫ້ສອງຝ່າຍເພີ່ມທະວີການຮ່ວມມື,ບຸກເບີກຊ່ອງທາງຮ່ວມມືແລະຊ່ອງຫວ່າງຮ່ວມມືເປັນກ້າວໆ,ຊຸກຍູ້ວຽກງານຂອງຄະນະກຳມະການຕື່ມອີກ.
ສອງຝ່າຍເປັນເອກະສັນກັນກ່າວວ່າ,ຄະນະກຳມະການຈະພ້ອມກັນທຳຄວາມພະຍາຍາມເຮັດໃຫ້"ປີຣັດເຊຍ"ທີ່ຈະຈັດຂຶ້ນຢູ່ຈີນໃນປີ2006ແລະ"ປີຈີນ"ທີ່ຈະຈັດຂຶ້ນຢູ່ຣັດເຊຍໃນປີ2007ນັ້ນໄດ້ຈັດຂຶ້ນເປັນຢ່າງດີ,ເຮັດໃຫ້ມັນກາຍເປັນແທ່ນສຳຄັນທີ່ເພີ່ມທະວີມິດຕະພາບລະຫວ່າງປະຊາຊົນສອງຊາດ,ແລະລົງເລິກການຮ່ວມມືໃນທຸກຂົງເຂດລະຫວ່າງສອງປະເທດ.
|
|
