|
|
 |
| (GMT+08:00)
2005-10-31 21:15:38
|
 |
|
ສື່ມວນຊົນຫວຽດນາມຕີລາຄາໃນລະດັບສູງຕໍ່ການຢ້ຽມຢາມຫວຽດນາມຂອງທ່ານຫູຈິນທາວ
cri
ຕາມຂ່າວສານຊິນຮວາ,ວັນທີ31ຕຸລາ,ສື່ມວນຊົນສຳຄັນຂອງຫວຽດນາມໄດ້ພາກັນພິມບົດນຳຫຼືບົດຄວາມລົງໃສ່ໜ້າທຳອິດ,ແລະປະກອບຮູບພາບໃຫຍ່,ຕີລາຄາໃນລະດັບສູງຕໍ່ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນຢ້ຽມຢາມສັນຖະວະໄມຕີຕໍ່ຫວຽດນາມຢ່າງເປັນທາງການ,ເຫັນວ່າການຢ້ຽມຢາມເທື່ອນີ້ຈະຊຸກຍູ້ການພົວພັນຫວຽດນາມຈີນຂະຫຍາຍໄປສູ່ລະດັບສູງໃໝ່.
ໜັງສືພິມເຢີນເຢີນ ສຽງຂອງສູນກາງພັກກອມມູນິດຫວຽດນາມໄດ້ພິມບົດນຳໂດຍຊີ້ອອກວ່າ,ການຢ້ຽມຢາມເທື່ອນີ້ໄດ້ສະແດງໃຫ້ເຫັນວ່າສອງຝ່າຍຫວຽດນາມຈີນເອົາໃຈໃສ່ນຳທິດທາງ"ໝັ້ນທ່ຽງຍາວນານ ອວ່າຍໜ້າໄປສູ່ອະນາຄົດ,ມີໄມຕີຈິດຖານບ້ານໃກ້ເຮືອນຄຽງ,ຮ່ວມມືຮອບດ້ານ"ແລະຈິດໃຈ"ເປັນບ້ານໃກ້ເຮືອນຄຽງທີ່ດີ,ເພື່ອນມິດທີ່ດີ,ສະຫາຍທີ່ດີແລະໝູ່ຄູ່ທີ່ດີ" ທີ່ຜູ່ນຳສອງປະເທດກຳນົດໄວ້,ແລະຊຸກຍູ້ການພົວພັນໄມຕີຈິດຖານບ້ານໃກ້ເຮືອນຄຽງແລະການຮ່ວມມືຮອບດ້ານລະຫວ່າງສອງປະເທດກ້າວໄປໜ້າຢ່າງບໍ່ຢຸດຢັ້ງ.
ບົດນຳໄດ້ຕີລາຄາສູງຕໍ່ຜົນສຳເລັດອັນໃຫຍ່ຫຼວງທີ່ປະຊາຊົນຈີນຍາດມາໄດ້ໃນພາລະກິດການປະຕິຮູບແລະໄຂປະຕູຕໍ່ພາຍນອກ,ແລະໄດ້ສະແດງຄວາມຂອບອົກຂອບໃຈນຳປະຊາຊົນຈີນທີ່ໃຫ້ການສະໜັບສະໜູນແລະການຊ່ອຍເຫຼືອອັນປະເສີດໃນພາລະກິດຍາດແຍ່ງເອກະລາດແຫ່ງຊາດແລະການປ່ຽນແປງໃໝ່ແລະໄຂປະຕູຕໍ່ພາຍນອກຂອງປະຊາຊົນຫວຽດນາມ.
ໜັງສືພິມກວນດອຍເຢີນເຢີນຂອງຫວຽດນາມກໍໄດ້ພິມບົດນຳໂດຍຊີ້ອອກວ່າ,ໃນຫຼາຍປີມານີ້,ການພົວພັນຫວຽດນາມຈີນໄດ້ມີການພັດທະນາໃໝ່ຢ່າງບໍ່ຢຸດຢັ້ງ,ເຊິ່ງໄດ້ນຳເອົາຜົນປະໂຫຍດຕົວຈິງຢ່າງໃຫຍ່ຫຼວງມາໃຫ້ສອງຝ່າຍ.
|
|
|
