|
ຕາມຂ່າວCRI: ວັນທີ 1 ພະຈິກ ຢູ່ທີ່ປັກກິ່ງ, ທ່ານເສິນຊ້ຽວຫົງ ຮອງລັດຖະມົນຕີກະຊວງສາທາລະນະສຸກຈີນກ່າວວ່າ, ຈີນຈະໃຊ້ມາດຕະການ ເພີ່ມທະວີວຽກງານຄວາມປອດໄພດ້ານອະນາໄມອາຫານຕື່ມອີກ.
ທ່ານເສິນຊ້ຽວຫົງແມ່ນໃຫ້ທັດສະນະດັ່ງກ່າວໃນງານຖະແຫຼງຂ່າວກ່ຽວກັບການປະກາດໃຊ້ "ກົດໝາຍວ່າດ້ວຍອະນາໄມອາຫານ" ຄົບຮອບ 10 ປີທີ່ຈັດຂຶ້ນໃນມື້ດຽວກັນ. ທ່ານກ່າວວ່າ, ເຖິງວ່າສະຖານະການຄວາມປອດໄພອາຫານຈີນເວົ້າລວມແລ້ວມີທ່າອ່ຽງກະເຕື້ອງດີຂຶ້ນກໍ່ຕາມ, ແຕ່ຄວາມປອດໄພອາຫານຍັງມີຫຼາຍບັນຫາ. ພາກສ່ວນສາທາລະນະສຸກຈີນທຸກຂັ້ນຈະເພີ່ມທະວີວຽກງານກວດກາຄວາມປອດໄພດ້ານອະນາໄມອາຫານຕື່ມອີກ; ເພີ່ມທະວີວຽກງານຕິດຕາມກວດກາອະນາໄມຕໍ່ຂອດບໍລິໂພກອາຫານ ເຊັ່ນ ຂະແໜງການກິນດື່ມແລະຫ້ອງອາຫານເປັນຕົ້ນ; ບູລະນະຕາໜ່າງຕິດຕາມກວດກາເຄື່ອງເຊື່ອມພິດອາຫານແລະໂຣກພະຍາດທີ່ເກີດຈາກການກິນດື່ມ, ສືບຕໍ່ບູລະນະການກໍ່ສ້າງລະບົບກວດກາອາຫານໃຫ້ສົມບູນຂຶ້ນ.
|
