ຕາມ​ຂ່າວສານ​ຊິນ​ຮວາ: ຫວ່າງ​ມໍ່ໆ​ນີ້, ອົງການ​​ກວດ​ກາ​ພະຍາດ​ຄົນເຂົ້າ​ອອກ​ເມືອງ​ຂອງ​ຈີນ​ໄດ້​ກວດພົບ​ໄຂ່​ຂອງ​ພະຍາດແມ່​ທ້ອງ​ຈາກ​ຜະລິດ​ຕະພັນ​​ເຄື່ອງກິນ 10​ຊະນິດ​ທີ່​ສ.​ເກົາຫຼີ​ຜະ​ລິດ​ເຊັ່ນ: ຜັກ​ດອງ ​ແຈ່ວໝາກ​ເຜັດ​ແລະ​ແຈ່ວ​ຊີ້​ນປີ້ງ​ເປັນ​ຕົ້ນ, ວັນ​ທີ 31 ຕຸລາ, ກົມ​ໃຫຍ່​ກວດກາ​ຄຸນ​ນະພາ​ບ​ແລະ​ກວດກາ​ພະຍາດ​ແຫ່ງ​ຊາດ​ຈີນ​ໄດ້​ອອກ​ປະກາດ​ແຈ້ງ​ການ, ​ເຊົາ​ນຳ​​ເຂົ້າ​ຜະ​ລິດ​ຕະພັນ​ທີ່​ກ່ຽວຂ້ອງ​ແຕ່​ວັນ​ທີ 31 ຕຸລາ​ເປັນ​ຕົ້ນ​ໄປ.

​ປະກາດ​​ແຈ້​ງການຮຽກຮ້ອງ​ໃຫ້​ອົງການ​ກວດກາ​ພະຍາດ​ແຫ່ງ​ຕ່າງໆ​ສົ່ງ​ຄືນ​ຫຼື​ທຳລາຍ​ຜະລິດ​ຕະພັນ​ທີ່​ບໍ່​ໄດ້ມາດຖານ​ໃນ​ການ​ກວດກາ​ແລະ​ເຊົາ​ຮັບ​ໃບ​ແຈ້ງ​ນຳ​ເຂົ້າ​ຜະລິດ​ຕະພັນຂອງ​ຍີ່​ຫໍ້​ທີ່​ກ່ຽວຂ້ອງ​ຊົ່ວຄາວ, ສຳລັບຜັກ​ດອງ ​ແຈ່ວ​ໝາກ​ເຜັດ​ແລະ​ແຈ່ວ​ຊີ້ນ​ປີ້ງ​ຂອງ​ສ​.​ເກົາຫຼີ​ຜະລິດທີ່​ບໍ່​ໄດ້​ມາດຖານ​ທີ່​​ເຂົ້າ​ເມືອງ​ແລ້ວນັ້ນ, ຕ້ອງ​ບັງ​ຄັບ​ໃຫ້​ຮຽກ​ກັບ​ຄືນ​ແລະ​ທຳລາຍ​ຖິ້ມ.