|
ຕາມຂ່າວສານຊິນຮວາ: ວັນທີ 1 ພະຈິກຢູ່ທີ່ປັກກິ່ງ, ໃນເວລາພົບປະຄະນະຜູ່ແທນສະມາຄົມທະນາຄານຮົງກົງທີ່ນຳພາໂດຍທ່ານ ເຢີນຈື້ກາງ ຫົວໜ້າພະແນກຄຸ້ມຄອງການເງິນຮົງກົງ, ທ່ານຫວງຈູ ຮອງນາຍົກລັດຖະມົນຕີຈີນກ່າວວ່າ, ຫວັງໃຫ້ສືບຕໍ່ເພີ່ມທະວີການຮ່ວມມືໃນຂົງເຂດການເງິນລະຫວ່າງເຂດໃນກັບຮົງກົງຕື່ມອີກ.
ທ່ານຫວງຈູກ່າວວ່າ, ຂະແໜງການການເງິນລະຫວ່າງຮົງກົງກັບເຂດໃນມີໄປມາຫາສູ່ກັນຢ່າງແໜ້ນແຟ້ນ, ບຸກຄົນວົງການການເງິນຮົງກົງໄດ້ເສີມຂະຫຍາຍບົດບາດອັນຕັ້ງໜ້າເພື່ອຊຸກຍູ້ການພັດທະນາເສດຖະກິດຂອງຮົງກົງແລະເຂດໃນ. ຫວັງໃຫ້ຂະແໜງການການເງິນຮົງກົງເສີມຂະຫຍາຍທ່າແຮງ, ສືບຕໍ່ເພີ່ມທະວີການຮ່ວມມືກັບບຸກຄົນໃນຂະແໜງການການເງິນແລະບຸກຄົນວົງການວິສາຫະກິດຂອງເຂດໃນ, ຊຸກຍູ້ໃຫ້ເຂດໃນແລະຮົງກົງຈະເລີນຮຸ່ງເຮືອງພ້ອມກັນ.
|
