ໂຄສົກກະຊວງການຕ່າງປະເທດຈີນກ່າວວ່າການເຈລະຈາຫົກຝ່າຍຮອບ5ເນັ້ນໜັກການໄດ້ຮັບຄວາມຄືບໜ້າໃໝ່
cri
ຕາມຂ່າວCRI,ວັນທີ1ພະຈິກ,ໃນເວລາຕອບຄຳຖາມຂອງນັກຂ່າວໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ,ທ່ານຂົງສວນໂຄສົກກະຊວງການຕ່າງປະເທດຈີນກ່າວເນັ້ນວ່າ,ການເຈລະຈາຫົກຝ່າຍຮອບ5ເນັ້ນໜັກການໄດ້ຮັບຄວາມຄືບໜ້າໃໝ່.
ທ່ານຂົງສວນກ່າວວ່າ,ຕາມຄວາມຮັບຮູ້ຄືກັນທີ່ຕົກລົງກັນໃນການເຈລະຈາຫົກຝ່າຍຮອບກ່ອນ,ການເຈລະຈາຫົກຝ່າຍຮອບ5ຈະຈັດຂຶ້ນໃນຕົ້ນເດືອນພະຈິກ.ສ່ວນການເຈລະຈາຈະໃຊ້ຮູບການຫຍັງ,ບັນດາຝ່າຍລ້ວນແຕ່ພວມເຂົ້າຮ່ວມການປຶກສາຫາລືຢ່າງຕັ້ງໜ້າ.ຝ່າຍຈີນຫວັງໃຫ້ບັນດາຝ່າຍກ້າວເຖິງຂັ້ນມີຄວາມຮັບຮູ້ຄືກັນກ່ຽວກັບເລື່ອງນີ້.ທ່ານຊີ້ອອກວ່າ,ຮູບການຂອງການເຈລະຈາແມ່ນສຳຄັນຢູ່,ແຕ່ຍິ່ງສຳຄັນກວ່ານັ້ນແມ່ນຕ້ອງພະຍາຍາມໃຫ້ໄດ້ມີຄວາມຄືບໜ້າໃໝ່ໃນການເຈລະຈາຫົກຝ່າຍຮອບ5.
ທ່ານແນະນຳວ່າ,ໃນຖານເປັນປະເທດປະທານ,ຈີນໄດ້ວາງຂໍ້ສະເໜີລະອຽດກ່ຽວກັບວັນເວລາຈັດການເຈລະຈາຕໍ່ບັນດາຝ່າຍ,ແລະພວມຄອຍຖ້າການຢືນຢັນຈາກບັນດາຝ່າຍ.
|
|