ຕາມຂ່າວcri:ວັນທີ2 ພະຈິກ,ທ່ານຮູຈີນທ່າວ,ເລຂາທິການໃຫຍ່ສູນກາງພັກກອນມູນິດຈີນ,ປະທານປະເທດຈີນໄດ້ສຳເລັດການຢ້ຽມຢາມສັນຖະວະໄມຕີຫວຽດນາມຢ່າງເປັນທາງການແລ້ວ,ຂີ່ຍົນພິເສດກັບຄືນຮອດປັກກິ່ງ.
ໃນໄລຍະຢ້ຽມຢາມ,ທ່ານຮູຈີນທ່າວໄດ້ແຍກອອກພົບປະຜູ້ນຳຕົ້ນຕໍຂອງພັກແລະລັດຫວຽດນາມ,ສອງຝ່າຍລ້ວນແຕ່ສະແດງວ່າ,ຈະພະຍາຍາມສ້າງສະຖານະພາບໃຫມ່ຂອງການພົວພັນໄມຕີຈິດຖານບ້ານໃກ້ເຮືອນຄຽງແລະການຮ່ວມມືຮອບດ້ານລະຫວ່າງຈີນກັບຫວຽດນາມ. ທ່ານຮູຈີນທ່າວຍັງກ່າວປາຖະກະຖາຢູ່ສະພາແຫ່ງຊາດຫວຽດນາມໃນຖານເປັນຜູ້ນຳຕ່າງປະເທດຜູ້ທຳອິດ.ວັນທີ2 ພະຈິກ,ຈີນກັບຫວຽດນາມໄດ້ອອກຖະແຫລງການຮ່ວມຢູ່ຫ່າໂນ່ຍ,ສອງຝ່າຍເປັນເອກະສັນກັນກ່າວວ່າ,ຈະຊຸກຍູ້ການພົວພັນໄມຕີຈິດຖານບ້ານໃກ້ເຮືອນຄຽງແລະຮ່ວມມືຮອບດ້ານລະຫວ່າງສອງພັກສອງລັດຂະຫຍາຍຕົວອອກຕື່ມອີກ.
ນອກນີ້,ໃນໄລຍະທ່ານຮູຈີນທ່າວຢ້ຽມຢາມຫວຽດນາມ,ພາກສ່ວນກ່ຽວຂ້ອງຂອງລັດຖະບານແລະວິສາຫະກິດຂອງສອງປະເທດຈີນຫວຽດຍັງໄດ້ເຊັນເອກະສານຮ່ວມມື14ສະບັບ,ຂົງເຂດກວມເຖິງການພັດທະນາຊັບພະຍາກອນ, ໄຟຟ້າແລະອຸດສາຫະກຳເຄມີເປັນຕົ້ນ.
|