|
ຫວຽດນາມມີເປັດໄກ່ພັນກວ່າໂຕອາດແມ່ນຕາຍຍ້ອນໄຂ້ຫວັດສັດປີກ
cri
ຕາມຂ່າວສານຊິນຮວາ,ວັນທີ1ພະຈິກ,ເຈົ້າໜ້າທີ່ພາກສ່ວນສັດຕະວະແພດຫວຽດນາມກ່າວວ່າ, ຢູ່ພາກເໜືອຫວຽດນາມມີເປັດໄກ່ພັນກວ່າໂຕອາດແມ່ນຕາຍຍ້ອນຕິດພະຍາດໄຂ້ຫວັດສັດປີກ,ພາກສ່ວນທີ່ກ່ຽວຂ້ອງພວມກວດພະຍາດໄຂ້ຫວັດສັດປີກຕໍ່ເປັດໄກ່ທີ່ຕາຍເຫຼົ່ານີ້.
ແຕ່ເດືອນຕຸລາເປັນຕົ້ນມາ,ສອງແຂວງພາກໃຕ້ຂອງຫວຽດນາມໄດ້ປະກົດມີພະຍາດໄຂ້ຫວັດສັດປີກຕາມໆກັນ,ເຮັດໃຫ້ເປັດ1400ກວ່າໂຕໃນສອງແຫ່ງດັ່ງກ່າວຕາຍ.ຫວ່າງມໍ່ໆນີ້,ທ່ານບຸຍກວາງອັນ ຫົວໜ້າພະແນກສັດຕະວະແພດຂອງກະຊວງກະສິກຳແລະການພັດທະນາຊົນນະບົດຫວຽດນາມກ່າວວ່າ,ຫວຽດນາມພວມປະເຊີນກັບຄວາມອັນຕະລາຍທີ່ພະຍາດໄຂ້ຫວັດສັດປີກຈະລະບາດຢ່າງຂະໜາດໃຫຍ່,ຄວນເອົາໃຈໃສ່ປ້ອງກັນເປັນພິເສດ.
|
|
