|
ທ່ານນາງອູອີຫວັງໃຫ້ນັກທຸລະກິດສອງປະເທດຈີນຣັດເຊຍກຳໂອກາດທີ່ເອື້ອອຳນວຍ ດຳເນີນການຮ່ວມມືຢ່າງຕັ້ງໜ້າ
cri
ຕາມຂ່າວCRI,ວັນທີ2ພະຈິກ,ຢູ່ທີ່ປັກກິ່ງ,ທ່ານນາງອູອີ ຮອງນາຍົກລັດຖະມົນຕີຈີນກ່າວວ່າ,ຈີນແລະຣັດເຊຍລ້ວນແຕ່ມີຂະແໜງການອຸດສາຫະກຳທີ່ຄົບຖ້ວນແລະມີກຳລັງວິທະຍາສາດເຕັກນິກອັນເຂັ້ມແຂງ,ລະດັບໄຂຕະຫຼາດໄດ້ຍົກສູງຂຶ້ນຢ່າງບໍ່ຢຸດຢັ້ງ,ນັກທຸລະກິດຂອງສອງປະເທດຄວນກຳໂອກາດໃໝ່ທີ່ເອື້ອອຳນວຍ ດຳເນີນການຮ່ວມມືຢ່າງຕັ້ງໜ້າ.
ທ່ານນາງອູອີແມ່ນໃຫ້ທັດສະນະດັ່ງກ່າວໃນເວລາເປັນປະທານຈັດງານສົນທະນາຂອງນັກທຸລະກິດຈີນຣັດເຊຍຢູ່ປັກກິ່ງໃນວັນທີ2ພະຈິກ.ນາງຊີ້ອອກວ່າ,ວິສາຫະກິດຈີນຣັດເຊຍຄວນເຂົ້າໃຈນະໂຍບາຍແລະກົດບັນຍັດຂອງສອງປະເທດໃຫ້ຫຼາຍກວ່າເກົ່າ,ສອດຄ່ອງກັບການປ່ຽນແປງຂອງຕະຫຼາດ,ອອກແຮງດຳເນີນການຮ່ວມມືດ້ານໄຮ່ເຕັກ,ຍົກສູງຄຸນນະພາບຂອງການຮ່ວມມືເສດຖະກິດການຄ້າ.
ທ່ານຈູຄົຟ ຮອງນາຍົກລັດຖະມົນຕີຣັດເຊຍທີ່ເຂົ້າຮ່ວມງານສົນທະນາກ່າວວ່າ,ຝ່າຍຣັດເຊຍຫວັງໃຫ້ເປີດກວ້າງການສົ່ງສິນຄ້າຂາອອກອອກຕໍ່ຈີນຕື່ມອີກ,ເພີ່ມຊະນິດຜະລິດຕະພັນທີ່ສົ່ງຂາຍໃຫ້ຈີນໃຫ້ຫຼາຍຂຶ້ນ,ພ້ອມທັງດູດດຶງເອົາວິສາຫະກິດຈີນໄປລົງທຶນຢູ່ຣັດເຊຍຫຼາຍກວ່າເກົ່າ.
|
|
