|
ຕາມຂ່າວສານຊິນຮວາ: ຫວ່າງມໍ່ໆນີ້ ທ່ານຊັກ ດີອຸຟ ຜູ່ອຳນວຍການໃຫຍ່ອົງການຟາວ ສະຫະປະຊາຊາດກ່າວເນັ້ນວ່າ, ເຊື້ອໄວລັດໄຂ້ຫວັດສັດປີກແບບ H5N1 ປະເພດຮ້າຍແຮງລະບາດຢູ່ປະເທດແລະເຂດແຄວ້ນນອກຈາກອາຊີອາຄະເນໃນຫວ່າງມໍ່ໆນີ້ ສະແດງໃຫ້ເຫັນວ່າ, ພະຍາດໄຂ້ຫວັດສັດປີກແມ່ນບັນຫາທົ່ວໂລກທີ່ປະໝາດບໍ່ໄດ້, ຕ້ອງການໃຫ້ປະຊາຄົມໂລກພ້ອມກັນຮັບມືຈຶ່ງຈະໄດ້ຜົນ.
ຫວ່າງມໍ່ໆນີ້ ທ່ານຊັກ ດີອຸຟໄດ້ຂຽນບົດຄວາມທີ່ພາດຫົວເລື່ອງວ່າ "ສະກັດກັ້ນພະຍາດໄຂ້ຫວັດສັດປີກແນວໃດ" ລົງເວັບໄຊຂອງອົງການຟາວ, ທ່ານຊີ້ອອກວ່າ, ພະຍາດໄຂ້ຫວັດສັດປີກພວມແຜ່ລະບາດຢ່າງບໍ່ຢຸດຢັ້ງຕາມເສັ້ນທາງຂອງນົກຍ້າຍແກ່ວ, ປັດຈຸບັນໄດ້ແຜ່ລະບາດເຖິງບາງປະເທດເອີລົບແລ້ວ.
ທ່ານກ່າວວ່າ, ລັດຖະບານບັນດາປະເທດແລະປະຊາຄົມໂລກຄວນພ້ອມກັນສ້າງລະບົບຄວບຄຸມແລະປ້ອງກັນພະຍາດອັນບັງເກີດຜົນ, ດັບສູນພະຍາດໄຂ້ຫວັດສັດປີກທີ່ລະບາດຢູ່ໃນຝຸງສັດໃນສະເພາະໜ້ານີ້ໃຫ້ມຸດມ້ວຍໃນໄລຍະຈໍ່ແໜງ.
|
