|
ຈີນຈະເລັ່ງລັດຊຸກຍູ້ການກໍ່ສ້າງສະພາບແວດລ້ອມຊີວະພາບດ້ານການເງິນ
cri
ຕາມຂ່າວCRI,ກອງປະຊຸມເວທີປາໄສການເງິນຈີນປີ2005ໄດ້ຈັດຂຶ້ນຢູ່ປັກກິ່ງໃນວັນທີ3ພະຈິກ.ນັກຂ່າວໄດ້ຊາບຈາກເວທີປາໄສເທື່ອນີ້ວ່າ,ຝ່າຍທີ່ກ່ຽວຂ້ອງຂອງຈີນຈະເລັ່ງລັດຊຸກຍູ້ການກໍ່ສ້າງສະພາບແວດລ້ອມຊີວະພາບດ້ານການເງິນເຊັ່ນລະບົບລະບອບກົດໝາຍ,ລະບົບສິນເຊື່ອເປັນຕົ້ນ,ເພື່ອຊຸກຍູ້ຂະແໜງການການເງິນຂອງຈີນພັດທະນາໄປຕາມແງ່ດີ.
ຜູ່ຮັບຜິດຊອບທີ່ກ່ຽວຂ້ອງຂອງອົງການການເງິນຈີນພ້ອມດ້ວຍອົງການຕິດຕາມຄວບຄຸມ,ເຈົ້າໜ້າທີ່ອົງການປົກຄອງທ້ອງຖິ່ນ,ຜູ່ຊ່ຽວຊານແລະນັກປາດທີ່ຮ່ວມປະຊຸມກ່າວວ່າ,ຕໍ່ໄປພາຍໜ້າ,ຈະຊຸກຍູ້ວຽກງານທີ່ກ່ຽວຂ້ອງຕື່ມອີກ,ສ້າງແລະບູລະນະລະບົບກົດໝາຍແລະການປະຕິບັດກົດໝາຍ,ບູລະນະລະບົບສິນເຊື່ອສັງຄົມໃຫ້ສົມບູນຂຶ້ນ,ເລັ່ງລັດການສະສົມຂໍ້ມູນສິນເຊື່ອ,ຍົກສູງມາດຖານຂອງການບັນຊີ,ການກວດກາບັນຊີແລະການເຜີຍແຜ່ຂໍ້ມູນຂ່າວສານເປັນຕົ້ນ,ພ້ອມກັນນັ້ນ,ຍົກສູງລະດັບການບໍລິການແບບວິຊາສະເພາະຂອງອົງການສື່ກາງ.
ກອງປະຊຸມເວທີປາໄສເທື່ອນີ້ຈະຈັດຂຶ້ນເປັນມື້ໜຶ່ງ,ຫົວຂໍ້ແມ່ນ"ການທົດສອບທີ່ຊີວະພາບດ້ານການເງິນແລະການພັດທະນາການເງິນຂອງຈີນປະເຊີນ"
|
|
