|
ຮອງປະທານຄະນະກຳມະການແລກປ່ຽນການຂົນສົ່ງທາງອາກາດສອງຝັ່ງຊ່ອງແຄບໄຕ້ຫວັນເຊື້ອເຊີນຜູ້ແທນວົງການການບິນໄຕ້ຫວັນມາປຶກສາຫາລືເລື່ອງກ່ຽວກັບເໝົາຍົນຂົນສົ່ງຜູ່ໂດຍສານແລະສິນຄ້າທາງອາກາດລະຫວ່າງສອງຝັ່ງ
cri
ຕາມຂ່າວສານຊິນຮວາ,ວັນທີ3ພະຈິກ,ທ່ານພູຈ້າວໂຈ່ວ ຮອງປະທານຄະນະກຳມະການແລກປ່ຽນການຂົນສົ່ງທາງອາກາດສອງຝັ່ງຊ່ອງແຄບໄຕ້ຫວັນໄດ້ຝາກຈົດໝາຍໄປຍັງທ່ານຟ້ານຈື້ສຽງ ປະທານສະມາຄົມຂະແໜງການຂົນສົ່ງທາງອາກາດນະຄອນໄຕເປ,ເຊື້ອເຊີນທ່ານນຳພາພະນັກງານທີ່ກ່ຽວຂ້ອງຂອງສະມາຄົມດັ່ງກ່າວອີງຕາມເບົ້າແບບແລກປ່ຽນກັນຢູ່ມາກາວກ່ຽວກັບເລື່ອງເໝົາຍົນໃນຍາມບຸນກຸດຈີນປີ2005,ໃຫ້ສອງຝ່າຍແລກປ່ຽນກັນໂດຍກົງໂດຍໄວກ່ຽວກັບການເໝົາຍົນຂົນສົ່ງຜູ່ໂດຍສານແລະສິນຄ້າລະຫວ່າງສອງຝັ່ງ,ໂດຍສະເພາະແມ່ນການຈັດວາງດ້ານເຕັກນິກ,ແລະທຸລະການອັນລະອຽດກ່ຽວກັບການເໝົາຍົນໃນຍາມບຸນກຸດຈີນປີ2006ຂອງສອງຝັ່ງ,ກ້າວເຖິງຂັ້ນມີຄວາມຮັບຮູ້ຄືກັນ,ປະຕິບັດຢ່າງສະດວກ,ເພື່ອຕອບສະໜອງກັບຄວາມປາຖະໜາແລະຄວາມຕ້ອງການຕົວຈິງຂອງພີ່ນ້ອງຮ່ວມຊາດໄຕ້ຫວັນແລະພີ່ນ້ອງຮ່ວມຊາດສອງຝັ່ງອັນໄພສານ.
ຈົດໝາຍເຊື້ອເຊີນຍັງຂຽນວ່າ,ຝ່າຍແຜ່ນດິນໃຫຍ່ຈີນໄດ້ກຽມພ້ອມຢ່າງເຕັມທີ່ແລ້ວ,ຈະປຶກສາຫາລືກ່ຽວກັບເລື່ອງນີ້ໃນທຸກເວລາໄດ້.
|
|
