ຕາມຂ່າວCRI: ວັນທີ 3 ພະຈິກ, ວິທະຍຸຝ່າຍທະຫານອິສຣາແອນລາຍງານວ່າ, ທ່ານມໍຟັດ ລັດຖະມົນຕີກະຊວງປ້ອງກັນປະເທດອິສຣາແອນກ່າວວ່າ, ເຖິງແມ່ນວ່າອິສຣາແອນຄັດຄ້ານອົງການຮາມາສ໌ເຂົ້າຮ່ວມການເລືອກຕັ້ງຄະນະກຳມະການນິຕິບັນຍັດປາເລັສຕິນທີ່ຈະຈັດຂຶ້ນໃນເດືອນມັງກອນປີໜ້ານີ້ກໍຕາມ, ແຕ່ຝ່າຍອິສຣາແອນຈະບໍ່ແຊກແຊງການເລືອກຕັ້ງເທື່ອນີ້.
ວິທະຍຸໄດ້ນຳເອົາຄວາມເວົ້າຂອງທ່ານມໍຟັດທີ່ກ່າວໃນເວລາພົບປະທ່ານນາງໄລສ໌ ລັດຖະມົນຕີກະຊວງການຕ່າງປະເທດອາເມລິກາໃນວັນທີ 2 ພະຈິກວ່າ, ການເລືອກຕັ້ງຂອງຄະນະກຳມະການນິຕິບັນຍັດປາເລັສຕິນແມ່ນວຽກງານພາຍໃນຂອງປາເລັສຕິນ. ແຕ່ພ້ອມກັນນັ້ນທ່ານກ່າວເນັ້ນວ່າ,ທ່ານອັບບັສ໌ ປະທານອົງການອຳນາດແຫ່ງຊາດປາເລັສຕິນຕ້ອງປະຕິບັດຕາມຄຳໝັ້ນສັນຍາທີ່ວ່າ"ມີອຳນາດການປົກຄອງດຽວແລະມີກຳລັງທະການດຽວ"
|