ຕາມ​ຂ່າວສານ​ຊິນ​ຮວາ​: ວັນ​ທີ 3 ພະຈິກ, ກົມ​​ໃຫຍ່​ກວດ​ກາຄຸນ​ນະພາ​ບ​ແລະ​ກວດ​ກາ​ພະຍາດ​ແຫ່ງ​ຊາດ​ຈີນ​ແລະ​ກະຊວງ​ສາທາລະນະ​ສຸກ​ຈີນ​ໄດ້​ອອກ​ປະກາດ​ຮ່ວມ, ຮຽກຮ້ອງ​ໃຫ້​ພາກ​ສ່ວນ​ກວດກາ​ພະຍາດ​ແລະ​ອົງການ​ອະນາ​ໄມ​ຂອງ​ແຫ່ງ​ຕ່າງໆ​ກວດກາ​ຢ່າງ​ເຄັ່ງ​ຄັດ, ປ້ອງ​ກັນ​ບໍ່​ໃຫ້​ໄຂ້ຫວັດ​ສັດ​ປີກ​ແຜ່​ລາມ​ເຂົ້າປະ​ເທດ​ຈີນ.

​ປະກາດ​ຊີ້​ອອກ​ວ່າ, ອົງການ​ອະນະ​ໄມ​ໂລກ​ລາຍ​ງານ​ວ່າ, ​ແຕ່​ເດືອນ​ກັນຍາ​ປີ2003​ຮອດ​ປັດຈຸບັນ, ມີ15ປະ​ເທດ​ຄື ສ.​ເກົາຫຼີ ຫວຽດນາມ​ແລະ​ຍີ່ປຸ່ນ​ເປັນ​ຕົ້ນ​ໄດ້​ເກີດ​ພະຍາດ​ໄຂ້​ຫວັດ​ສັດ​ປີກ​ຮ້າຍ​ແຮງ​ໃນ​ສັດ​ປີກ, ຫວຽດນາມ ​ໄທ​ ກຳປູ​ເຈຍ​ແລະ​ອິນ​ໂດ​ເນ​ເຊຍ​ເປັນ​ຕົ້ນ​ໄດ້​ມີ​ຄົນ​ຕິດ​ແປດ​ພະຍາດ​ໄຂ້ຫວັດ​ສັດ​ປີກ. ນັບ​ມາ​ຮອດ​ວັນ​ທີ 20 ຕຸລາ, ​ໃນທົ່ວ​​ໂລກ​​ມີ 118 ຄົນ​​ໄດ້​ຕິດ​ແປດ​ພະຍາດ​ໄຂ້ຫວັດ​ສັດ​ປີກ, ​ໃນ​ນັ້ນ​ມີ 61 ຄົນ​ເສຍ​ຊີວິດ.

​ປະກາດ​ຮຽກຮ້ອງ​ໃຫ້​ບຸກຄົນ​ທີ່​ມາ​ຈາກ​ປະ​ເທດ​ດັ່ງກ່າວ, ຖ້າ​ມີ​ອາການ​ເປັນ​ໄຂ້ ​​ໄອ ​ເຈັບຫົວ ຮ່າງກາຍ​ບໍ່​ສະບາຍ​ເປັນ​ຕົ້ນ, ​ໃນ​ເວ​ລາ​ເຂົ້າ​ເມືອງຄວນ​ແຈ້ງ​ໃຫ້​ອົງການ​ກວດກາ​ພະຍາດຢູ່​ດ່ານ​ເຂົ້າອອກ​ເມືອງ​ຂອງ​ຈີນ​ຮູ້.