|
ເສດຖະກິດດ້ານການຈັດກອງປະຊຸມແລະງານວາງສະແດງຂອງຈີນໄດ້ມີການພັດທະນາຢ່າງວ່ອງໄວ
cri
ຕາມຂ່າວສານຊິນຮວາ,ວັນທີ3ພະຈິກ,ທ່ານຈ່ຽງເຈິ່ງເວີຍ ຮອງລັດຖະມົນຕີກະຊວງການຄ້າຈີນກ່າວວ່າ,ໃນຫຼາຍປີມານີ້,ເສດຖະກິດດ້ານການຈັດກອງປະຊຸມແລະງານວາງສະແດງຂອງຈີນໄດ້ມີການພັດທະນາຢ່າງວ່ອງໄວ,ຂະແໜງການຈັດກອງປະຊຸມແລະງານວາງສະແດງໄດ້ກາຍເປັນຂະແໜງການໜຶ່ງທີ່ພັດທະນາໃໝ່ແລ້ວ.
ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງ,ທ່ານຈ່ຽງເຈີ່ງເວີຍກ່າວວ່າ,ຄຽງຄູ່ກັບເສດຖະກິດແຫ່ງຊາດມີການພັດທະນາ,ການເຄື່ອນໄຫວງານວາງສະແດງຂອງຈີນກໍຄຶກຄັກກວ່າຍາມໃດໝົດ, ໄດ້ປະກົດມີທ່ວງທ່າຂະຫຍາຍຕົວອັນດີງາມ.ລະດັບວິຊາສະເພາະ,ລະດັບຕະຫຼາດແລະລະດັບສາກົນຂອງງານວາງສະແດງໄດ້ຍົກສູງຂຶ້ນຢ່າງບໍ່ຢຸດຢັ້ງ,ໄດ້ປະກົດມີງານວາງສະແດງຍີ່ຫໍ້ດັງງວດໜຶ່ງທີ່ມີຊື່ສຽງແລະອິດທິພົນໃນສາກົນ.
ສະຖິຕິສະແດງໃຫ້ເຫັນວ່າ,ປັດຈຸບັນ,ຈີນໄດ້ຈັດງານວາງສະແດງຂົງເຂດເສດຖະກິດການຄ້າຕັ້ງ3ພັນກວ່າເທື່ອຕໍ່ປີ,ວິສາຫະກິດທີ່ເຂົ້າຮ່ວມງານວາງສະແດງໄດ້ຫຼາຍກວ່າ5ລ້ານ5ແສນແຫ່ງ,ຜູ່ຊົມທີ່ມີວິຊາສະເພາະທີ່ເຂົ້າຮ່ວມງານມີເກືອບ20ລ້ານຄົນ.
|
|
