|
|
 |
| (GMT+08:00)
2005-11-04 15:48:55
|
 |
|
ໂລກດົນຕີທີ່ອັດສະຈັນ
cri
Author: li
 ດົນຕີເປັນການຈັດຕັ້ງຕ່າງໆສຽງແລະບໍ່ມີສຽງທີ່ມີລັກສະນະເວລາ,ທັງມີຈັງຫວະ,ທຳນອງແລະສຽງທີ່ມີລະດັບສຽງຕ່າງກັນ. ວິທະຍາສາດສະແດງໃຫ້ເຫັນວ່າ,ດົນຕີທັງສາມາດປົວພະຍາດທັງສາມາດທຳລາຍຄົນ..
ການຄົ້ນຄວ້າວິທະຍາສາດໃນສະຕະວັດແລ້ວນີ້ສະແດງໃຫ້ເຫັນວ່າ, ດົນຕີສາມາດອາໄສຄື້ນແມ່ເຫຼັກໄຟຟ້າເຮັດໃຫ້ທຸກຈຸລັງໃນຮ່າງກາຍຄົນເຮົາສະເທືອນຂຶ້ນ,ພາຍໃຕ້ບົດບາດຂອງດົນຕີ,ຄວາມດັນເລືອດ,ຈັງຫວະຫົວໃຈເຕັ້ນ,ຈັງຫວະແລະຄວາມນ້ອຍໃຫຍ່ຂອງການຫາຍໃຈຂອງຄົນລ້ວນແຕ່ຈະມີການປ່ຽນແປງ,ຈົນກະທັ້ງເຊົາຫາຍໃຈ. ດົນຕີທີ່ໜ້າເບື່ອເຮັດໃຫ້ຄົນປວກຮາກ,ພາໃຫ້ກະເພາະອາຫານປັ້ນ,ຈົນກະທັ້ງທຳລາຍສາຍຕາແລະຄວາມຮູ້ສຶກຕໍ່ລົດຊາດ. ຜົນງານຈຳນວນໜຶ່ງຂອງນັກດົນຕີສາມາດເຮັດໃຫ້ຄົນສະຫງົບລົງ,ຈົນກະທັ້ງສະຫົຼບໄປແລະເຂົ້າສູ່ສະພາບມຶນຊາ. ແນ່ນອນແລ້ວກໍມີຜົນງານຈຳນວນໜຶ່ງເຮັດໃຫ້ຄົນສະທ້ານຢ້ານກົວ. ຈົນຮອດໝາກໍມີປະຕິກິລິຍາຕໍ່ດົນຕີ,ຕົວຢ່າງຄືຄວາມດັນເລືອດຂອງໝາຈະສູງຂຶ້ນຫຼືຕ່ຳລົງ 70 ຊັງຕີແມັດບາຫຼອດພາຍໃຕ້ບົດບາດຂອງດົນຕີ.
ນັກຈິດຕະສາດຣັດເຊຍຄົ້ນຄວ້າເຫັນວ່າ,ຜ່ານຈາກການຕີກອງມາກະຕຸ້ນອົງປະກອບສ່ວນເລິກຂອງສະໝອງຈະສາມາດປ່ຽນແປງສະພາບຈິດໃຈຂອງຄົນເຈັບ. ຢູ່ໃນຄໍຂອງມະນຸດມີສິ່ງສຳຜັດຈຳນວນໜຶ່ງ,ມີປະຕິກິລິຍາຕໍ່ອາກາດສະເທືອນຍ້ອນຄື້ນສຽງຂອງເຄື່ອງດົນຕີ,ຜົນສຸດທ້າຍປະກົດເຫັນວ່າ,ອານໂກນທີ່ມີປະລິມານຊຶມອອກໜ້ອຍໃນຮ່າງກາຍຈະເພີ່ມຂຶ້ນໜ້ອຍໜຶ່ງ. ກໍແມ່ນຍ້ອນອານໂກນພາຍໃນຮ່າງກາຍຊະນິດນີ້ສາມາດເຮັດໃຫ້ຄົນພົ້ນອອກຈາກສະພາວະຕື່ນເຕັ້ນ.
ຍີ່ປຸ່ນໄດ້ທົດລອງຕໍ່ແມ່ຍິງທີ່ຍັງຢູ່ໃນໄລຍະໃຫ້ລູກກິນນົມ 120 ຄົນ,ໃຫ້ແມ່ຍິງຈຳນວນໜຶ່ງຟັງດົນຕີກາລາຊິກ,ອີກຈຳນວນໜຶ່ງຟັງດົນຕີແຈັສແລະເພງນິຍົມ. ປະລິມານນ້ຳນົມຂອງແມ່ຍິງຈຸທີໜຶ່ງໄດ້ເພີ່ມຂຶ້ນ 20%,ແມ່ຍິງຂອງຈຸທີສອງພັດໜ້ອຍລົງເຄິ່ງໜຶ່ງ. ດົນຕີແຈັສມີຄື້ນເໜືອສຽງແລະຄື້ນສຽງຕ່ຳຊະນິດໜຶ່ງ,ຄື້ນສຽງຊະນິດນີ້ຄົນເຮົາບໍ່ໄດ້ຍິນ,ແຕ່ອະໄວຍະວະທັງໝົດໃນຮ່າງກາຍພັດໄດ້ຍິນ. ພາຍໃຕ້ບົດບາດຂອງຄື້ນສຽງເຫົ່ຼານີ້,ສະໝອງຂອງຄົນຈະຖືກທຳລາຍ.
ເມື່ອເບິ່ງຈາກການເຂົ້າໃຈຕໍ່ດົນຕີແລ້ວເຫັນວ່າ,ຄົນເຮົາແບ່ງອອກເປັນສອງປະເພດຄືປະເພດອາໃສແລະປະເພດແພ້. ເວົ້າສຳລັບຄົນປະເພດທີໜຶ່ງແລ້ວ,ດົນຕີກໍເໝືອນດັ່ງຢາມືນ,ຈະຊ່ອຍເພີ່ມປະລິມານຕ່ອມນ້ຳໝາກໄຂ່ຫຼັງ,ການຟັງດົນຕີສາມາດລະບາຍຄວາມຮູ້ສຶກຕ່າງໆເຊັ່ນຫງ່ວມເຫງົາ,ໂດດດ່ຽວ,ຢ້ານກົວແລະບໍ່ເຊື່ອໝັ້ນຕົນເອງນັ້ນໃຫ້ໝົດກ້ຽງ. ເວົ້າສຳລັບຄົນປະເພດທີສອງແລ້ວ,ສຽງດົນຕີໃນໂຮງອາບນ້ຳແລະລົດໄຟບໍ່ສະບາຍທີ່ສຸດ,ພວກເຂົາເຈົ້າຕ້ອງການຄວາມມິດງຽບ. ແຕ່ເວົ້າໃນອີກດ້ານໜຶ່ງແລ້ວ,ຄົນເຮົາຈະຢູ່ໃນສະພາບແວດລ້ອມທີ່ສະຫງົບມິດງຽບເດັດຖານເປັນເວລາດົນນານບໍ່ໄດ້,ເພາະວ່າສຽງເປັນສັນຍະລັກຂອງຊີວິດການເປັນຢູ່.
ໃນໜ່ວຍໂລກທີ່ມີມະນຸດເຮົາດຳລົງຊີວິດຢູ່ນັ້ນມີສຽງນັນແຊວຢູ່ທຸກເວລາ,ລາງເທື່ອຟ້າຮ້ອງ,ລາງເທື່ອມີສຽງນ້ຳຕົກຕາດແລະຝົນຕົກຮ່າໃຫຍ່,ລາງເທື່ອແມ່ນສຽງຮ້ອງຂອງນົກແລະສຽງນ້ຳໄຫລຜາດໆ. ຖ້າໃຫ້ຄົນຢູ່ໃນສະພາບແວດລ້ອມທີ່ມິດງຽບເດັດຖານ,ຄົນເຮົາຈະຢ່ໄດ້ບໍ່ຮອດູ 40 ຊົ່ວໂມງຢ່າງເດັດຂາດ. ຕາບໃດຫາກປາສະຈາກສຽງແລ້ວ,ຄົນເຮົາຈະເສຍຄວາມຮູ້ສຶກຕໍ່ສະພາບຕົວຈິງແລະຄວາມຮູ້ສຶກຕໍ່ຕົນເອງ,ລະບົບເສັ້ນປະສາດສູນກາງຈະເສື່ອມລົງທັງໝົດ,ແລ້ວປະກົດມີອາການມົວເມົາ,ຄວາມດັນເລືອດແດງຕ່ຳລົງແລະຊີບພະຈອນເຕັ້ນຊ້າລົງ.
ສະນັ້ນ,ນັກວິທະຍາສາດແລະນາຍໝໍຈຶ່ງຖືດົນຕີເປັນສິ່ງປົວພະຍາດທີ່ດີກວ່າໝູ່. ບັນດາສາດສະດາຈານຈິດຕະສາດໄດ້ອັດກະແສັດຫລາຍສິບມ້ວນ,ພວກເຂົາເຈົ້າເວົ້າວ່າສາມາດລົບລ້າງໂມໂຫ,ກະຕຸກຫົວຄິດປະດິດສ້າງ,ເຮັດໃຫ້ຊີກສະໝອງທັງຊ້າຍທັງຂວາສົມດຸນກັນຢ່າງບັງເກີດຜົນແລ້ວບັນລຸຫົວຄິດປະດິດສ້າງສູງສຸດເທົ່າທີ່ຈະສູງໄດ້. ຍັງມີກະແສັດທີ່ຊ່ອຍຫລຸດຄວາມອ້ວນ,ອອກຢາແລະອອກເຫລົ້າ,ບາງຄົນຈົນກະທັ້ງເຈຕະນາໃຊ້ດົນຕີມາປົວຜົມຫລົ່ນ.
ນາຍໝໍຜູ້ໜຶ່ງຂອງຣັດເຊຍຍິ່ງໄປໄກ. ທ່ານໄດ້ປະດິດສ້າງສາຍແອວສຳລັບແມ່ມານທີ່ໄດ້ໃສ່ເສົາກົມນ້ອຍໆບໍ່ໜ້ອຍ. ສາຍແອວນີ້ຕິດຕໍ່ກັບເຄື່ອງຫຼິ້ນສຽງ,ລູກໃນທ້ອງກໍສາມາດຟັງດົນຕີຈຳເພາະຊະນິດໜຶ່ງ. ນັບມາຮອດຊູ່ມື້ນີ້,ໄດ້ມີລູກໃນທ້ອງ 1200 ກວ່າຄົນເຄີຍໄດ້ຟັງດົນຕີຊະນິດນີ້,ຫລັງຈາກເກີດແລ້ວ,ໄດ້ຜ່ານການກວດດ້ານພາສາ,ການຄົບຄ້າສະມາຄົມແລະຄວາມສາມາດດ້ານກິລາເປັນຕົ້ນ,ແລ້ວປະກົດເຫັນວ່າ,ສະເລ່ຍແລ້ວ,ພວກເຂົາເຈົ້າເກັ່ງກວ່າຜູ້ທີ່ບໍ່ໄດ້ຟັງດົນຕີນັ້ນ 4 ເທົ່າ.
ຕຳລາຢາດົນຕີທີ່ນັກວິທະຍາສາດສັ່ງໃຫ້ນັ້ນມີການສະດຸດີເຈົ້າແມ່ຂອງທ່ານຊູເບີດ,ດົນຕີປະສານສຽງແສງຈັນຂອງທ່ານເບໂທເວັນ,ດົນຕີຫ່ານຟ້າຂອງທ່ານແຊນ ຊັງ,ບວກກັບພາຫະນະຕ່າງໆເຊັ່ນແຍ້ມໃຫ້ຮູ້,ກ່ອມນອນແລະປັກເຂັມເປັນຕົ້ນ,ສາມາດຊ່ອຍອອກຢາແລະອອກເຫລົ້າ. ດົນຕີທີ່ເຮັດໃຫ້ຄົນຕື່ນເຕັ້ນຂອງຈາຍກົບສະກີເປັນຕົ້ນສາມາດປົວພະຍາດສັບພະຄຸນເສັ້ນປະສາດເສື່ອມລົງແລະພະຍາດມັກໂມໂຫ,ຟັງດົນຕີວາລສ໌ຍັງສາມາດປົວພະຍາດກະເພາະອາຫານເປັນແຜ.
|
|
|
