|
ຕາມຂ່າວCRI:ວັນທີ5 ພະຈິກ,ຫນັງສືພິມມາກາວ ລາຍວັນໄດ້ພິມບົດນຳຊີ້ອອກວ່າ,ຫວ່າງມໍ່ໆນີ້,ນະໂຍບາຍແລະມາດຕະການຕ່າງໆຂອງແຜ່ນດິນໃຫຍ່ປະເທດຊາດທີ່ລະດົມໃຈປະຊາຊົນໄຕ້ຫວັນ,ໄດ້ເປີດກວ້າງການແລກປ່ຽນລະຫວ່າງປະຊາຊົນສອງຝັ່ງ,ບໍ່ພຽງແຕ່ມີຜົນດີຕໍ່ປະຊາຊົນໄຕ້ຫວັນທໍ່ນັ້ນແລະກໍມີຜົນດີຕໍ່ການປົວແປງການພົວພັນສອງຝັ່ງໃຫ້ດີຂຶ້ນນຳອີກ.
ບົດນຳຊີ້ອອກວ່າ,ຫລາຍເດືອນມານີ້,ແຜ່ນດິນໃຫຍ່ໄດ້ໃຊ້ມາດຕະການຕ່າງໆ,ຄືໄຂໃຫ້ຜະລິດຕະພັນກະສິກຳໄຕ້ຫວັນເຂົ້າແຜ່ນດິນໃຫຍ່ໂດຍຍົກເວັ້ນພາສີ,ເຮັດໃຫ້ທຳນຽມພີ່ນ້ອງຮ່ວມຊາດໄຕ້ຫວັນເຂົ້າອອກແຜ່ນດິນໃຫຍ່ງ່າຍກວ່າເກົ່າ,ໄຂໃຫ້ປະຊາຊົນແຜ່ນດິນໃຫຍ່ໄປທ່ອງທ່ຽວໄຕ້ຫວັນເປັນຕົ້ນ,ຊຸກຍູ້ການໄປມາຫາສູ່ລະຫວ່າງປະຊາຊົນສອງຝັ່ງ.
ບົດນຳຍັງຊີ້ອອກວ່າ,ການໂຮມເຂົ້າເປັນເອກະພາບກັນໂດຍສັນຕິແມ່ນຄວາມປາຖະຫນາຂອງປະຊາຊົນ,ໃຜກໍບໍ່ສາມາດຂັດຂວາງໄດ້.
|
