|
ຕາມຂ່າວສານຊິນຮວາ:ວັນທີ5ພະຈິກ,ອົງການອະນາໄມສັດຂອງໂລກທີ່ຕັ້ງສຳນັກງານໃຫຍ່ຢູ່ທີ່ປາຣີອອກຖະແຫຼງການວ່າ,ຍ້ອນວ່າປະເທດພວມພັດທະນາຈຳນວນໜຶ່ງຂາດພາຫະນະປ້ອງກັນຄວບຄຸມອັນຈຳເປັນ,ພະຍາດໄຂ້ຫວັດສັດປີກຢູ່ປະເທດເຫົ່ຼານີ້ອາດຈະເກີດຂຶ້ນຊ້ຳແລ້ວຊ້ຳອີກ,ດັ່ງນັ້ນ,ຖ້າບໍ່ຊ່ອຍເຫຼືອປະເທດເຫົ່ຼານີ້ຢ່າງບັງເກີດຜົນ,ປະເທດອື່ນໆກໍ່ຈະຖືກພະຍາດໄຂ້ຫວັດສັດປີກຂົ່ມຂູ່ຕະຫຼອດ.
ຖະແຫຼງການກ່າວວ່າ,ໜ້ອຍທີ່ສຸດທີ່ພະຍາດໄຂ້ຫວັດສັດປີກຈະເກີດຂຶ້ນຢູ່ຟາມລ້ຽງສັດປີກທີ່ມີລະດັບອຸດສາຫະກຳສູງຫຼາຍ,ນີ້ກໍ່ຍ້ອນວ່າ,ວິສາຫະກິດເຫຼົ່ານີ້ຮູ້ຈັກຮັກສາຕົນເອງແນວໃດ.ແຕ່ຢູ່ບ້ານຈຳນວນໜຶ່ງແລະຟາມລ້ຽງສັດແບບຄວບຄົວ,ສັດປີກຢູ່ບ່ອນນັ້ນອາດຈະຕິດຕໍ່ສຳຜັດກັບນົກທີ່ຕິດເຊື້ອຢູ່ພາຍນອກ.ສະພາບແນວນີ້ມີຢູ່ທົ່ວໄປໃນູປະເທດພວມພັດທະນາ,ແລະໃນເລລາພະຍາດໄຂ້ຫວັດສັດປີກແຜ່ລະບາດນັ້ນ,ປະເທດເຫົ່ຼານີ້ພັດບໍ່ມີວິທີສະກັດກັ້ນພະຍາດແຜ່ລະບາດທີ່ບັງເກີດຜົນ.ດັ່ງນັ້ນ,ອົງການອະນາໄມສັດຂອງໂລກຮຽກຮ້ອງໃຫ້ປະຊາຄົມໂລກຈົ່ງໃຫ້ການຊ່ອຍເຫຼືອແກ່ປະເທດພວມພັດທະນາທີ່ເກີດພະຍາດໄຂ້ຫວັດສັດປີກ.
|
