ຕາມ​ຂ່າວສານ​ຊິນ​ຮວາ: ວັນ​ທີ 7 ພະຈິກ ຢູ່​ທີ່​ປັກ​ກິ່ງ, ທ່ານ​ໂຈ່​ວຈີ້ ລັດຖະມົນຕີ​ກະ​ຊວງ​ສຶກ​ສາ​ທິການ​ຈີນ​ເຜີຍ​ໃຫ້​ຮູ້​ວ່າ, ປີໜ້າ ​ໂຮງຮຽນ​ອາຊີວະ​ສຶກສາ​ຊັ້ນກາງຂອງ​ຈີນ​ຈະ​ສອບ​ເອົາ​ນັກ​ຮຽນ​ຫຼາຍ​ກວ່າ​ປີ​ນີ້ 1 ລ້ານ​ຄົນ.

ທ່ານ​ໂຈ່​ວຈີ້​ແມ່ນ​ກ່າວ​ຄວາມ​ດັ່ງກ່າວ​ໃນ​ເວລາ​ເຂົ້າຮ່ວມ​ກອງ​ປະຊຸມ​ວຽກ​ງານ​ອາຊີ​ວະ​ສຶກ​ສາ​ທົ່ວ​ປະ​ເທດ​ທີ່​ຈັດ​ຂຶ້ນຢູ່​ທີ່​ປັກ​ກິ່ງ​ໃນ​ມື້​ດຽວ​ກັນ. ທ່ານ​ແນະນຳ​ວ່າ, ການ​ອອກ​ແຮງ​ພັດ​ທະ​ນາ​ອາຊີວະ​ສຶກສາ, ​ໂດຍ​ສະ​ເພາະ​ແມ່ນ​ພັດທະນາ​ອາຊີວະ​ສຶກສາ​ຊັ້ນກາງ ຈະ​ແມ່ນ​ຈຸດ​ໜັກ​ຍຸດ​ທະ​ສາດ​ຂອງ​ວຽກ​ງານ​ການ​ສຶກສາ​ຂອງ​ຈີນ​ໃນ​ໄລຍະ​ຂ້າງ​ໜ້າ. ທ່ານ​ຍັງ​ກ່າວ​ວ່າ, ຈີນ​ຈະ​ພະ​ຍາ​ຍາມ​ຫຼາຍປີ, ຈະ​ຮັບ​ເອົາ​ນັກຮຽນ​ຂອງ​ໂຮ​ງຮຽນ​ອາຊີວະສຶກສາ​​ຊັ້ນ​ກາງ​ບັນ​ລຸ 8 ລ້ານ​ຄົນ​ຂຶ້ນ​ໄປຕໍ່​ປີ. ຕາມ​ຕົວ​ເລກ​ສະຖິຕິ, ປີ​ກາຍ​ນີ້ ອາຊີວະ​ສຶກສາ​ຊັ້ນ​ກາງ​ຂອງ​ຈີນ​ໄດ້​ຮັບ​ເອົາ​ນັກ​ຮຽນ 5 ລ້ານ​ 5 ​ແສນ​ຄົນ.

ຕາມ​ແນະ​ນຳ​ວ່າ, ປີໜ້າ ຈີນ​ຍັງ​ຈະ​ສ້າງ​ລະບອບ​ອຸປະຖຳ​ນັກຮຽນ​ຜູ່​ທຸກ​ຍາກ​ໃນ​ໂຮງຮຽນ​ອາ​ຊີ​ວະ​ສຶກສາ​ຊັ້ນກາງ.