|
|
 |
| (GMT+08:00)
2005-11-08 19:31:32
|
 |
|
ຫົວໜ້າຄະນະຜູ້ແທນຂອງສປປເກົາຫຼີ ສ.ເກົາຫຼີ ຍີ່ປຸ່ນແລະລັດເຊຍຕ່າງກ່າວວ່າຈະຊຸກຍູ້ການເຈລະຈາຈະໄດ້ຮັບຄວາມຄືບໜ້າ
cri
Author: zhangshuo
ຕາມຂ່າວCRI:ສອງມື້ມານີ້,ຫົວໜ້າຂອງຄະນະຜູ້ແທນສປປເກົາຫຼີ ສ.ເກົາຫຼີແລະລັດເຊຍທີ່ມາເຂົ້າຮ່ວມການເຈລະຈາຫົກຝ່າຍຮອບຫ້າກ່ຽວກັບບັນຫານິວເຄຼຍແຫຼມເກົາຫຼີຕ່າງກ່າວວ່າ,ຈະຕັ້ງໜ້າຊຸກຍູ້ການເຈລະຈາຫົກຝ່າຍຮອບຫ້າໃຫ້ຮັບຄວາມຄືບໜ້າ.
ວັນທີ8ພະຈິກ,ຢູ່ທີ່ພຽງຢາງ,ທ່ານກິມເກກວນ ຫົວໜ້າຄະນະຜູ້ແທນ ຮອງລັດຖະມົນຕີກະຊວງການຕ່າງປະເທດສປປເກົາຫຼີເວົ້າວ່າ,ສປປເກົາຫຼີທະນຸຖະໜອມຖະແຫຼງການຮ່ວມທີ່ຈໍ່ຕົວຂຶ້ນໃນການເຈລະຈາຫົກຝ່າຍຮອບທີ່ແລ້ວ,ແລະຍິນດີທຳຄວາມພະຍາຍາມຢ່າງຈິງໃຈໂດຍອີງຕາມຈິດໃຈຂອງເອກະສານຮ່ວມ.
ພາຍຫຼັງເດີນທາງມາຮອດປັກກິ່ງໃນວັນທີ7ພະຈິກ,ທ່ານຊົງມິນຊູນ ຫົວໜ້າຄະນະຜູ້ແທນ ຮອງລັດຖະມົນຕີກະຊວງການຕ່າງປະເທດແລະການຄ້າສ.ເກົາຫຼີກ່າວວ່າ,ເພື່ອປະຕິບັດຖະແຫຼງການຮ່ວມຂອງການເຈລະຈາຫົກຝ່ຍຮອບສີ່,ການເຈລະຈາຫົກຝ່າຍຮອບຫ້າຈະເຮັດວຽກລັກສະນະພື້ນຖານຈຳນວນໜຶ່ງ.
ໃນເວລາເດີນທາງມາຮອດປັກກິ່ງໃນຕອນເຊົ້າວັນທີ8ພະຈິກ,ທ່ານອາເລັກຊານເດີ ອາເລັກເຊເຢັຟ ຫົວໜ້າຄະນະຜູ້ແທນ ຮອງລັດຖະມົນຕີກະຊວງການຕ່າງປະເທດລັດເຊຍກ່າວວ່າ,ລັດເຊຍຈະຮ່ວມມືກັບສປປເກົາຫຼີ,ຍາດແຍ່ງເຮັດໃຫ້ການເຈລະຈາຮອບໃໝ່ຈະໄດ້ຮັບໝາກຜົນຕົວຈິງ.
ວັນທີ8ພະຈິກ,ພາຍຫຼັງໄດ້ນຳພາຄະນະຜູ້ແທນມາຮອດປັກກິ່ງແລ້ວ,ທ່ານເຄນີຊີໂລ ຊາຊາເອ ຫົວໜ້າຄະນະຜູ້ແທນ ຫົວໜ້າກົມອາຊີໂອຊີອານີກະຊວງການຕ່າງປະເທດຍີ່ປຸ່ນເວົ້າວ່າ,ຫວັງເຈລະຈາຢ່າງມີໄມຕີຈິດກັບຫ້າຝ່າຍອື່ນ,ເພື່ອເຮັດໃຫ້ການເຈລະຈາຫົກຝ່າຍຈະໄດ້ຮັບໝາກຜົນ.
ຕາມຊາບວ່າ,ຄະນະຜູ້ແທນອາເມລິກາທີ່ນຳໂດຍທ່ານກຼິສໂຕເຟີ ຮີວ ຜູ້ຊ່ອຍລັດຖະມົນຕີການຕ່າງປະເທດອາເມລິກາຈະເດີນທາງມາຮອດປັກກິ່ງໃນຕອນຄ່ຳວັນທີ8ພະຈິກ.
|
|
|
