|
ຜູ້ຊ່ຽວຊານເວົ້າວ່າ,ການສ້າງຕັ້ງລະບົບຕິດຕາມກວດກາທີ່ບັງເກີດຜົນແມ່ນຂອດສຳຄັນທີ່ເອົາຊະນະພະຍາດໄຂ້ຫວັດສັດປີກ
cri
Author: zhangshuo
ຕາມຂ່າວສານຊິນຮວາ:ວັນທີ8ພະຈິກ,ຜູ້ຊ່ຽວຊານທີ່ເຂົ້າຮ່ວມກອງປະຊຸມສາກົນກ່ຽວກັບພະຍາດໄຂ້ຫວັດສັດປີກຊີ້ອອກວ່າ,ທົ່ວໂລກຕ້ອງການສ້າງຕັ້ງລະບົບຕິດຕາມກວດກາທີ່ບັງເກີດຜົນມາສະກັດກັ້ນພະຍາດໄຂ້ຫວັດສັດປີກໃນສັດ,ປະຈຸບັນນີ້,ລະບົບຕິດຕາມກວດ ກາດັ່ງກ່າວພວມຖືກເສີມສ້າງຢ່າງວ່ອງໄວ.
ເຈົ້າໜ້າທີ່ສັດຕະວະແພດຂອງອົງການຟາວສະຫະປະຊາຊາດຊີ້ອອກວ່າ,ໃນບັນດາມາດຕະການກຳຈັດການຂົ່ມຂູ່ຂອງພະຍາດໄຂ້ຫວັດສັດປີກ,ວິທີສຳຄັນກວ່າໝູ່ແມ່ນຄວບຄຸມການແຜ່ລາມຂອງພະຍາດໄຂ້ຫວັດສັດປີກຢູ່ລະຫວ່າງສັດ.ນອກນີ້,ປ້ອງກັນບໍ່ໃຫ້ມະນຸດສຳຜັດເຊື້ອພະຍາດໄຂ້ຫວັດສັດປີກກໍແມ່ນວິທີສຳຄັນ.ແຕ່ປະຖົມປັດໄຈອັນສຳຄັນທີ່ປະຕິ ບັດສອງວິທີດັ່ງກ່າວແມ່ນຄົນທັງຫຼາຍຕ້ອງຮັບຮູ້ຂໍ້ມູນຂ່າວສານອັນຄັກແນ່ທີ່ພະຍາດໄຂ້ ຫວັດສັດປີກເກີດຂຶ້ນ.ສະນັ້ນ,ລະບົບຕິດຕາມກວດກາແມ່ນຂາດເຂີນບໍ່ໄດ້.
ອົງການອະນາໄມໂລກເຫັນວ່າ,ລະບົບຕິດຕາມກວດກາແລະເຕືອນໄພກ່ຽວກັບພະຍາດສັດແລະໄຂ້ຫວັດຂອງມະນຸດພວມຮັບການບູລະນະໃຫ້ສົມບູນຢ່າງບໍ່ຢຸດຢັ້ງ.ແຜນປະຕິ ບັດງານທົ່ວໂລກທີ່ຕ້ານພະຍາດໄຂ້ຫວັດສັດປີກທີ່ກອງປະຊຸມເທື່ອນີ້ພວມສ້າງນັ້ນໄດ້ຖືການເພີ່ມທະວີລະບົບຕິດຕາມກວດກາແລະເຕືອນໄພເປັນເນື້ອໃນວຽກງານທີ່ສຳຄັນລາຍໜຶ່ງ.
|
|
