|
|
 |
| (GMT+08:00)
2005-11-09 21:14:16
|
 |
|
ຝ່າຍຈີນກ່າວວ່າ ຈະສືບຕໍ່ປະກອບສ່ວນເຂົ້າໃນການເຈລະຈາ 6 ຝ່າຍໃຫ້ດຳເນີນໄປຢ່າງສະດວກ
cri
Author: da
ຕາມຂ່າວCRI: ວັນທີ 9 ພະຈິກ ຢູ່ປັກກິ່ງ ທ່ານຊິນກ່າງ ໂຄສົກຖະແຫຼງຂ່າວຂອງຄະນະຜູ່ແທນຈີນທີ່ເຂົ້າຮ່ວມການເຈລະຈາ 6 ຝ່າຍຮອບ 5 ກ່ຽວກັບບັນຫານິວເຄຼຍແຫຼມເກົາຫຼີໄດ້ກ່າວວ່າ,ໃນຖານເປັນເຈົ້າພາບ ຝ່າຍຈີນຍັງຈະສືບຕໍ່ປະກອບສ່ວນເຂົ້າໃນການເຈລະຈາໃຫ້ດຳເນີນໄປຢ່າງສະດວກ.
ໃນງານຖະແຫຼງຂ່າວ ທ່ານຊິນກ່າງເວົ້າວ່າ,ຝ່າຍຈີນຈະສືບຕໍ່ສະໜອງການບໍລິການແລະສະພາບແວດລ້ອມທີ່ດີແກ່ການຈັດການເຈລະຈາຢ່າງສະດວກ,ທັງຈະປະສານສົມທົບແລະແລກປ່ຽນຫຼັກໝັ້ນຂອງບັນດາຝ່າຍດີກວ່າເກົ່າ. ຝ່າຍຈີນຫວັງໃຫ້ບັນດາຝ່າຍມອງເຫັນໃນທາງມະຫາພາກ,ພ້ອມກັນຊຸກຍູ້ຕະຫຼອດຂະບວນການເຈລະຈາ 6 ຝ່າຍດ້ວຍທ່າທີຕັ້ງໜ້າ ຮັບຜິດຊອບ ຄ່ອງແຄ້ວແລະຕິດແທດຕົວຈິງ,ແລະປະສານງານເປັນເອກະພາບກັນ ຫຼຸດຄວາມເຫັນແຕກຕ່າງກັນໃຫ້ໜ້ອຍລົງ.
ທ່ານຊິນກ່າງຍັງເວົ້າວ່າ,ກອງປະຊຸມໃນມື້ດຽວກັນມີຜົນດີຕໍ່ການຊ່ອຍບັນດາຝ່າຍເພີ່ມຄວາມເຂົ້າໃຈກັນຕື່ມອີກ,ກອງປະຊຸມມີປັນຍາກາດທີ່ຕິດແທດຕົວຈິງແລະເຫັນໄປໃນທາງໜ້າ.
ຕາມແນະນຳວ່າ,ເລີ່ມແຕ່ວັນທີ 8 ພະຈິກເປັນຕົ້ນມາ,ບັນດາຝ່າຍທີ່ກ່ຽວຂ້ອງໄດ້ປຶກສາຫາລືກັນ 16 ເທື່ອ,ໃນນັ້ນ ມີ 9 ເທື່ອແມ່ນຝ່າຍຈີນຫາລືກັບຝ່າຍອື່ນ. ວັນທີ 10 ພະຈິກຍັງຈະຈັດກອງປະຊຸມຫົວໜ້າຄະນະແລະການປຶກສາຫາລືສອງຕໍ່ສອງ.
|
|
|
