|
|
 |
| (GMT+08:00)
2005-11-10 14:53:09
|
 |
|
ຄວາມຊີນເຄີຍດ້ານອາຫານການກິນທີ່ບໍ່ດີ 9 ຢ່າງ(ພາກຕົ້ນ)
cri
Author: li
 ຕົວເລກສະຖິຕິຫຼ້າສຸດທີ່ກະຊວງສາທາລະນະສຸກຈີນປະກາດນັ້ນບອກໃຫ້ພວກເຮົາຮູ້ວ່າ,ໃນທົ່ວປະເທດຈີນ, ມີຜູ້ເຕັມກະສຽນອາຍຸ 160 ລ້ານຄົນ ໄຂມັນເລືອດຜິດປົກກະຕິ,ເປັນເລືອດດັນສູງ, 20 ກວ່າລ້ານຄົນເປັນໂຣກເບົາຫວານ; ໃນຕົວເມືອງໃຫຍ່ ຜູ້ໃຫຍ່ແຕ່ລະ 100 ຄົນໃດ,ກໍມີ 30 ຄົນເກີນນ້ຳໜັກ,12,3 ຄົນຕຸ້ຍເກີນໄປ,ອັດຕາຄົນຕຸ້ຍສູງກວ່າ 1992 97%. ມູນເຫດສ່ວນຫຼາຍແມ່ນຍ້ອນການກິນອາຫານ. ດັ່ງນັ້ນ ພວກເຮົາຈະສະເໜີຄວາມຊີນເຄີຍດ້ານອາຫານການກິນທີ່ບໍ່ດີ 9 ຢ່າງໂດຍແບ່ງເປັນສອງພາກ.
ຄວາມຊິນເຄີຍທີ່ບໍ່ດີທີໜຶ່ງແມ່ນບໍ່ກິນອາຫານເຊົ້າ.
ໄພຮ້າຍຂອງການບໍ່ກິນອາຫານເຊົ້າແມ່ນມັນເປັນໂທດຕໍ່ກະເພາະອາຫານຢ່າງໜັກໜ່ວງ,ເຮັດໃຫ້ທ່ານບໍ່ສາມາດເຮັດວຽກຢ່າງມີກຳລັງວັງຊາເຕັມປ່ຽມ,ແລະເຮັດໃຫ້ເຖົ້າໄວ.
ຜູ້ຄົ້ນຄວ້າຂອງມະຫາວິທະຍາໄລແຫ່ງໜຶ່ງຂອງເຢຍລະມັນໄດ້ຕິດຕາມຍິງຊາຍ 7 ພັນຄົນເປັນເວລາດົນນານແລ້ວປະກົດເຫັນວ່າ,ຜູ້ທີ່ບໍ່ກິນອາຫານເຊົ້າກວມ 40%,ອາຍຸຂອງພວກເຂົາເຈົ້າຈະສັ້ນກວ່າຄົນອີກ 60%2 ປີເຄິ່ງສະເລ່ຍຕໍ່ຫົວຄົນ. ສ່ວນມະຫາວິທະຍາໄລອີກແຫ່ງໜຶ່ງໄດ້ຄົ້ນຄວ້າຜູ້ເຖົ້າອາຍຸ 80 ຮອດ 90 ປີແລ້ວປະກົດເຫັນວ່າ,ຈຸດຮ່ວມໜຶ່ງຂອງຜູ້ເຖົ້າທີ່ອາຍຸຍືນແມ່ນ: ກິນອາຫານເຊົ້າທີ່ມີທາດບຳລຸງຊູ່ມື້.
ອາຫານເຊົ້າຄວນແຊບ,ມີປະລິມານພຽງພໍແລະມີຄຸນນະພາບຂ້ອນຂ້າງດີ,ບໍລິມາດໜ້ອຍ,ແຕ່ກາໂລລີສູງ,ແຕ່ງງ່າຍປະຢັດເວລາ.
ດັ່ງທີ່ພວກເຮົາຮູ້ວ່າ,ອາຫານຕ່າງກັນເວລາຄ້າງຢູ່ໃນກະເພາະກໍບໍ່ຄືກັນ,ປະຕິກິລິຍາຂອງທາດນ້ຳຕານໃນເລືອດກໍຕ່າງກັນ. ທຳມະດາແລ້ວ,ອາຫານແຫ້ງກັບອາຫານແຫຼວປະສົມກັນສາມາດຄ້າງຢູ່ໃນກະເພາະໄດ້ 4-5 ຊົ່ວໂມງ,ສ່ວນອາຫານທາດແຫຼວຍ້ອນວ່າມັນຫຼາຍ,ຫາກໍ່ກິນຮູ້ສຶກຄືອິ່ມຫຼາຍ,ແຕ່ຍ້ອນເວລາຄ້າງຢູ່ໃນກະເພາະສັ້ນຫຼາຍ,ທາດບຳລຸງໃນຫັ້ນຍັງບໍ່ທັນຍ່ອຍເທື່ອກໍຖືກລະບາຍອອກໄປເລີຍ,ລະດັບທາດນ້ຳຕານໃນເລືອດທີ່ສູງຂຶ້ນນັ້ນກໍໄດ້ຕ່ຳລົງຢ່າງວ່ອງໄວ,ຮັກສາໄວ້ບໍ່ດົນ. ສະນັ້ນ,ໃນເວລາເລືອກກິນອາຫານນັ້ນຕ້ອງເລືອກເອົາອາຫານແນວແຫ້ງກັບແນວແຫຼວປະສົມກັນ,ທັງມີອາຫານຄາວທັງມີອາຫານຜັກ.
ຄວາມຊິນເຄີຍທີ່ບໍ່ດີຢ່າງທີສອງແມ່ນກິນອາຫານຄ່ຳຫຼາຍໂພດ.
ປະລິມານແອງສຸລິນໃນເລືອດໃນຕອນຫົວຄ່ຳແມ່ນສູງທີ່ສຸດໃນມື້ໜຶ່ງ,ແອງສຸລິນສາມາດເຮັດໃຫ້ທາດນ້ຳຕານໃນເລືອດກາຍເປັນໄຂມັນແລ້ວຕິດຢູ່ຕາມຝາສາຍເລືອດແລະຝາທ້ອງ,ຖ້າອາຫານຄ່ຳກິນຫຼາຍດົນແລ້ວ,ຄົນກໍຈະຕຸ້ຍຂຶ້ນ. ພ້ອມກັນນັ້ນ ທຳມະດາແລ້ວ ອາຫານຄ່ຳກິນຫຼາຍກໍຈະຕ້ອງໃຊ້ເວລາດົນນານ,ຍັງຈະທຳລາຍໂມງຊີວະຊາດອັນເປັນປົກກະຕິໃນໂຕຄົນ,ມັກເຮັດໃຫ້ນອນບໍ່ຫຼັບ.
ເວົ້າສຳລັບຜູ້ທີ່ເຂົ້າການແລ້ວ,ອາຫານຄ່ຳເກືອບຈະເປັນອາຫານທາງການໃນມື້ໜຶ່ງ. ກິນອາຫານເຊົ້າຟ້າວໄປການ,ກິນອາຫານທ່ຽງມີວຽກຄາມື,ມີແຕ່ຮອດຄ່ຳທໍ່ນັ້ນຈຶ່ງມີເວລານັ່ງກິນຢູ່ຂ້າງໂຕະຢ່າງບໍ່ເປັນຫ່ວງນຳຫຍັງ,ກິນ ຢ່າງແຊບໆ.
ຄັນຊັ້ນ,ອາຫານຄ່ຳຄວນກິນແນວໃດຈຶ່ງດີ? ໜຶ່ງ,ກິນອາຫານຄ່ຳຢ່າກິນຄ່ຳຫຼາຍ,ເຮັດແບບນີ້ສາມາດຫຼຸດອັດຕາເປັນພະຍາດຫຼອດປັດສາວະເປັນໜີ້ວໄດ້. ສອງ,ອາຫານຄ່ຳຄວນກິນຜັກສົດໃຫ້ຫຼາຍແດ່,ອາຫານທີ່ມີໂປຼຕິນແລະໄຂມັນຫຼາຍນັ້ນໃຫ້ພະຍາຍາມກິນໜ້ອຍ. ສາມ,ອາຫານຄ່ຳຢ່າກິນອິ່ມຫຼາຍ. ທຳມະດາແລ້ວ,ກາໂລລີຂອງອາຫານຄ່ຳບໍ່ໃຫ້ເກີນ 30% ຂອງຍອດປະລິມານກາໂລລີຂອງອາຫານໝົດມື້.
ຄວາມຊີນເຄີຍທີ່ບໍ່ດີອັນທີສາມແມ່ນມັກກິນກາເຟ. ມັກກິນກາເຟຫຼາຍມີຜົນຮ້າຍສອງຢ່າງຄືໜຶ່ງ,ເຮັດໃຫ້ອັດຕາຖືພາຕ່ຳລົງ. ຖ້າຄົນເຮົາກິນກາເຟມື້ລະຈອກ,ອັດຕາຖືພາກໍອາດຈະຕ່ຳລົງ 50%. ສອງແມ່ນພາໃຫ້ເປັນໂຣກຫົວໃຈ. ໃນກາເຟມີກາເຟອິນທີ່ມີຄວາມຂຸ້ນສູງ,ສາມາດປ່ຽນແປງສັບພະຄຸນຂອງໝາກຫົວໃຈແລະເຮັດໃຫ້ໂກເລສະເຕລອນໃນສາຍເລືອດສູງຂຶ້ນ; ການຄົ້ນຄວ້າຂອງນັກແພດສາດອາເມລິກາປະກົດເຫັນວ່າ,ຄົນຜູ້ໜຶ່ງຖ້າກິນກາເຟມື້ລະ 5 ຈອກຫຼືຫຼາຍກວ່ານີ້,ອັດຕາເປັນພະຍາດໝາກຫົວໃຈຈະສູງກວ່າຜູ້ທີ່ບໍ່ກິນກາເຟສອງເທົ່າ,ຜູ້ຕິດກາເຟແຮ່ງດົນ,ແຮ່ງກິນຫຼາຍ,ກໍແຮ່ງຈະເປັນໂຣກຫົວໃຈ. ຜົນການສຳຫຼວດຜູ້ທີ່ເປັນຫົວໃຈວາຍຄັ້ງທຳອິດອາຍຸແຕ່ 45 ປີຮອດ 69 ປີ 858 ຄົນກັບຈຳນວນຄົນທໍ່ກັນທີ່ບໍ່ເຄີຍເປັນໂຣກຫົວໃຈວາຍຈັກເທື່ອໄດ້ຢັ້ງຢືນໃຫ້ເຫັນວ່າ,ຄວາມອັນຕະລາຍຂອງຜູ້ທີ່ກິນກາເຟມື້ລະ 5 ຈອກຂຶ້ນໄປນັ້ນໄດ້ເພີ່ມຂຶ້ນ 70%.
ຄວາມຊີນເຄີຍທີ່ບໍ່ດີຢ່າງທີ 4 ແມ່ນກິນນ້ຳໜ້ອຍ,ຈະພາໃຫ້ສະໝອງເຖົ້າ; ພາໃຫ້ເປັນພະຍາດສາຍເລືອດສະໝອງແລະພະຍາດສາຍເລືອດຫົວໃຈ,ກະທົບກະເທືອນເຖິງສັບພະຄຸນຂັບຖ່າຍຂອງໝາກໄຂ່ຫຼັງ.
ໃນໝູ່ຜູ້ນັ່ງເຮັດວຽກຢູ່ຫ້ອງການ,ຍ້ອນວ່າໃຈຕ້ອມຫຼາຍຈົນລືມກິນນ້ຳ,ເຮັດໃຫ້ນ້ຳໃນຮ່າງກາຍບໍ່ພຽງພໍ. ເມື່ອນ້ຳໃນຮ່າງກາຍຫຼຸດລົງແລ້ວ,ເລືອດຈະເຂັ້ມຂຸ້ນຂຶ້ນ,ມັກຈະພາໃຫ້ເປັນເສັ້ນເລືອດຕັນ,ແລ້ວພາໃຫ້ເປັນພະຍາດສາຍເລືອດສະໝອງແລະສາຍເລືອດຫົວໃຈ,ຍັງຈະກະທົບກະເທືອນເຖິງສັບພະຄຸນຂັບຖ່າຍຂອງໝາກໄຂ່ຫຼັງ.
ດື່ມນ້ຳໃຫ້ຫຼາຍ,ເຂົ້າຫ້ອງນ້ຳເລື້ອຍໆ,ແຕ່ຕ້ອງລະວັງວ່າ,ຜູ້ທີ່ສັບພະຄຸນຂັບຖ່າຍຂອງໄສ້ແກ່ບໍ່ດີນັ້ນ,ດີທີ່ສຸດ,ຮູ້ສຶກຢາກນ້ຳແລ້ວຈຶ່ງກິນນ້ຳ,ເພື່ອຫຼີກເວັ້ນບໍ່ໃຫ້ການຂັບຖ່າຍນ້ຳໃນຮ່າງກາຍສົນລະວົນຕື່ມອີກ.
|
|
|
