ຕາມ​ຂ່າວ​ຈາກ​ໜັງສືພິມ​ກວາງຊີ​ຢື້​ປ້າວ: ວັນ​ທີ 9 ພະຈິກ, ກອງ​ປະຊຸມ​ສຳ​ມະ​ນາມາດ​ຖານ​ລະ​ຫວ່າງ​ຈີນ​ອາຊຽນທີ່ຊື່ວ່າ "ຫວັງ​ພ້ອມ​ກັບ 10 ປະ​ເທດ​ອາຊຽນສະ​ແຫວ​ງຫາ​ການ​ຮ່ວມ​ມື​ແລະ​ສະ​ໜັບ​ສະໜູນ​ເຊິ່ງກັນ​ແລະ​ກັນ​ໃນ​ດ້ານ​ມາດຖານ​ເຕັກນິກ​ ໄດ້​ໄຂ​ຂຶ້ນຢູ່​ເມືອງ​ໜານ​ໜິງ​. ນີ້​ແມ່ນ​ກອງ​ປະຊຸມ​ລະດັບ​ສູງ​ທີ່​ຈີນ​ປຶກສາ​ຫາລື​ກັບບັນດາ​ປະ​ເທດ​ອາຊ​ຽນ​ເປັນ​ຄັ້ງ​ທຳ​ອິດ​ໃນ​ດ້ານ​ມາດຖານ​ເຕັກນິກ. ຢູ່ລະຫວ່າງ​ສອງ​ຝ່າຍ​ເຄີຍ​ມີ​ຄວາມ​ຂັດ​ແຍ່ງ​ກັນ​ດ້ານ​ການ​ຄ້າ​ກ່ຽວ​ກັບ​ອະ​ນາ​ໄມ​ອາ​ຫານ​ແລະ​ຄວາມ​ປອດ​ໄພ​ເຄື່ອງ​ໄຟຟ້າເປັນ​ຕົ້ນ​ທີ່​ເກີດ​ຂຶ້ນໃນແຕ່​ກ່ອນ​ມີ​ຫວັງ​ຈະ​ໄດ້​ຮັບ​ການ​ແກ້ໄຂໃຫ້ຕົກ.

ກອງປະຊຸມສຳມະນາເທື່ອນີ້ດຳເນີນເປັນເວລາ 2 ມື້, ເນື້ອໃນກອງປະຊຸມມີດັ່ງນີ້: ແນະ​ນຳ​ອົງ​ການມາດຖານເຕັກນິກແລະສະພາບການພັດທະນາຂອງບັນດາ​ປະ​ເທດ; ​ເຮັດ​ແນວ​ໃດ​ເພີ່ມ​ທະວີ​ການ​ຮ່ວມ​ມື​ແລະ​ສະໜັບສະໜູນ​ເຊິ່ງກັນ​ແລະ​ກັນ​ລະ​ຫວ່າງ​ບັນດາ​ປະ​ເທດ​ໃນ​ດ້ານ​ມາດຖານ​ເຕັກນິກ, ​ເພື່ອ​ຊຸກ​ຍູ້​ການ​ຄ້າ​ລະຫວ່າງ​ສອງ​ຝ່າຍ​ໃຫ້​ພັດ​ທະ​ນາ​ຢ່າງ​ປອດ​ໃສ. ຜູ່​ຊ່ຽວ​ຊານ​ຂອງ 10 ປະ​ເທດ​ອາຊຽນ ອາ​ເມ​ລິ​ກາ​ແລະ​ຍີ່ປຸ່ນ ພ້ອມ​ຜູ່​ຊ່ຽວຊານ​ຂອງ​ພາກ​ສ່ວນ​ທີ່​ກ່ຽວຂ້ອງ ນະ​ຄອນ​ຊຽງ​ໄຮ້ ​ແຂວງ​ກວາງຕຸ້ງ​ແລະ​ເຂດ​ກວາງຊີ ແລະ​ນັກ​ທຸ​ລະ​ກິດ​ທີ່​ມີ​ຊື່ສຽງ​​ຂອງ​ຈີນໄດ້​ເຂົ້າ​ຮ່ວມ​ກອງ​ປະຊຸມ.