|
ຝ່າຍຈີນຫວັງໃຫ້ບັນດາຝ່າຍທີ່ເຂົ້າຮ່ວມການເຈລະຈາ 6 ຝ່າຍກ້າວເຖິງຂັ້ນມີແຜນການທີ່ມີຜົນແລະສິດປະໂຫຍດສະໝ່ຳສະເໝີກັນແລະຮັບຮອງພ້ອມກັນໄດ້ ກ່ຽວກັບການຈັດຕັ້ງປະຕິບັດ"ຖະແຫຼງການຮ່ວມ"
cri
Author: da
ຕາມຂ່າວ cri: ວັນທີ 10 ພະຈິກ ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນເວົ້າວ່າ,ຝ່າຍຈີນຫວັງໃຫ້ບັນດາຝ່າຍທີ່ເຂົ້າຮ່ວມການເຈລະຈາ 6 ຝ່າຍກ້າວເຖິງຂັ້ນມີແຜນການທີ່ມີຜົນແລະສິດປະໂຫຍດສະໝ່ຳສະເໝີກັນແລະຮັບຮອງພ້ອມກັນໄດ້ ກ່ຽວກັບການຈັດຕັ້ງປະຕິບັດ"ຖະແຫຼງການຮ່ວມ".
ທ່ານລິວຈ້ຽນຊາວແນະນຳວ່າ,ການເຈລະຈາ 6 ຝ່າຍຮອບ 5 ໄດ້ຈັດກອງປະຊຸມຄົບຄະນະອີກເທື່ອໜຶ່ງໃນມື້ດຽວກັນ,ບັນດາຝ່າຍສືບຕໍ່ຫາລືກັນຢ່າງເລິກເຊິ່ງກ່ຽວກັບການຈັດຕັ້ງປະຕິບັດຖະແຫຼງການຮ່ວມແນວໃດ,ປັນຍາກາດຕິດແທດຕົວຈິງແລະຕັ້ງໜ້າ,ບັນດາຝ່າຍລ້ວນແຕ່ໄດ້ສະເໜີຂໍ້ສະເໜີທີ່ມີລັກສະນະສ້າງສັນແລະບັນຫາທີ່ໜ້າລົງເລິກຄົ້ນຄວ້າ. ຕອນບ່າຍມື້ດຽວກັນ,ບັນດາຝ່າຍຍັງຈັດການຕິດຕໍ່ພົວພັນກັນລະຫວ່າງສອງຕໍ່ສອງຫຼາຍຄັ້ງ,ກອງປະຊຸມຈະດຳເນີນຕໍ່ໄປໃນມື້ອື່ນ. ຝ່າຍຈີນຫວັງໃຫ້ບັນດາຝ່າຍຈົ່ງສືບຕໍ່ເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນແລະກັນ,ລົບລ້າງຄວາມລະແວງສົງໄສ,ຊຸກຍູ້ຂະບວນວິວັດເຈລະຈາ 6 ຝ່າຍຈະມີຄວາມຄືບໜ້າຢ່າງບໍ່ຢຸດຢັ້ງ.
ທ່ານກ່າວເນັ້ນວ່າ,ໃນຖານເປັນຝ່າຍປະທານແລະຝ່າຍເຂົ້າຮ່ວມການເຈລະຈາ,ຝ່າຍຈີນມີທັດສະນະແລະເຈດຈຳນົງຂອງຕົນກ່ຽວກັບການຈັດຕັ້ງປະຕິບັດຖະແຫຼງການຮ່ວມແນວໃດ,ພ້ອມກັນນັ້ນ ຝ່າຍຈີນຍັງຈະສະຫຼຸບແລະຮຽບຮຽງຢ່າງເຕັມທີ່ກ່ຽວກັບເນື້ອໃນອັນຕັ້ງໜ້າ ມີຜົນດີແລະບັນດາຝ່າຍຮັບຮອງເອົາໄດ້ໃນຂໍ້ສະເໜີຂອງບັນດາຝ່າຍ,ຊຸກຍູ້ການເຈລະຈາຮອບນີ້ກ້າວເຖິງຂັ້ນມີຄວາມຮັບຮູ້ຄືກັນໃນລະດັບໃດໜຶ່ງ.
|
|
