|
ຕາມຂ່າວສານຊິນຮວາ:ວັນທີ8 ພະຈິກ,ໃນເວລາໃຫ້ສຳພາດຂອງນັກຂ່າວຈີນ,ຍີ່ປຸ່ນແລະສເກົາຫລີ,ທ່ານບຸສ ປະທານາທິບໍດີອາເມລິກາກ່າວວ່າ,ການພົວພັນລະຫວ່າງອາເມລິກາຈີນແມ່ນ"ສຳຄັນ"ແລະ"ດີງາມ",ທ່ານຄອງຄ່ອຍການຢ້ຽມຢາມຈີນ.
ທ່ານບຸສກ່າວວ່າ,ການຄ້າລະຫວ່າງປະເທດທັງສອງຈີນອາເມລິກາພວມພັດທະນາ,ການສົນທະນາແລະການຮ່ວມມືລະຫວ່າງສອງຝ່າຍພວມເພີ່ມທະວີ;ພ້ອມກັນນັ້ນ,ສອງຝ່າຍຍັງມີວຽກງານຫລວງຫລາຍໃນດ້ານການຮັກສາສິດຊັບສິນທາງປັນຍາ,ອັດຕາແລກປ່ຽນເງິນຢວນຈີນແລະການອະນຸມັດເຂົ້າຕະຫລາດເປັນຕົ້ນ.ທ່ານກ່າວວ່າ,ການພົວພັນລະຫວ່າງປະເທດທັງສອງແມ່ນສຳຄັນແລະສັບສົນ,"ຂ້າພະເຈົ້າຄອງຄ່ອຍພົບປະທ່ານຮູຈີນທ່າວອີກເທື່ອຫນຶ່ງ,ປຶກສາຫາລືບັນຫາສຳຄັນທີ່ສຸດເຫຼົ່ານີ້".
ທ່ານບຸສກ່າວວ່າ,ນະໂຍບາຍຂອງອາເມລິກາໃນບັນຫາໄຕ້ຫວັນແມ່ນສະເຫມີຕົ້ນສະເຫມີປາຍ,ກໍ່ແມ່ນຍຶດຫມັ້ນຈີນດຽວ,ເຄົາລົບປະກາດແຈ້ງການຮ່ວມຈີນອາເມລິກາສາມສະບັບ,ບໍ່ສະຫນັບສະຫນູນ"ໄຕ້ຫວັນເປັນເອກະລາດ".
|
