|
|
 |
| (GMT+08:00)
2005-11-12 17:51:52
|
 |
|
ຝ່າຍສປປເກົາຫຼີເວົ້າວ່າການເຈລະຈາ6ຝ່າຍຮອບ5ໄດ້ຢ່ວງບາດກ້າວທຳອິດຂອງການປະຕິບັດຖະແຫຼງການຮ່ວມ
cri
Author: li
ຕາມຂ່າວສານຊິນຮວາ: ວັນທີ 12 ພະຈິກ ຢູ່ພຽງຢາງ ທ່ານກິມເກກວນ ຫົວໜ້າຄະນະຜູ້ແທນສປປເກົາຫຼີຂອງການເຈລະຈາ 6 ຝ່າຍ,ຮອງລັດຖະມົນຕີກະຊວງການຕ່າງປະເທດສປປເກົາຫຼີເວົ້າວ່າ,ການເຈລະຈາໄລຍະທີໜຶ່ງຂອງການເຈລະຈາ 6 ຝ່າຍຮອບ 5 ທີ່ຫາກໍ່ສິ້ນສຸດລົງໄດ້ຈັດຂຶ້ນຢ່າງສຳເລັດຜົນ,ບັນດາຝ່າຍທີ່ຮ່ວມປະຊຸມໄດ້ຢ່ວງບາດກ້າວທຳອິດໄປສູ່ທິດແຫ່ງການປະຕິບັດນ້ຳໃຈຖະແຫຼງການຮ່ວມ.
ວັນທີ 12 ພະຈິກ ທ່ານກິມເກກວນໄດ້ນຳພາສະມາຊິກສ່ວນໜຶ່ງຂອງຄະນະຜູ້ແທນສປປເກົາຫຼີຂີ່ຍົນກັບຄືນຮອດພຽງຢາງ,ຢູ່ທີ່ເດີ່ນຍົນ ທ່ານໄດ້ໃຫ້ສຳພາດຕໍ່ນັກຂ່າວຈີນວ່າ,ການເຈລະຈາໄລຍະທີໜຶ່ງຂອງການເຈລະຈາ 6 ຝ່າຍຮອບ 5 ເຖິງວ່າມີແຕ່ສອງມື້ປາຍອັນສັ້ນໆກໍຕາມ,ແຕ່ສຳເລັດຜົນທີ່ສຸດ,ໄດ້ຮັບໝາກຜົນອັນແນ່ນອນ. ບັນດາຝ່າຍທີ່ຮ່ວມປະຊຸມໄດ້ຢືນຢັນອີກເທື່ອໜຶ່ງຕໍ່ເຈຕະນາລົມທີ່ວ່າ"ຄຳໝັ້ນສັນຍາຕໍ່ຄຳໝັ້ນສັນຍາ,ການເຄື່ອນໄຫວຕໍ່ການເຄື່ອນໄຫວ"ແລະປະຕິບັດໂດຍແບ່ງເປັນຂັ້ນຕອນ. ເຫັນດີໃຊ້ບາດກ້າວຮ່ວມມາປະຕິບັດຄວາມຮັບຮູ້ຄືກັນທີ່ຕົກລົງກັນ.
ທ່ານກິມເກກວນກ່າວວ່າ,ສປປເກົາຫຼີມີຄວາມຈິງໃຈປະຕິບັດຕາມຈິດໃຈຂອງຖະແຫຼງການຮ່ວມ,ແລະໄດ້ກຽມພ້ອມເພື່ອເລື່ອງນີ້ແລ້ວ.
|
|
|
