|
ການຢ້ຽມຢາມອັງກິດ,ເຢຍລະມັນແລະແອັສປາຍຂອງທ່ານຫູຈິນທາວໄດ້ຮັບຜົນສຳເລັດ
cri
CRIລາຍງານວ່າ,ແຕ່ວັນທີ8ຫາວັນທີ15ພະຈິກ,ທ່ານຫູຈິນທາວ ປະທານປະເທດຈີນໄດ້ຢ້ຽມຢາມອັງກິດ,ເຢຍລະມັນແລະແອັສປາຍທາງລັດຖະກິດຕາມຄຳເຊີນ.ນີ້ແມ່ນການເຄື່ອນໄຫວທາງການທູດທີ່ສຳຄັນຂອງຜູ່ນຳສູງສຸດແຫ່ງລັດຈີນຢູ່ພາກພື້ນເອີລົບໃຕ້ສະຖານະການສະເພາະໜ້ານີ້.ໃນເວລາໃຫ້ສຳພາດຕໍ່ນັກຂ່າວ,ທ່ານຈ້າວຈຸ່ນ ຫົວໜ້າກົມເອີລົບກະຊວງການຕ່າງປະເທດຈີນທີ່ຕິດຕາມທ່ານຫູຈິນທາວໄປຢ້ຽມຢາມນັ້ນກ່າວວ່າ,ການຢ້ຽມຢາມເອີລົບຂອງທ່ານຫູຈິນທາວເທື່ອນີ້ໄດ້ບັນລຸເປົ້າໝາຍທີ່ຄາດໄວ້ລ່ວງໜ້າ,ແລະໄດ້ຮັບຜົນສຳເລັດອັນເຕັມເມັດເຕັມໜ່ວຍ.
ເມື່ອກ່າວເຖິງໝາກຜົນຂອງການຢ້ຽມຢາມເອີລົບເທື່ອນີ້,ທ່ານຈ້າວຈຸ່ນ ຫົວໜ້າກົມເອີລົບກະຊວງການຕ່າງປະເທດຈີນກ່າວວ່າ
"ການຢ້ຽມຢາມເທື່ອນີ້ໄດ້ປັບປຸງແລະລົງເລິກການພົວພັນການເມືອງສອງຕໍ່ສອງ,ຊຸກຍູ້ການຮ່ວມມືຢ່າງຕິດແທດຕົວຈິງໃນຂົງເຂດເສດຖະກິດການຄ້າເປັນຕົ້ນ,ພ້ອມທັງໄດ້ປັບປຸງພື້ນຖານແຫ່ງການຮ່ວມມືດ້ວຍໄມຕີຈິດລະຫວ່າງສອງຝ່າຍໃຫ້ໝັ້ນຄົງ,ກຳນົດທິດຂະຫຍາຍການພົວພັນສອງຝ່າຍໃນພາຍໜ້າ,ໄດ້ຊຸກຍູ້ການພັດທະນາການພົວພັນຄູ່ຂາຍຸດທະສາດຮອບດ້ານລະຫວ່າງຈີນກັບສາມປະເທດດັ່ງກ່າວກໍຄືທົ່ວສະຫະພາບເອີລົບ.ໃນໄລຍະຢ້ຽມຢາມ,ຈີນກັບສາມປະເທດດັ່ງກ່າວໄດ້ເຊັນສັນຍາຮ່ວມມືຫຼືຂໍ້ຜູກພັນໂຄງການທີ່ສຳຄັນຈຳນວນໜຶ່ງ.ການຢ້ຽມຢາມໄດ້ບັນລຸເປົ້າໝາຍທີ່ຄາດໄວ້ລ່ວງໜ້າ,ແລະໄດ້ຮັບຜົນສຳເລັດອັນເຕັມເມັດໜ່ວຍ."
ການຂະຫຍາຍການພົວພັນກັບສະຫະພາບເອີລົບແລະປະເທດເອີລົບແມ່ນພາກສ່ວນປະກອບສຳຄັນຂອງນະໂຍບາຍການຕ່າງປະເທດຂອງຈີນ.ຈຸດປະສົງຂອງ ທ່ານຫູຈິນທາວຢ້ຽມຢາມເອີລົບເທື່ອນີ້ກໍແມ່ນເພື່ອຊຸກຍູ້ການພົວພັນຈີນເອີລົບຂະຫຍາຍຕົວຕື່ມອີກ.ທ່ານຈ້າວຈຸ່ນກ່າວວ່າ:
"ການຢ້ຽມຢາມອັງກິດ,ເຢຍລະມັນແລະແອັສປາຍຢ່າງສຳເລັດຜົນຂອງທ່ານຫູຈິນທາວໄດ້ສະແດງໃຫ້ເຫັນວ່າ,ການພົວພັນລະຫວ່າງຈີນເອີລົບໄດ້ຜ່ານການທົດສອບຂອງເວລາແລະການປ່ຽນແປງຂອງສະຖານະການສາກົນ,ໄດ້ກ້າວເຂົ້າສູ່ໄລຍະພັດທະນາຢ່າງໝັ້ນທ່ຽງ.ປັດຈຸບັນ,ຜູ່ນຳຊັ້ນສູງຂອງສອງຝ່າຍໄດ້ຕິດຕໍ່ພົວພັນກັນຢ່າງເນື່ອງນິດ,ສົນທະນາແລະປຶກສາຫາລືຢ່າງສະໜິດແໜ້ນ,ການພົວພັນເສດຖະກິດການຄ້າໄດ້ຂະຫຍາຍຕົວຢ່າງບໍ່ຢຸດຢັ້ງ,ແລະບຸກຄະລາກອນໄປມາຫາສູ່ກັນຫຼາຍຂຶ້ນ,ພື້ນຖານມະຕິຊົນໄດ້ໜາແໜ້ນຕື່ມອີກ,ການຮ່ວມມືທີ່ຕິດແທດຕົວຈິງໃນຂົງເຂດຕ່າງໆໄດ້ຮັບການຊຸກຍູ້ຢ່າງຮອບດ້ານ,ແລະໄດ້ມີການຮ່ວມມືເປັນຢ່າງດີໃນບັນຫາສາກົນແລະພາກພື້ນທີ່ສຳຄັນ.ການພົວພັນລະຫວ່າງຈີນເອີລົບກໍໄດ້ບັນລຸການເພີ່ມຂຶ້ນດ້ານປະລິມານແລະການບຸກທະລຸດ້ານຄຸນນະພາບ.
ເນື່ອງຈາກວ່າການຮ່ວມມືທີ່ມີຜົນປະໂຫຍດຮ່ວມເປັນການຮ່ວມມືຍາວນານທັງມີກຳລັງບົ່ມຊ້ອນ.ສະນັ້ນ,ໃນສະເພາະໜ້ານີ້,ການພົວພັນລະຫວ່າງຈີນເອີລົບພວມປະເຊີນໂອກາດທີ່ມີຜົນດີຕໍ່ການຂະຫຍາຍຕົວຕື່ມອີກ.ທ່ານຈ້າວຈຸ່ນກ່າວວ່າ:
"ກ່ອນອື່ນ,ຈີນກັບເອີລົບມີຄວາມຕາບຈູນກັນຫຼາຍໃນຫຼາຍຂົງເຂດ,ລົງເລິກແລະເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆຈະນຳເອົາຜົນປະໂຫຍດຕົວຈິງຫຼວງຫຼາຍໃຫ້ແກ່ສອງຝ່າຍ.ສອງ,ໃນບັນຫາປົກປັກຮັກສາສັນຕິພາບແລະຄວາມໝັ້ນຄົງ,ຊຸກຍູ້ການພັດທະນາຂອງຈີນແລະເອີລົບ,ຈີນກັບເອີລົບກໍມີຜົນປະໂຫຍດຮ່ວມ.ສາມ,ໃນນາມເປັນແຫຼ່ງກຳເນີດອາລະຍະທຳມະນຸດທີ່ສຳຄັນ,ຈີນເອີລົບລ້ວນແຕ່ມີປະຫວັດເກົ່າແກ່ແລະອາລະຍະທຳທີ່ກ້ານກຸ່ງຮຸ່ງເຮືອງ"
ໃນຂະນະທີ່ການພົວພັນຈີນເອີລົບມີການພັດທະນານັ້ນ,ຄວາມເຫັນແຕກຕ່າງກັນຢູ່ລະຫວ່າງສອງຝ່າຍກໍຍັງຄົງຕົວຢູ່,ນີ້ຈະຫຼີກເວັ້ນບໍ່ໄດ້,ທັງເປັນເລື່ອງປົກກະຕິ.ທ່ານຈ້າວຈຸ່ນກ່າວວ່າ:"ເນື່ອງຈາກຄວາມແຕກຕ່າງກັນໃນດ້ານປະຫວັດສາດແລະມູນເຊື້ອດ້ານວັດທະນະທຳ,ລະບອບການເມືອງແລະໄລຍະພັດທະນາເສດຖະກິດ,ຢູ່ລະຫວ່າງຈີນກັບເອີລົບມີຄວາມແຕກຕ່າງກັນຈົນກະທັ້ງມີຄວາມເຫນຂັດກັນໃນບາງບັນຫາແມ່ນເລື່ອງປົກກະຕິ.ສິ່ງ ສຳຄັນແມ່ນໃນເວລາແກ້ໄຂຄວາມເຫັນຂັດກັນແລະຄວາມຂັດແຍ່ງ,ສາມຝ່າຍຄວນກຳແໜ້ນຈຸດໂຮມແຫ່ງຜົນປະໂຫຍດຂອງສອງຝ່າຍ,ເຄົາລົບຝ່າຍກົງກັນຂ້າມຢ່າງເຕັມສ່ວນ,ຜ່ານຈາກການສົນທະນາເພີ່ມທະວີຄວາມໄວ້ເນື້ອເຊື່ອໃຈກັນແລະແກ້ໄຂຄວາມລະແວງສົງໄສ,ຫຼຸດຄວາມຂັດແຍ່ງ.ພ້ອມກັນນັ້ນ,ເອົາໃຈໃສ່ນຳຄວາມຄວາມສົນໃຈທີ່ສຳຄັນຂອງຝ່າຍກົງກັນຂ້າມ,ແກ້ໄຂຄວາມເຫັນຂັດກັນຢ່າງທັນການແລະເໝາະສົມ,ບໍ່ໃຫ້ພາກສ່ວນໃຫຍ່ແຫ່ງການພົວພັນລະຫວ່າງສອງຝ່າຍຖືກກະທົບກະເທືອນບໍ່ວ່າຍ້ອນເຫດການເລື່ອງໃດເລື່ອງໜຶ່ງຫຼືໃນເວລາໃດໜຶ່ງ."
ທ່ານຈ້າວຈຸ່ນກ່າວວ່າ,ຈີນກັບເອີລົບ ຂະຫຍາຍການພົວພັນຄູ່ຂາຍຸດທະສາດຮອບດ້ານທີ່ໄຂປະຕູ,ມີລັກສະນະສ້າງສັນແລະບໍ່ແນໃສ່ຝ່າຍທີສາມນັ້ນແມ່ນສອດຄ່ອງກັບກະແສພັດທະນາຂອງໂລກໃນປັດຈຸບັນແລະຜົນປະໂຫຍດກົກຮາກຂອງປະຊາຊົນບັນດາປະເທດ.
|
|
