ພະຍາດໄຂ້ຫວັດສັດປີກແມ່ນພະຍາດຕິດແປດທີ່ຮ້າຍແຮງພະຍາດຫນຶ່ງສຳລັບສັດ
ປີກທຸກຊະນິດ (Highly pathogomic Avian Influenza HPAI)ສາມາດ
ຕິດຕໍ່ໃສ່ສັດລ້ຽງພາຍໃນບ້ານລວມທັງຄົນເຮົາເປັນພະຍາດທີ່ມັກເກີດໃນສະພາບ
ອາກາດເຢັນຫລືໃນເວລາທີ່ມີການປ່ຽນແປງສະພາບອາກາດຢ່າງກະທັນຫັນ,
ເກີດຈາກເຊື້ອໄວຣັດOrthomyxovirus A ເຊິ່ງມີຊະນິດຍ່ອຍແມ່ນ H ສະແດງ
ເຖິງຄວາມຮ້າຍແຮງສຳລັບສັດປີກຄື H1、H2、H3 ແລະສາຍພັນເອິ້ນວ່າ N
ສະແດງເຖິງຄວາມແຮງທີ່ສາມາດຕິດຕໍ່ໃສ່ສັດຊະນິດອື່ນໆຫລືຄົນໄດ້, ເຊື້ອພະ
ຍາດສາມາດຕິດຕໍ່ໄດ້ທາງອາກາດໂດຍຜ່ານທາງລະບົບຫາຍໃຈ ສຳຜັດໂດຍ
ກົງກັບສັດເຈັບ ຫລືວັດຖຸຕ່າງໆ ທີ່ປົນເປື້ອນດ້ວຍເຊື້ອພະຍາດດັ່ງກ່າວ,ໄລຍະ
ພັກເຊື້ອ 3-7 ວັນ.ສັດປີກທີ່ຕິດພະຍາດນີ້ສະແດງອາການອອກບໍ່ຊັດເຈນແລະ
ມີຄວາມແຕກຕ່າງກັນອີງຕາມຄວາມຮ້າຍແຮງຫລືປະມານເຊື້ອໄວຣັດທີ່ໄດ້ຮັບ.
ສັດປີກທີ່ເປັນພະຍາດສະແດງອາການອອກດັ່ງນີ້ ມີອາການຫງົາຊືມມີບັນຫາທາງ
ລະບົບຫາຍໃຈ ເຫຍື້ອເມືອກຕາ ຜົ້ງດັງອັກເສບ ຫົວເຢັນບວມໄຄ່ ຖ່າຍເປັນນ້ຳ
(ຖອກທ້ອງ) ແລະ ມີບັນຫາທາງລະບົບປະສາດ, ຮ່ອງຮອຍຂອງພະຍາດພົບເຫັນ
ອັກເສບຢູ່ຕາມບໍລິເວນຜົ້ງດັງ ແລະ ຜົ້ງຕາ ປອດບວມແລະຫລອດລົມອັກເສບ
ແລະຖົງລົມອັກເສບ. ສ່ວນອາການອື່ນໆທີ່ພົບເຫັນໃນອະໄວຍະວະພາຍໃນຕ່າງໆ
ນັ້ນແມ່ນອາດເກີດຈາກການຕິດແປດຂອງພະຍາດແຊກຊ້ອນເຊັ່ນ:ເຊື້ອບັກເຕເຣັຍ
ເຊື້ອລາແລະອື່ນໆ…
ພວກເຮົາອາດບົ່ງມະຕິພະຍາດນີ້ໄດ້ ດ້ວຍການສົ່ງສິ້ນສ່ວນໄປກວດສອບຢູ່ຫ້ອງ
ວິໄຈເທົ່ານັ້ນ, ສຳລັບສັດປີກທີ່ຕິດພະຍາດນີ້ບໍ່ສາມາດປິ່ນປົວໄດ້,ໃນຄອກຫລືຟ້າມ
ທີ່ກວດພົບເຊືອພະຍາດຕ້ອງໄດ້ທຳລາຍຖິ້ມທັງຫມົດ ເພື່ອປ້ອງກັນພະຍາດດັ່ງກ່າວ
ຕ້ອງເອົາໃຈໃສ່ປະຕິບັດຫລັກການອະນາໄມຢ່າງເຂັ້ມງວດທຳການຂ້າເຊົ້າພະຍາດ
ແລະຂ້າແມງໄມ້ພາຍໃນຄອກແລະບໍລິເວນອ້ອມຮອບຢ່າງເປັນປະຈຳ.
ມາດຕະການເຝົ້າລະວັງ ຄວບຄຸມພະຍາດສັດປີກໃນບ່ອນທີ່ກວດພົບເຊືອພະຍາດ
ໄຂ້ຫວັດສັດປີກໃຫ້ປະຕິບັດດັ່ງລຸ່ມນີ້:ຂ້າຫລືທຳລາຍສັດປີກທັງຫມົດຢູ່ໃນຄອກຫລື
ຟາມທີ່ກວດພົບເຊືອພະຍາດດັ່ງກ່າວ, ໃນວົງລັດສະຫມີ 3 ກິໂລແມັດຫ່າງຈາກ
ຟາມທີ່ກວດພົບເຊື້ອພະຍາດໃຫ້ກຳນົດເປັນເຂດໂລກລະບາດ(ເຂດສີແດງ),ຫ້າມ
ເຄື່ອນຍ້າຍສັດປີກແລະຜະລິດຕະພັນສັດປີກທຸກຊະນິດເຂົ້າ-ອອກໃນເຂດດັ່ງກ່າວ
ຢ່າງເຂັ້ມງວດ, ຫ້າມແລກປ່ຽນຊື້ຂາຍສັດປີກ ຜະລິດຕະພັນສັດປີກເຊັ່ນ ໄຂ່ ຊິ້ນ
ສົດຊິ້ນແຂ່ງຂາຫລືປຸງ ແຕ່ງແລ້ວໃນເຂດທີ່ກຳນົດເປັນໂລກລະບາດໂດຍເດັດຂາດ
ຈົນກວ່າຈະມີການປະກາດລົບລ້າງຢ່າງເປັນທາງການ
|
