|
|
 |
| (GMT+08:00)
2005-11-18 14:30:37
|
 |
|
ຫໍສະໝຸດເຄື່ອນທີ່ຂອງໄທ(ສຽງ)
cri
Author: da
|
ຫໍສະໝຸດແມ່ນບ່ອນເຕົ້າໂຮມແລະສົ່ງຂໍ້ມູນຂ່າວສານຄວາມຮູ້,ຖ້ານຳໃຊ້ຊັບພະຍາກອນຂອງຫໍສະໝຸດຢ່າງເຕັມທີ່,ຈະນຳເອົາຜົນປະໂຫຍດຫຼວງຫຼາຍມາໃຫ້ແກ່ການຮ່ຳຮຽນ ວຽກງານແລະຊີວິດການເປັນຢູ່ຂອງຕົນ.ໃນລາຍການເຂົ້າສູ່ອາຊຽນພາກນີ້,ເຊີນທ່ານຟັງບົດສະເໜີຫໍສະໝຸດເຄື່ອນທີ່ຂອງໄທ.
ຄົນໄທຫຼາຍຄົນມີລາຍໄດ້ຕ່ຳ,ສ່ວນຫໍສະໝຸດທີ່ໃຊ້ຟີຊ້ຳພັດໄກໂພດ,ພວກເຂົາເຈົ້າຈຳເປັນຕ້ອງໃຊ້ຄ່າເດີນທາງຫຼາຍ ຈຶ່ງໄປຮອດຫໍສະໝຸດ. ນອກນີ້,ເຖິງວ່າຫໍສະໝຸດໄດ້ສະໜອງຄວາມຮູ້ແລະການບໍລິການຟີໃຫ້ແກ່ຄົນທີ່ມີລະດັບຕ່າງກັນ ເພດຕ່າງກັນແລະອາຍຸຕ່າງກັນກໍຕາມ,ແຕ່ຫຼາຍໆຄົນຂາດຄວາມຮູ້ຕໍ່ຫໍສະໝຸດ,ໃຊ້ຫໍສະໝຸດບໍ່ເປັນ. ສະນັ້ນ,ຫໍສະໝຸດເຄື່ອນທີ່ກໍໄດ້ກຳເນີດຂຶ້ນ.
ໃນຫໍສະໝຸດເຄື່ອນທີ່ຂອງໄທ,ນອກຈາກມີຊັບພະຍາກອນຕ່າງໆເຊັ່ນ ສິ່ງພິມຄື ປຶ້ມໜັງສືແລະວາລະສານເປັນຕົ້ນ ແລະເຄື່ອງສຽງແລະເຄື່ອງພາບຊະນິດຕ່າງໆແລ້ວ, ພະນັກງານຫໍສະໝຸດຍັງໄດ້ສະໜອງການບໍລິການເປັນທີ່ປຶກສາຕອນຄຳຖາມ. ຫໍສະໝຸດເຄື່ອນທີ່ສາມາດໄປຮອດໂຮງຮຽນ ໂຮງງານ ໂຮງໝໍ ໂຮງແຮມ ວັດ ສະຖານີລົດໄຟແລະຊົນນະບົດເປັນຕົ້ນ. ອີງຕາມຈຸດພິເສດຂອງທ້ອງຖິ່ນຕ່າງໆ,ປະເພດຫໍສະໝຸດເຄື່ອນທີ່ກໍມີຫຼາຍຢ່າງຫຼາຍແນວ.
ຫໍສະໝຸດເຄື່ອນທີ່ພັດສະດຸໄປສະນີແມ່ນຫໍຫະໝຸດທີ່ນິຍົມກັນຢູ່ໄທໃນປະຈຸບັນ,ຫໍສະໝຸດຊະນິດນີ້ ເໝາະຢູ່ບ່ອນທີ່ລົດຍົນເຂົ້າບໍ່ໄດ້. ອັນທີ່ວ່າຫໍສະໝຸດເຄື່ອນທີ່ ກໍ່ແມ່ນຫຸ້ມຫໍ່ປຶ້ມ 10 ຫາ 25 ເຫຼັ້ມເປັນຫໍ່ໜຶ່ງ,ແລ້ວສົ່ງໄປບ້ານຢູ່ຊົນນະບົດ,ແຕ່ລະບ້ານ 10 ຫໍ່. ບ້ານເຫຼົ່ານີ້ຕ້ອງຮັບຜິດຊອບສົ່ງໄປເຂດອ້ອມຂ້າງ,ໃຫ້ທຸກຄົນມີໂອກາດໄດ້ອ່ານປື້ມໜັງສື.
ຢູ່ບາງກອກ ນະຄອນຫຼວງຂອງໄທ,ນອກຈາກຫໍສະໝຸດໃຫຍ່ແບ່ງອອກເປັນ 16 ສາຂາ ບໍລິການປວງຊົນແລ້ວ,ຍັງໃຊ້ລົດຍົນບັນທຸກປື້ມໜັງສືບໍລິການຄຸ້ມເຮືອນຢູ່ສ່ວນໜຶ່ງທີ່ເງື່ອນໄຂອ່າວຂີ້ຮ້າຍ.ລົດບາສທີ່ຕິດແອ 7 ຄັນໄດ້ເປັນຫໍສະໝຸດເຄື່ອນທີ່,ແຕ່ລະອາທິດ 5 ມື້,ໄປບໍລິການແຕ່ 9 ໂມງເຊົ້າຮອດ 5 ໂມງແລງຢູ່ 35 ແຫ່ງ. ຢູ່ໃນລົດມີປື້ມ ວາລະສານ ໜັງສືພິມແລະວິດີໂອເປັນຕົ້ນ,ລວມທັງໝົດ 3 ພັນກວ່າເຄື່ອງ.ໃນນັ້ນ ສິ່ງທີ່ຖືກຢືມໄປອ່ານຫຼາຍກວ່ານັ້ນ ແມ່ນປຶ້ມອ່ານສຳລັບຊາວໜຸ່ມ ຄອມພິວເຕີ ເອເລັກໂຕຼນິກ ປື້ມຮຽນແຕ່ງອາຫານແລະເຄື່ອງມື. ນອກຈາກໃຫ້ຢືມອ່ານແລ້ວ,ຫໍສະໝຸດລົດຍົນຍັງຈັດການເຄື່ອນໄຫວໂຄສະນາເຊັ່ນ: ເລົ່ານິທານ ຫຼິ້ນເກມ ສອບເສັງແລະສະແດງລາຍການເປັນຕົ້ນ.ບາງທີ ຫໍສະໝຸດລົດຍົນຍັງຮ່ວມກັບຮ້ານຂາຍປື້ມ ກອງປີ່ນປົວເຄື່ອນທີ່ ພາກສ່ວນອົງການປົກຄອງຢູ່ເຂດຄຸ້ມເຮືອນຢູ່ທ້ອງຖິ່ນ ຮ່ວມກັນຈັດການເຄື່ອນໄຫວ. ການສຳຫຼວດສະແດງໃຫ້ເຫັນວ່າ,ຫໍສະໝຸດລົດຍົນມີຜູ້ອ່ານເຕັມລົດເລື້ອຍໆ.
ຢູ່ເທິງແມ່ນ້ຳເຈົ້າພະຍາ,ຫໍສະໝຸດເຄື່ອນທີ່ໄດ້ກາຍເປັນ"ຫໍສະໝຸດກ່ຳປັ່ນແມ່ນ"ດັດແປງກ່ຳປັ່ນລົບ,ສາມາດບັນຈຸຜູ້ອ່ານ 30 ກວ່າຄົນ,ຈະໄດ້ຢືມປື້ມອ່ານ ເຄື່ອງສຽງແລະເຄື່ອງພາບ ເຄື່ອງຫຼິ້ນແລະເຄື່ອງຫຼິ້ນເກມເປັນຕົ້ນ. "ຫໍສະໝຸດກ່ຳປັ່ນ"ຕົ້ນຕໍແມ່ນບໍລິການປະຊາຊົນຢູ່ເທິງແມ່ນ້ຳ. ເມື່ອໄປຮອດສະຖານທີ່ບໍລິການທຸກເທື່ອ,ພະນັກງານກໍເອົາແກສຽງສູງແຈ້ງໃຫ້ຜູ້ອ່ານຊາບ, "ຫໍສະໝຸດກ່ຳປັ່ນ"ຍັງເຊີນຜູ້ອາສາສະໝັກສ່ວນໜຶ່ງ,ເອົາປື້ມໃຫ້ຜູ້ມາຢືມດ້ວຍຕົນເອງບໍ່ໄດ້. ນອກຈາກໃຫ້ຢືມປື້ມອ່ານແລ້ວ, "ຫໍສະໝຸດກ່ຳປັ່ນ"ຍັງຈັດງານວາງສະແດງກ່ຽວກັບປ້ອງກັນເສບຢາເສບຕິດ ປົວແປງສະພາບແວດລ້ອມເຮັດວຽກ ໂດຍສະເພາະແມ່ນງານວາງສະແດງປ້ອງກັນແມ່ນ້ຳຖືກເຊື່ອມພິດ,ໄດ້ຮັບໝາກຜົນດີຫຼາຍ.
ຍ້ອນເສດຖະກິດຝືດເຄື່ອງ,ຢູ່ຕົວເມືອງສ່ວນໜຶ່ງຂອງໄທ ສ້າງຫໍສະໝຸດໃຫຍ່ຍາກຫຼາຍ,ຢູ່ບາງຄຸ້ມເຮືອນຢູ່ບໍ່ມີຫ້ອງໃຫຍ່,ຈຶ່ງສ້າງຫ້ອງໄມ້ນ້ອຍໆຢູ່ຕາມຖະໜົນຫົນທາງ,ບໍລິການຜູ້ມາຢືມອ່ານ. ຫໍສະໝຸດນ້ອຍໆທີ່ແທ້ແມ່ນຫ້ອງອ່ານ,ເປີດບໍລິການແຕ່ 5 ໂມງເຊົ້າຮອດ 9 ໂມງແລງທຸກມື້,ຕົ້ນຕໍແມ່ນປື້ມອ່ານລະດັບຕ່ຳ. ຍ້ອນວ່າຫໍສະໝຸດນ້ອຍໆໃກ້ຊິດກັບຜູ້ອ່ານ,ຈຶ່ງໄດ້ຮັບຄວາມຊົມເຊີຍຈາກປະຊາຊົນຢູ່ຄຸ້ມເຮືອນຢູ່.ບາງຄົນມັກຍາດເວລາລໍຖ້າຂີ່ລົດຫຼືຖ້າໝູ່ເລືອກອ່ານໜັງສື.
ນອກຈາກຫໍສະໝຸດເຄື່ອນທີ່ດັ່ງກ່າວແລ້ວ,ໃນເດືອນຕຸລາປີ 1998,ສາຂາກົມຕຳຫຼວດທາງລົດໄຟຫຼວງຂອງໄທນຳໃຊ້ຕູ້ລົດໄຟເກົ່າ,ສ້າງເປັນຫໍສະໝຸດບໍລິການເດັກນ້ອຍທີ່ບໍ່ມີເຮືອນພັກ.ຕູ້ລົດຕັ້ງຢູ່ໃຕ້ເງົາຕົ້ນຫົ່ມກົກໄມ້,ນອກຕູ້ໄດ້ທາສີແລະຮູບທີ່ເດັກນ້ອຍມັກ,ສະໜອງປື້ມ ເຄື່ອງຫຼິ້ນແລະປຶ້ມອ່ານອື່ນໆ.ຜູ້ຈັດຫວັງຫຼຸດອັດຕາຕ້ອງໂທດຂອງເດັກນ້ອຍທີ່ບໍ່ມີທີ່ເພິ່ງພາອາໃສໃຫ້ໜ້ອຍລົງດ້ວຍການກະທຳດັ່ງກ່າວ.
|
|
|
