|
|
 |
| (GMT+08:00)
2005-11-19 17:26:30
|
 |
|
ທ່ານບຸສຈະເດີນທາງມາຮອດປັກກິ່ງມື້ນີ້ ເພື່ອຢ້ຽມຢາມຈີນ
cri
Author: da
ຕາມຂ່າວCRI: ໂດຍຕອບສະໜອງຄຳເຊີນຂອງທ່ານຫູຈິນທາວ ປະທານປະເທດຈີນ,ທ່ານບຸສ ປະທານາທິບໍດີອາເມລິກາຈະເດີນທາງມາຮອດປັກກິ່ງໃນຕອນຄ່ຳວັນທີ 19 ພະຈິກ, ເພື່ອຢ້ຽມຢາມຈີນ.
ນີ້ແມ່ນທ່ານບຸສມາຢ້ຽມຢາມຈີນເທື່ອທີສາມພາຍຫຼັງທ່ານຂຶ້ນຮັບຕຳແໜ່ງເປັນປະທານາທິບໍດີອາເມລິກາເປັນຕົ້ນມາ.ຕາມໄດ້ຊາບ,ການເຄື່ອນໄຫວໃນການຢ້ຽມຢາມຂອງທ່ານບຸສເທື່ອນີ້ ສ່ວນຫຼາຍຈັດວາງໃນວັນທີ 20 ພະຈິກ,ໃນໄລຍະນີ້ ທ່ານປະທານຫູຈິນທາວຈະ ເຈລະຈາກັບທ່ານ,ທ່ານເວີນເຈຍປາວ ນາຍົກລັດຖະມົນຕີຈີນຈະພົບປະກັບທ່ານ,ຜູ້ນຳຈີນແລະອາເມລິກາຈະແລກປ່ຽນຄວາມເຫັນຢ່າງກວ້າງຂວາງເລິກເຊິ່ງກ່ຽວກັບບັນຫາຕ່າງໆ.
ກ່ອນຈະອອກເດີນທາງມາຢ້ຽມຢາມ ທ່ານບຸສໄດ້ໃຫ້ສຳພາດຕໍ່ນັກຂ່າວຢູ່ວໍຊິງຕັນວ່າ,ອາເມລິກາກັບຈີນມີການຮ່ວມມືເປັນຢ່າງດີ,ຕໍ່ໄປພາຍໜ້າ ສອງຝ່າຍສາມາດຮ່ວມມືກັນໃນດ້ານການຊຸກຍູ້ການເຈລະຈາການຄ້າຫຼາຍຝ່າຍທົ່ວໂລກຮອບໂດຮາ ປ້ອງກັນແລະຄວບຄຸມພະຍາດໄຂ້ຫວັດສັດປີກ ຕ້ານລັດທິກໍ່ການຮ້າຍ ແລະນຳໃຊ້ພະລັງງານຢ່າງບັງເກີດຜົນເປັນຕົ້ນ.
|
|
|
