|
|
 |
| (GMT+08:00)
2005-11-19 21:43:16
|
 |
|
ແຂວງຢຸນນານຈະຕັ້ງສູນອົບຮົມພາສາຈີນຢູ່ລາວ
cri
Author: da
ຕາມຂ່າວສານຊິນຮວາ: ກອງປະຊຸມຄັ້ງທີ 2 ຂອງໜ່ວຍງານຮ່ວມມືຢຸນນານຈີນກັບພາກເໜືອຂອງລາວທີ່ຈັດຂຶ້ນຢູ່ເມືອງຄຸນມິງໃນຫວ່າງມໍ່ໆນີ້ໄດ້ເຜີຍໃຫ້ຮູ້ວ່າ,ຝ່າຍທີ່ກ່ຽວຂ້ອງຂອງແຂວງຢຸນນານແລະລາວຈະຮ່ວມມືກັນຕັ້ງສູນອົບຮົມພາສາຈີນຢູ່ລາວ.
ຕາມໄດ້ຊາບ,ພາຍຫຼັງໄດ້ຮັບການສະໜັບສະໜູນຂອງລັດຖະບານສູນກາງຈີນແລ້ວ,ແຂວງຢຸນນານຈະຮ່ວມມືກັບຝ່າຍລາວຕັ້ງສູນອົບຮົມພາສາຈີນ. ແຂວງຢຸນນານຍິນດີຊ່ອຍເຫຼືອຝ່າຍລາວອົບຮົມຄູສອນສາພາຈີນແລະຮຽບຮຽງແບບຮຽນພາສາຈີນ.ລາວກໍຈະອີງຕາມຄວາມສາມາດຕົວຈິງຂອງຕົນ,ຊ່ອຍເຫຼືອມະຫາວິທະຍາໄລຊົນເຜົ່າແຂວງຢຸນນານດຳເນີນການສິດສອນພາສາລາວ. ແຂວງຢຸນນານຊົມເຊີຍນັກສຶກສາລາວມາຮຽນຢູ່ຈີນ,ແລະຈະສະໜອງທຶນລາງວັນສຶກສາໃຫ້ນັກສຶກສາລາວຜູ້ດີເລີດສ່ວນໜຶ່ງ. ລາວກໍຊົມເຊີຍນັກສຶກສາຢຸນນານໄປຮຽນຢູ່ລາວ.
ປີກາຍນີ້ ໜ່ວຍງານຮ່ວມມືຂອງແຂວງຢຸນນານຈີນກັບພາກເໜືອລາວທີ່ໄດ້ຮັບການສະໜັບສະໜູນຈາກລັດຖະບານຈີນແລະລັດຖະບານລາວນັ້ນ ໄດ້ຈັດກອງປະຊຸມຄັ້ງທຳອິດ,ຕໍ່ໄປພາຍໜ້າ ສອງປີໃດຈະຈັດກອງປະຊຸມໜ່ວຍງານເທື່ອໜຶ່ງ,ເພື່ອຊຸກຍູ້ການຮ່ວມມືແລະແລກປ່ຽນທາງເສດຖະກິດການຄ້າລະຫວ່າງແຂວງຢຸນນານກັບ 9 ແຂວງເຂດພາກເໜືອຂອງລາວ,ຊຸກຍູ້ໃຫ້ພ້ອມກັນຈະເລີນຮຸ່ງເຮືອງແລະພັດທະນາ.
|
|
|
