ຕາມ​ຂ່າວCRI: ວັນ​ທີ 18 ພະຈິກ, ກະຊວງ​ກະສິກຳ​ຈີນ​​ແຈ້ງ​ຂ່າວ​ວ່າ, ຢູ່ຈີນ​ມີ​ອີກສອງ​ແຫ່ງ​ເກີດ​ພະຍາດ​ໄຂ້ຫວັດ​ສັດ​ປີກປະ​ເພດຮ້າຍ​ແຮງ​. ພ້ອມ​ກັນ​ນັ້ນ, ບັນດາ ພາກສ່ວນ​ທີ່​ກ່ຽວຂ້ອງ​ຂອງ​ຈີນ​ກໍ​ພວມ​ສືບ​ຕໍ່​ໃຊ້​ມາດ​ຕະການ​ປ້ອງ​ກັນ​ຄວບ​ຄຸມພະ​ຍາດ​ໄຂ້ຫວັດ​ສັດ​ປີກ.

ຕາມ​​ແນະນຳວ່າ, ​ເຂດ​​ເກີດ​ພະຍາດ​ດັ່ງກ່າວແມ່ນ​ຢູ່ນະ​ຄອນ​ຊ້ຽວຢີ້​ແຂວງ​ຊານ​ຊີ​ແລະ​ເຂດ​ທ່ຽນ​ຊານ​​ນະຄອນ​ອູ​ລູມູຊີ​ເຂດ​ຊິນ​ຈ່ຽງ​ເຜົ່າ​ອຸຍ​ອູ​ເອີປົກ​ຄອງ​ຕົນ​ເອງ. ພາຍຫຼັງ​ເກີດ​ພະຍາດນີ້​ແລ້ວ, ອົງການ​ປົກຄອງ​ທ້ອງ​ຖິ່ນກໍ​ໄດ້​​ເຮັດ​ວຽກ​​ປ້ອງ​ກັນ​​ຄວບ​ຄຸມພະ​ຍາດ​ໄຂ້ຫວັດ​ສັດ​ປີກ​ປະ​ເພດຮ້າຍ​ແຮງ​ແລ້ວ, ຂະ​ແໜງ​ການ​ສັດຕະວະ​ແພດ​ໄດ້​ຂ້າ​ສັດ​ປີກ​ໃນ​ບໍລິ​ເວນ3​ກິ​ໂລ​ແມັດຂອງ​ບ່ອນ​ເກີດ​ພະຍາດ. ກະຊວງ​ກະສິກຳ​ກໍ​ໄດ້​​ແຕ່ງ​ໜ່ວຍ​ຜູ່​ຊ່ຽວຊານ​ໄປ​ເຂດ​ເກີດ​ພະຍາດ, ຊີ້​ນຳ​ວຽກ​ງານ​ປ້ອງ​ກັນ​ແລະ​ຄວບ​ຄຸມ.

ນອກ​ນີ້​ຂ່າວ​ແຈ້ງວ່າ, ປັດຈຸບັນ, ສາຍ​ຜະ​ລິ​ດວັກ​ແຊງ​ພະຍາດ​ໄຂ້ຫວັດ​ສັດ​ປີກ​ສຳລັບ​ຄົນ​ໃຊ້ກໍ​ໄດ້​ກຽມພ້ອມ​ແລ້ວ​ຢູ່​ປັກ​ກິ່ງ​, ​ແລະ​ສາມາດ​​ຜະລິດ​ໃນ​ທັນທີ.