|
ຕາມຂ່າວສານຊິນຮວາ: ວັນທີ 20 ພະຈິກ, ນັກຂ່າວໄດ້ຊາບຈາກກະຊວງກະສິກຳຈີນວ່າ, ປັດຈຸບັນ, ນະຄອນປັກກິ່ງ ແຂວງເຫີນານ ແຂວງສ້ານຊີ່ຂອງຈີນເປັນຕົ້ນພວມດຳເນີນວຽກງານປ້ອງກັນແລະຄວບຄຸມພະຍາດໄຂ້ຫວັດສັດປີກຢ່າງເຄັ່ງຕຶງແຕ່ມີລະບຽບ.
ຕາມແນະນຳວ່າ, ນະຄອນປັກກິ່ງໄດ້ປະກາດມາດຕະການຫ້າມບໍ່ໃຫ້ລ້ຽງສັດປີກໃນຕົວເມືອງ, ເຊົາຊື້ຂາຍສັດປີກເປັນໃນທົ່ວນະຄອນຊົ່ວຄາວ, ພ້ອມທັງກວດກາຄຸນນະພາບແລະພະຍາດຕໍ່ສັດປີກແລະຜະລິດຕະພັນສັດປີກທີ່ສົ່ງເຂົ້າປັກກິ່ງແລະອື່ນໆ, ເພື່ອປ້ອງກັນຄວບຄຸມພະຍາດໄຂ້ຫວັດສັດປີກ.
ແຂວງເຫີນານໄດ້ເລີ່ມປະຕິບັດແຜນການສຸກເສີນປ້ອງກັນຄວບຄຸມພະຍາດໄຂ້ຫວັດສັດປີກປະເພດຮ້າຍແຮງໂດຍດ່ວນ, ປະຕິບັດລະບອບລາຍງານສະພາບພະຍາດທຸກມື້ແລະລະບອບເຖິງບໍ່ມີກໍຕ້ອງລາຍງານ. ນອກນັ້ນ, ແຂວງເຫີນານຍັງໄດ້ຕັ້ງສະຖານີກວດກາພະຍາດສັດຊົ່ວຄາວ 40 ກວ່າແຫ່ງ, ເພີ່ມທະວີການຕິດຕາກວດກາສັດປີກແລະຜະລິດຕະພັນສັດປີກທີ່ຂົນສົ່ງຂ້າມແຂວງແລະດັບເຊື້ອຕໍ່ລົດທີ່ແລ່ນໄປມາຢ່າງເຄັ່ງຄັດ.
ເພື່ອເຜີຍແຜ່ຄວາມຮູ້ປ້ອງກັນຄວບຄຸມພະຍາດໄຂ້ຫວັດສັດປີກ, ພະແນກກະສິກຳແຂວງສ້ານຊີ່ໄດ້ຈັດຫ້ອງອົບຮົມດ່ວນ, ເຊີນຜູ່ຊ່ຽວຊານມາແນະນຳວິທີຊຳລະສັດປີກທີ່ຕາຍໂດຍດ່ວນແລະວິທີລາຍງານດ່ວນຕໍ່ຂັ້ນເທິງ.
|
