|
|
 |
| (GMT+08:00)
2005-11-21 11:38:25
|
 |
|
ດົນຕີຊໍອູ້ທີ່ເສບໂດຍທ່ານລິວຊ່ຽງ ນັກເສບດົນຕີໄວໜຸ່ມຂອງຈີນ(ສຽງ)
cri
Author: zhangshuo
|
ໃນລາຍການມື້ນີ້,ຂ້າພະເຈົ້າຈະຈັດດົນຕີຊໍອູ້ປະມວນໜຶ່ງທີ່ເສບໂດຍທ່ານລິວຊ່ຽງ ນັກເສບດົນຕີໄວໜຸ່ມຂອງຈີນ.
ເພື່ອນຜູ້ຟັງ,ຊໍອູ້ແມ່ນເຄື່ອງເສບສາຍແບບດັ້ງເດີມຂອງຈີນ,ມີສຽງເສາະໃສແລະສູງ,ມັກໃຊ້ເສບດ່ຽວ ເສບຮວມໝູ່ແລະເສບສະຫຼັບໃນງິ້ວ ທ້ອງຖິ່ນ.ຊໍອູ້ມີຫຼາຍຊະນິດ,ຄືຊໍອູ້ສຽງສູງ ສຽງກາງແລະຊໍອູ້ທີ່ມີໄມ້ປັບສຽງສອງອັນ.
ທີ່ທ່ານພວມຟັງຢູ່ນີ້ແມ່ນດົນຕີ "ສາວນ້ອຍເບິ່ງງິ້ວ"ທີ່ທ່ານລິວຊ່ຽງເສບດ້ວຍຊໍອູ້ສຽງສູງ. ດົນຕີນີ້ມີທຳນອງມ່ວນຊື່ນ,ໄດ້ສະແດງໃຫ້ເຫັນຄວາມມ່ວນຊື່ນຂອງພວກສາວນ້ອຍໃນຊົນ ນະບົດທີ່ໜ້າຮັກເປັນໝູ່ກັນໄປເບິ່ງງິ້ວ.
ທ່ານລິວຊ່ຽງເກີດເມື່ອປີ1963,ພໍ່ຂອງລາວແມ່ນທ່ານລິວມີງຢວນ ອາຈານດົນຕີເຄື່ອງສາຍທີ່ມີຊື່ສຽງຂອງຈີນ.ໃນເວລາທ່ານລວຊ່ຽງ6ປີ,ພໍ່ຂອງທ່ານກໍເລີ່ມສອນສີຊໍ.ໃຕ້ການສິດ ສອນຂອງພໍ່,ທ່ານລຽວຊ່ຽງກ້າວໜ້າໄວຫຼາຍ,ໃນເວລາຮຽນຊັ້ນປະຖົມປີທີ2ແລະປີທີ3,ລາວກໍໄດ້ຮັບລາງວັນຫຼາຍເທື່ອໃນການແຂ່ງຂັນເສບດົນຕີຂອງເຍົາວະຊົນທີ່ຈັດຂຶ້ນຢູ່ນະ ຄອນຫຼວງປັກກິ່ງ.ຕໍ່ໄປເຊີນຟັງດົນຕີ "ຕ້າສິປານ"ທີ່ທ່ານລິວຊ່ຽງເສບດ້ວຍຊໍອູ້ສຽງສູງ. ດົນຕີນີ້ບໍ່ຍາວ,ຈັງຫວະໄວ,ເຕັມໄປດ້ວຍອາລົມທີ່ຟົດຟື້ນແລະມ່ວນຊື່ນ,ມີກິ່ນອາຍຊົນນະບົດອັນເຂັ້ມຂຸ້ນ.
ຍ້ອນວ່າທ່ານລິວຊ່ຽງໄດ້ຮັບການສິດສອນຢ່າງເຄັ່ງຄັດຈາກພໍ່ມາແຕ່ຍາມຍັງນ້ອຍ,ບວກກັບຄວາມດຸໝັ່ນຂອງທ່ານ,ທ່ານລິວຊ່ຽງໄດ້ສືບທອດຈຸດພິເສດຂອງພໍ່ ຊຳນິຊຳນານ,ສຽງຊໍອ້ອຍອິ່ນອອນຊອນ.ຕໍ່ໄປເຊີນຟັງດົນຕີ "ແສ່ວປ້າຍຄຳ"ທີ່ທ່ານລິວຊ່ຽງເສບດ້ວຍຊໍອູ້ທີ່ມີໄມ້ປັບສຽງສອງອັນ.
ດົນຕີນີ້ໄດ້ບັນລະຍາຍພາບທີ່ປະຊາຊົນຈີນເອົາຊະນະສັດຕູ,ແລະພວມສະເຫຼີມສະຫຼອງ ກັນຢ່າງຟົດຟື້ນໃນທົ່ວປະເທດ.
ປີ1987,ທ່ານລິວຊ່ຽງໄດ້ເຂົ້າເຮັດວຽກໃນວົງດົນຕີຊົນຊາດສູນກາງຈີນ,ໄດ້ຮັບແຕ່ງຕັ້ງເປັນຮອງຫົວໜ້າຜູ້ເສບຂອງວົງດົນຕີ.ຫຼາຍປີມານີ້,ທ່ານລິວຊ່ຽງພ້ອມວົງດົນຕີໄດ້ໄປຢ້ຽມ ຢາມສະແດງຢູ່10ກວ່າປະເທດແລະເຂດແຄ້ວນ ເຊັ່ນ ອາເມລິກາ ເຢຍລະມັນ ໂອຕຼິສ ສິງກະໂປແລະສ.ເກົາ ຫຼີເປັນຕົ້ນ,ເຄີຍເຂົ້າຮ່ວມການສະແດງໃນງານດົນຕີຊົນຊາດບຸນກຸດຈີນທີ່ວົງດົນຕີຊົນຊາດສູນກາງຈີນຈັດຂຶ້ນຢູ່ຫໍຄຳກຸງວຽນນັ້ນສອງເທື່ອ,ແລະເປັນຜູ້ເສບດ່ຽວ.
ທ່ານຜູ້ຟັງ,ທີ່ທ່ານພວມຟັງຢູ່ນີ້ແມ່ນດົນຕີ "ບ້ານເກີດຂອງທຳນອງເພງຮົວ" ທີ່ທ່ານລິວຊ່ຽງເສບດ້ວຍຊໍອູ້ສຽງກາງ.ດົນຕີນີ້ໄດ້ບັນຍາຍທິວທັດທຳມະຊາດອັນສວຍງາມຂອງພາກຕາເວັນຕົກສຽງເໜືອຂອງຈີນແລະສັນລະເສີນຊີວິດອັນດີງາມຂອງປະຊາຊົນແຫ່ງນັ້ນ.
ເມື່ອໄດ້ມານະພະຍາຍາມຫຼາຍປີແລ້ວ,ລະດັບເສບດົນຕີຂອງທ່ານລິວຊ່ຽງກໍສູງຂຶ້ນຢ່າງບໍ່ຢຸດຢັ້ງ,ແລະໄດ້ຮັບລາງວັນຫຼາຍເທື່ອໃນການແຂ່ງຂັນດົນຕີຊົນຊາດຂອງຈີນ.ຫວ່າງມໍ່ໆນີ້, ທ່ານລິວຊ່ຽງໄດ້ອັດແຜ່ນCDຂອງຕົນແຜ່ນ.ມ້ວນທ້າຍລາຍການພາກນີ້,ເຊີນຟັງດົນຕີ"ສະເຫຼີມສະຫຼອງບຸນກຸດຈີນ"ທີ່ເກັບໃນແຜ່ນCDແຜ່ນໃໝ່ຂອງທ່ານລິວຊ່ຽງ.ດົນຕີນີ້ໄດ້ບັນລະຍາຍພາບອັນມ່ວນຊື່ນຟົດຟື້ນໃນເວລາປະຊາຊົນພາກຕາເວັນອອກສຽງເໜືອຂອງຈີນສະຫຼອງບຸນກຸດຈີນ.
|
|
|
