|
ນາງເຢິນສຽວລູ້ແມ່ນຜູ້ທີ່ໄດ້ຮັບລາງວັນທີສອງຂອງການແຂ່ງຂັນເປຍໂນອາຊີຢ່າງເປີດເຜີຍຄັ້ງທີ13ປີ2005,ຫວ່າງມໍ່ໆນີ້,ນາງໄດ້ຈັດງານບັນເລງສ່ວນບຸກຄົນເທື່ອທຳອິດຢູ່ນະຄອນທຽນສິນ,ໄດ້ມີປະຕິກິລິຍາຢ່າງຟົດຟື້ນ.ໃນລາຍການວັດທະນະທຳຈີນມື້ນີ້ຈະແນະນຳດາລາຄວາມຫວັງຂອງວົງການເປຍໂນຈີນຜູ້ນີ້ສູ່ທ່ານຟັງ.
ທ່ານຜູ້ຟັງທີ່ໂຄລົບ,ດົນຕີທີ່ທ່ານພວມຟັງຢູ່ນີ້ແມ່ນດົນຕີເປີດສາກຂອງງານບັນເລງສ່ວນບຸກຄົນຂອງນາງເຢິນສຽວລູ້ທີ່ພາດຫົວເລື່ອງວ່າ ເທບນິຍາຍຂອງລະດູໃບໄມ້ຫລົ່ນ.ນາງເຢິນສຽວລູ້ປີນີ້ອາຍຸ22ປີປີເປັນນັກສຶກສາປີທີ4ຂອງວິຊາເປຍໂນພະແນກເຄື່ອງເສບປະເພດມີແປ້ນດີດຂອງສະຖາບັນດົນຕີນະຄອນທຽນສິນ.ເມື່ອຫວນຄຶດເສັ້ນທາງທີ່ຮຽນສິລະປະເປຍໂນຂອງຕົນເອງ,ນາງເຢິນສຽວລູ້ໄດ້ຫົວຢ່າງມ່ວນໃຈ,ນາງເວົ້າວ່າ,ໃນເວລານາງມີອາຍຸ4ປີ,ໂອກາດໂດຍບັງເອີນເທື່ອຫນຶ່ງເຮັດໃຫ້ນາງໄດ້ສຳຜັດກັບການບັນເລງເປຍໂນ,ເບິ່ງສິລະປະປິນບັນເລງເປຍໂນຢ່າງສະຫງ່າງາມ,ນົດເພງທີ່ອອນຊອນກໍ່ໄຫລລິດອອກມາຈາກນິ້ວມືຂອງສິລະປິນ,ນາງຮູ້ສຶກຫນ້າງຶດງໍ້ທີ່ສຸດ,ມ່ວນແທ້ໆ,ສະນັ້ນນາງກໍຮ້ອງຂໍຢາກຮຽນເປຍໂນ,ພໍ່ກໍ່ຍິນຍອມນຳນາງ, ໃຫ້ນາງຮຽນເປຍໂນ.ນາງເວົ້າວ່າ:
"ໃນເວລານັ້ນ,ຄົນທັງຫລາຍລ້ວນແຕ່ຮຽນເປຍໂນ,ຂ້ອຍກໍມາຮ່ວມນຳຫມູ່,ສຸດທ້າຍມີແຕ່ຂ້ອຍໄດ້ຍຶດຫມັ້ນຮຽນ,ໃນເລລານັ້ນ,ຄຳບໍ່ເຖິງປຸ່ມເປຍໂນ,ເພາະມືຍັງນ້ອຍ,ເລີຍນັ່ງຢູ່ເທີງຕັ່ງເປຍໂນ,ຍັງເອົາຕັ່ງນ້ອຍມາຮອງຕີນ."
ເຖິງແມ່ນວ່າມີອາຍຸນ້ອຍ,ແລະທັງຫລິ້ນທັງຮຽນ,ແຕ່ພອນສະຫວັນດ້ານດົນຕີທີ່ບົ່ມຊ້ອນຢູ່ແລະຈິນຕະນາການດ້ານດົນຕີທີ່ຫົວໄວຂອງນາງກໍໄດ້ປະກົດຕົວອອກມາເທື່ອລະກ້າວ.ປີ1999,ນາງເຢິນສຽວລູ້ໄດ້ເຂົ້າຮຽນໃນໂຮງຮຽນມັດທະຍົມຂອງສະຖາບັນດົນຕີນະຄອນທຽນສິນ,ຢູ່ແຫ່ງນັ້ນນາງໄດ້ເລີ່ມຮຽນວິຊາສະເພາະຢ່າງເປັນລະບົບ.ຕາມນາງເຢິນສຽວລູ້ເວົ້າວ່າ,ແຕ່ເວລານັ້ນ,ນາງຈຶ່ງໄດ້ເຂົ້າໃນຫໍດົນຕີຢ່າງແທ້ຈິງ,ນາງເວົ້າວ່າ:
"ຢູ່ໂຮງຮຽນມັດທະຍົມຂອງສະຖາບັນດົນຕີນະຄອນທຽນສິນ,ການເຂົ້າໃຈຕໍ່ທຳນອງເພງຂອງຂ້ອຍເລີ່ມມີຄວາມຄິດເຫັນຂອງຕົນເອງ,ຝີມືກໍສຸກງອມກວ່າເກົ່າ."
ເພື່ອຍົກລະດັບບັນເລງເປຍໂນແລະການເຂົ້າໃຈຕໍ່ດົນຕີໃຫ້ສູງຂຶ້ນ,ນາງເຢິນສຽວລູ້ໄດ້ໄປຮຽນຢູ່ສະຖາບັນດົນຕີໂອເດຊາຂອງອູແກຼນແລະສະຖາບັນດົນຕີສູນກາງຈີນຢ່າງເປັນລຳດັບ,ໃນໄລຍະນີ້,ນາງໄດ້ສຳຜັດກັບບົດປະພັນດົນຕີຢ່າງກວ້າງຂວາງ,ໄດ້ສ້າງພື້ນຖານອັນຫມັ້ນແກ່ນໃຫ້ແກ່ການຮຽນວິຊາສະເພາະ.ປີ2002,ນາງເຢິນສຽວລູ້ໄດ້ສອບເສັງເຂົ້າສະຖາບັນດົນຕີນະຄອນທຽນສິນດ້ວຍຄະແນນອັນດີເລີດ,ຜ່ານການຮຽນຢ່າງລຳບາກ,ໄດ້ເຮັດໃຫ້ສີມືບັນເລງອຸດົມສົມບູນຂຶ້ນ,ສ້າງວາດຊົງບັນເລງຂອງຕົນເອງເທື່ອລະກ້າວ.ຕົ້ນປີນີ້,ນາງໄດ້ຕາງຫນ້າຈີນເຂົ້າຮ່ວມການແຂ່ງຂັນເປຍໂນອາຊີຢູ່ເປີດເຜີຍຄັ້ງທີ13,ໄດ້ໂປໂລເດັ່ນຂຶ້ນຈາກຫນ່ວຍບັນເລງປະສານສຽງ,ໄດ້ຮັບລາງວັນທີສອງ.
ທ່ານລູສຽວລ້ຽງ ສາດສະດາຈານທີ່ຊີ້ນຳເປຍໂນຂອງນາງເຢິນສຽວລູ້ພໍໃຈຫລາຍນຳການປະພືດໃນການເຂົ້າຮ່ວມການແຂ່ງຂັນຂອງນາງເຢິນສຽວລູ້.ທ່ານເວົ້າວ່າ,ນາງເຢິນສຽວລູ້ໄດ້ສຸກງອມຂຶ້ນໃນດ້ານສີມືແລ້ວ,ມີຄວາມຮູ້ສຶກສະເພາະຕົວຕໍ່ດົນຕີ,ສຳຄັນທີ່ສຸດນັ້ນແມ່ນ,ດົນຕີຂອງນາງເຕັມໄປດ້ວຍຄວາມກະຕືລືລົ້ນ,ນີ້ແມ່ນຫາຍາກທີ່ສຸດ.ທ່ານບອກນັກຂ່າວວ່າ:
"ນາງມັກໃຊ້ສະຫນອງ,ມັກສືກສາຄົນຄວ້າເປັນພິເສດ,ແລະມີຄຳຖາມເລື້ອຍໆ.ນາງພະຍາຍາມທີ່ສຸດ,ເຄັ່ງຄັດຕໍ່ຕົນເອງກວ່ານັກຮຽນທຳມະດາ.ທີ່ຈິງແລ້ວ,ກຳລັງຕົວຈິງຂອງນາງສູງກວ່ານັກສຶກສາອື່ນໆບໍ່ຫລາຍ,ແຕ່ຫົວທີມີລະດັບພໍໆກັນ,ແຕ່ນາງສະສົມມາ4ປີແລ້ວ,ພະຍາຍາມຢ່າງບໍ່ຢຸດຢັ້ງໂດຍຕະຫລອດ,ດົນຕາມດົນ,ນາງກໍ່ກ້າວຫນ້າຫລາຍຂຶ້ນ."
ຕໍ່ຜົນສຳເລັດໃນການແຂ່ງຂັນແລະງານບັນເລງ,ນາງເຢິນສຽວລູ້ເອງພັດສະຫງົບໃບທີ່ສຸດ,ນາງເວົ້າວ່າ,ງານດົນຕີຈະກະຕຸກຊຸກຍູ້ນາງສືບຕໍ່ສານເທບນິຍາຍດົນຕີອັນງາມວິໄລຂອງນາງດ້ວຍເບຍໂນ:
"ຂະບວນວິວັດທີ່ຂ້ອຍບັນເລງເປຍໂນກໍ່ແມ່ນຂະບວນວິວັດທີ່ຂ້ອຍເຕີບໃຫຍ່ຂຶ້ນ,ໃນຂະບວນວິວັດນີ້,ຂ້ອຍໄດ້ຊາບຊືມເຖິງເສັ້ນທາງແຫ່ງຊີວິດຈະຍ່າງຜ່ານແນວໃດ,ໂດຍຜ່າຍງານດົນຕີເທື່ອນີ້,ຂ້ອຍສາມາດຊອກຫາຈຸດອ່ອນ,ເປຍໂນຈະຕິດຕາມຂ້ອຍໄປຕະຫລອດຊີວິດ."
|
