|
|
 |
| (GMT+08:00)
2005-11-24 11:33:50
|
 |
|
ກອງປະຊຸມເວທີປາໄສສິ່ງແວດລ້ອມອາຊີເອີລົບຈັດຂຶ້ນຢູ່ຢາກາກຕາ
cri
Author: da
ຕາມຂ່າວສານຊິນຮວາ: ວັນທີ 23 ພະຈິກ,ກອງປະຊຸມເວທີປາໄສສິ່ງແວດລ້ອມອາຊີເອີລົບໄດ້ໄຂຂຶ້ນຢູ່ຢາກາກຕານະຄອນຫຼວງອິນໂດເນເຊຍເປັນເວລາ 3 ມື້,ຜູ້ແທນປະມານ 250 ຄົນທີ່ໄປຈາກຈີນ ຍີ່ປຸ່ນ ສ.ເກົາຫຼີ ຝຣັ່ງແລະອັງກິດເປັນຕົ້ນໄດ້ເຂົ້າຮ່ວມກອງປະຊຸມ.
ໃນພິທີໄຂກອງປະຊຸມ ທ່ານລັກມັດ ວິໂທລາ ລັດຖະມົນຕີກະຊວງສິ່ງແວດລ້ອມອິນໂດເນເຊຍເວົ້າວ່າ,ຫວັງໃຫ້ກອງປະຊຸມຄັ້ງນີ້ ເປັນການເລີ່ມຕົ້ນອັນດີງາມຂອງການຮ່ວມມືກັນຕື່ມອີກໃນຂົງເຂດສິ່ງແວດລ້ອມອາຊີເອີລົບ. ທ່ານຊີ້ອອກວ່າ,ສິ່ງແວດລ້ອມເສື່ອມຖອຍໄດ້ກາຍເປັນບັນຫາອັນດຽວກັນທີ່ປະເທດທັງໝົດປະເຊີນ,ສິ່ງແວດລ້ອມຂອງປະເທດໃດໜຶ່ງຖືກທຳລາຍ,ຈະກະທົບກະເທືອນເຖິງປະເທດອື່ນ.
ເວທີປາໄສຄັ້ງນີ້ມີຫົວຂໍ້ຫຼັກວ່າ" 1 ສ່ວນ 3 ຂອງດວງດາວພວກເຮົາ: ເພື່ອການພັດທະນາແບບຍືນຍົງ ອາຊີເອີລົບສາມາດເຮັດຫຍັງ". ໃນໄລຍະປະຊຸມ,ຜູ້ຊ່ຽວຊານບັນດາປະເທດຈະຫາລືບັນຫາສິ່ງແວດລ້ອມທີ່ມີຜົນຮ້າຍຕໍ່ການພັດທະນາຂອງປະເທດພວມພັດທະນາ,ແລະຈະແລກປ່ຽນຂໍ້ມູນຂ່າວສານແລະບົດຮຽນຂອງກັນ,ເພື່ອຊຸກຍູ້ການປັບປຸງນະໂຍບາຍບາງຢ່າງທີ່ພົວພັນກັບການອະນຸລັກສິ່ງແວດລ້ອມຕື່ມອີກໃຫ້ດີຂຶ້ນ.
|
|
|
