ຕາມ​ຂ່າວCRI:ວັນ​ທີ23 ພະຈິກ,ກ​ະຊວງສາທາລະນະ​ສຸກ​ຈີນປະກາດ​ຂ່າວວ່າ,ຈີນ​ອີກປະກົດ​ມີ​ຄົນຕິດ​ແປດ​ໄຂ້ຫວັດ​ສັດ​ປີກ​ປະ​ເພດ​ຮ້າຍ​ແຮງ​ອີກ​ຜູ້​ຫນຶ່ງ. ຜູ້​ເປັນ​ໄຂ້ຫວັດ​ສັດ​ປີກ​ທີ່​ບົ່ງມະຕິ​​ແລ້ວ​ຂອງ​ຈີນ​ໄດ້​ເພີ່ມ​ຂຶ້ນ​ຮອດ3ຄົນ.

ຜູ້​ເປັນ​​ໄຂ້ຫວັດ​ສັດ​ປີກຜູ້​ນີ້ຢູ່​ເມືອງ​ຊິວ​ນິງ  ​ແຂວງ​ອານ​ຮຸຍ, ກ່ອນເປັນ​ພະຍາດເຄີຍ​ສຳຜັດ​ກັບສັດ​ປີກ​ທີ່​ຕາຍ​ຍ້ອນ​ພະຍາດ,​ຜູ້​ປ່ວຍໄດ້​ຕາຍ​ໃນ​ວັນ​ທີ22 ພະຈິກ​ແລ້ວ.ຈີ​ນ​ໄດ້​ແຈ້ງ​ສະພາບ​ທີ່ກ່ຽວຂ້ອງ​ຂອງ​ຜູ້​ປ່ວຍ​ຜູ້ນີ້ໃຫ້ອົງການອະນາ​ໄມ​ໂລກ​​,​ເຂດ​ຮົງ​ກົງມາ​ກາວ​​ໄຕ້​ຫວັນ​ແລະ​ປະ​ເທດ​ສ່ວນ​ຫນຶ່ງຊາບ​ແລ້ວ.

ມື້​ດຽວກັນ,ກ​ະຊວງສາທາລະນະ​ສຸກ​ແລະ​ກົມ​ຄຸ້ມ​ຄອງ​ຢາ​ພື້ນ​ເມືອງແຫ່ງ​ຊາດ​ຈີນ​ຍັງ​​ໄດ້ປະກາດ​​ແຜນການ​ບົ່ງມະຕິ​ແລະ​ປິ່ນປົວຄົນ​​ເປັນໄຂ້ຫວັດ​ສັດ​ປີກ​ທີ່​ດັດ​ແກ້​ໃນ​ຫວ່າງ​ມໍ່ໆ​ນີ້,​​ເພື່ອ​ຊີ້​ນຳ​ອົງການ​ປິ່ນປົວ​ເຮັດ​ວຽກບົ່ງ​ມະຕິ​ ​ແລະ​ປິ່ນປົວຄົນ​ເປັນ​ໄຂ້​ຫວັດ​ສັດ​ປີກ​ໃຫ້​ດີ.

ນອກ​ນີ້,ມື້​ດຽວ​ກັນ,ກະຊວງ​ກະສິກຳ​ຈີນປະກາດຂ່າວ​ວ່າ,​ເມືອງ​ຫມີ​ຊວນ​ຂອງ​ເຂດ​ຊິນ​ຈຽງ​ເຜົ່າ​ເວ​ອູ​ເອີປົກຄອງ​ຕົນ​ເອງພາກ​ຕາ​ເວັນ​ຕົກສ​ຽງ​ເຫ​ນືອຂອງ​ຈີນ​​​ໄດ້ເກີດມີ​​ໄຂ້ຫວັດ​ສັດ​ປີກອີກ,​ທ້ອງ​ຖິ່ນ​ດັ່ງກ່າວ​ໄດ້​ຂ້າ​ສັດປີກລ້ຽງ84000​ໂຕ​ຢູ່​​ໃນຂອບ​ເຂດ3ກິ​ໂລ​ແມັດອ້ອມ​ແອ້ມ​ຈຸດ​ພະຍາດ.