|
|
(GMT+08:00)
2005-11-25 12:24:46
|
|
ຜູ້ແທນຈີນບັນລະຍາຍຫຼັກໝັ້ນຫຼັກການຂອງຈີນໃນບັນຫານິວເຄຼຍຂອງອີຣານ
cri
Author: zhangshuo
ຕາມຂ່າວສານຊິນຮວາ:ວັນທີ24ພະຈິກ,ໃນກອງປະຊຸມສະພາມົນຕີອົງການພະລັງປະລະມານູສາກົນ,ທ່ານອູໄຫລົງ ເອກອັກຄະລັດຖະທູດຈີນປະຈຳສຳນັກງານສະຫະປະຊາຊາດທີ່ກຸງວຽນແລະອົງການສາກົນອື່ນໆໄດ້ປະກອບຄຳຄິດຄຳເຫັນ,ບັນລະຍາຍຫຼັກໝັ້ນຫຼັກການຂອງຈີນໃນບັນຫານິວເຄຼຍຂອງອີຣານ.
ທ່ານອູໄຫລົງເວົ້າວ່າ,ຈີນມີເຈດຈຳນົງຕະຫຼອດມາໃຫ້ແກ້ໄຂບັນຫານິວເຄຼຍຂອງອີ ຣານຢ່າງເໝາະສົມໂດຍພາຍໃນຂອບອົງການພະລັງປະລະມານູສາກົນ,ສະໜັບສະໜູນສະຫະພາບເອີລົບກັບອີຣານສະແຫວງຫາແຜນການແກ້ໄຂໄລຍະຍາວນານໂດຍຜ່ານຈາກການສົນທະນາແລະການເຈລະຈາກັນ.ເຖິງວ່າການເຈລະຈາໃນສະເພາະໜ້ານີ້ປະເຊີນກັບຄວາມຫຍຸ້ງຍາກບາງຢ່າງກໍຕາມ,ແຕ່ບໍ່ຄວນປະລະທິດທາງຫຼັກທີ່ແກ້ໄຂຄວາມເຫັນຂັດກັນໂດຍຜ່ານຈາກການເຈລະຈາ.ທ່ານຫວັງໃຫ້ບັນດາຝ່າຍທີ່ກ່ຽວຂ້ອງສະແດງຄວາມຄ່ອງແຄ້ວຍິ່ງຫຼາຍກວ່າເກົ່າ,ໃຊ້ທ່າທີແລະການເຄື່ອນໄຫວທີ່ມີລັກສະນະສ້າງສັນ.
ທ່ານອູໄຫລົງກ່າວວ່າ,ຝ່າຍຈີນຫວັງໃຫ້ອີຣານປະຕິບັດຕາມມະຕິທີ່ກ່ຽວຂ້ອງຂອງສະພາມົນຕີອົງການພະລັງປະລະມານູສາກົນຢ່າງແທ້ຈິງ,ເພີ່ມຄວາມເຂົ້າໃຈຂອງປະຊາຄົມໂລກ.ພ້ອມກັນນັ້ນ,ຝ່າຍອື່ນໆກໍຄວນປະຕິບັດຕໍ່ຄວາມສົນໃຈທີ່ສົມເຫດສົມຜົນຂອງຝ່າຍອີຣານຢ່າງທ່ຽງທຳແລະພາວະວິໄສ.ຝ່າຍຈີນຍິນດີເສີມຂະຫຍາຍບົດບາດທີ່ມີລັກສະນະສ້າງສັນເພື່ອບັນລຸເປົ້າໝາຍດັ່ງກ່າວ.
|
|
|