|
ອົງການອະນາໄມໂລກຈະແຕ່ງຜູ້ຊ່ຽວຊານໄປສຳຫຼວດສອງຄົນທີ່ຕາຍຍ້ອນເປັນໄຂ້ຫວັດສັດປີກຢູ່ແຂວງອ່ານຮຸ່ຍ
cri
Author: zhangshuo
ຕາມຂ່າວສານຊິນຮວາ:ວັນທີ24ພະຈິກ,ຢູ່ທີ່ປັກກິ່ງ,ເຈົ້າໜ້າທີ່ອົງການອະນາໄມໂລກປະ ຈຳປັກກິ່ງກ່າວວ່າ,ອົງການອະນາໄມໂລກຈະແຕ່ງຜູ້ຊ່ຽວຊານໄປແຂວງອ່ານຮຸ່ຍຂອງຈີນ,ເຂົ້າຮ່ວມການສຳຫຼວດສອງຄົນທີ່ຕາຍຍ້ອນເປັນໄຂ້ຫວັດສັດປີກທີ່ຈັດຕັ້ງໂດຍກະຊວງສາ ທາລະນະສຸກຈີນ.
ໃນເວລາຕ້ອນຮັບການສຳພາດຂອງນັກຂ່າວ,ຜູ້ຮັບຜິດຊອບທີ່ກ່ຽວຂ້ອງຂອງສຳນັກງານອົງການອະນາໄມໂລກປະຈຳຈີນເວົ້າວ່າ,ອົງການອະນາໄມໂລກໄດ້ຮັບຄຳເຊີນຈາກກະ ຊວງສາທາລະນະສຸກຈີນແລ້ວ,ສອງຝ່າຍພວມປຶກສາຫາລືກ່ຽວກັບຂໍ້ປີກຍ່ອຍຈຳນວນໜຶ່ງ. ທ່ານນາງກ່າວວ່າ,ຈຸດປະສົງທີ່ອົງການອະນາໄມໂລກໄປສຳຫຼວດເທື່ອນີ້ແມ່ນເພື່ອໄດ້ຮັບຂໍ້ມູນຫຼາຍກວ່າເກົ່າກ່ຽວກັບສອງຄົນທີ່ຕາຍຍ້ອນເປັນພະຍາດໄຂ້ຫວັດສັດປີກ,ແລະກວດ ກາວຽກງານປ້ອງກັນແລະຄວບຄຸມໄຂ້ຫວັດສັດປີກຢູ່ແຫ່ງນັ້ນ.
ວັນທີ23ພະຈິກ,ກະຊວງສາທາລະນະສຸກຈີນໄດ້ລາຍງານວ່າ,ແຂວງອ່ານຮຸ່ຍໄດ້ພົບຄົນ ຕິດໄຂ້ຫວັດສັດປີກປະເພດຮ້າຍແຮງຜູ້ໜຶ່ງ.ນີ້ແມ່ນຄົນທີ່ສອງທີ່ຕາຍຍ້ອນເປັນໄຂ້ຫວັດ ສັດປີກຂອງແຂວງອ່ານຮຸ່ຍ,ແລະກໍແມ່ນຄົນທີ່ສາມທີ່ຕາຍຍ້ອນເປັນໄຂ້ຫວັດສັດປີກທີ່ຈີນລາຍງານ.
|
|
