ຕາມ​ຂ່າວສານ​ຊິ​ນຮວາ:​ເພື່ອ​ແກ້​ໄຂ​ບັນຫາ​ເຊື່ອມ​ພິດ​ຂອງ​ແມ່​ນ້ຳ​ສົ່ງ​ຮວ່າ​ຢ່າງ​ເຫມາະ​ສົມ,ຫວ່າງ​ມໍ່ໆ​ນີ້,ຄະນະ​ລັດຖະບານ​ຈີນ​ໄດ້​ສົ່ງ​ຫນ່ວຍ​ຜູ້​ຊ່ຽວຊານ​ໄປ​ເມືອງ​ຮາ​ບິນທາງ​ພາກ​ຕາ​ເວັນ​ອອກສຽງ​ເຫ​ນືອຂອງ​ຈີນ​.

ຄະນະ​ລັດຖະບານ​ຈີນ​ຍັງ​ຕົກລົງ​ສ້າງ​ຕັ້ງ​ຫນ່ວຍ​ວຽກ​ງານ​ຄະນະ​ລັດຖະບານ​ທີ່​ນຳ​ໂດຍ​ທ່ານ​ຫລີ​ອີ້​ຈົ່ງ ຫົວຫນ້າ​ກົມ​​ໃຫຍ່ຕິດຕາມ​ຄຸ້ມ​ຄອງ​ການ​ຜະລິດ​​ຢ່າງປອດ​ໄພ​,​ເພື່ອປະສານ​ງານ,ຈັດ​ຕັ້ງ​ແລະຊີ້​ນຳ​ວຽກ​ງານຊຳລະ​ສະ​ສາງ​ຫລັງ​ເຫດການຢ່າງ​ເປັນ​ເອກະ​ພາບ.

ວັນ​ທີ13 ພະຈິກ,​ວິ​ສາ​ຫະກິດ​ອຸດສາຫະກຳ​ເຄມີຫລັງ​ຫນຶ່ງ​ຂອງ​ເມືອງ​ຈີນ​ຫລິນ​ຍ່ານ​ເຫນືອແມ່​ນ້ຳ​ສົ່ງ​ຮວ່າ​​ໄດ້​ລະ​ເບີດ​,ສິ່ງ​ເຊື່ອມ​ພິດ​ໄດ້ເຂົ້າ​ແມ່​ນ້ຳ​ສົ່ງ​ຮວ່າຢ່າງ​ຫລວງຫລາຍ.ວັນ​ທີ24 ພະ​ຈິກ,​​ແຖບເຊື່ອມ​ພິດ​ທີ່ປະກອບ​ດ້ວຍ​ວັດຖຸປະ​ເພດ​ເບັນ​ຊິນ​ໄດ້​​ໄຫ​ລ​ເຂົ້າ​ແມ່​ນ້ຳ​ສົ່ງ​ຮວ່າ​ຍ່ານເມືອງ​ຮາ​ບິນ.​ປະຈຸ​ບັນ​ຍັງ​ບໍ່​ມີການລາຍ​ງານ​ກ່ຽວ​ກັບມວນ​ຊົນ​ເກີດ​ບັນຫາ​ຍ້ອນ​ດື່ມ​ນ້ຳຂອງ​ແມ່​ນ້ຳ​ສົ່ງ​ຮວ່າ.

ນອກ​ນີ້​ຕາມ​ຜົນ​ຕິດຕາມວັດ​ແທກ​ຂອງພະ​ແນ​ກ​ອະນຸ​ລັກ​ສິ່ງ​ແວດ​ລ້ອມ,ຄຸນນະພາ​ບນ້ຳຂອງ​ແມ່​ນ້ຳ​ສົ່ງ​ຮວ່າ​ຍານຈີ​ຫລິນໄດ້​ບັນລຸ​ມາດຖານ​ຂອງນ້ຳ​ໃນ​ຫນ້າດິນຂອງ​ຊາດ​ຢ່າງຮອບດ້ານ​ໃນ18​ໂມງ​ວັນ​ທີ22 ພະຈິກ​ແລ້ວ.